Saturday, August 18, 2012

Unwanted Hair, Hypertricosis,అవాంఛిత రోమాలు,హైపర్‌ట్రైకోసిస్

    •  



    ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Unwanted Hair, Hypertricosis,అవాంఛిత రోమాలు,హైపర్‌ట్రైకోసిస్- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



    • అవాంఛిత రోమాలు ఉంటే వాటిని తొలగించడం... శ్రమ అవుతుంది. తెల్లగా, నునుపుగా, పట్టుకుంటే జారిపోయేలా చర్మం ఉండాలనుకుంటారు అమ్మాయిలు. తలపై తప్ప శరీరంపై ఎక్కడ రోమం కనిపించినా బాధే. హెయిర్ రిమూవల్ క్రీములు, త్రెడింగ్, వ్యాక్సింగ్, ప్లకింగ్, లేజర్... అంటూ రకరకాల పద్ధతుల ద్వారా వాటిని తొలగించుకునే పనిలో పడుతున్నారు. అసలు అమ్మాయిల్లో అవాంఛిత రోమాల సమస్య ఎందుకు వస్తాయి? వాటిని తొలగించడానికి అతివలు పడరాని పాట్లు ఎందుకు పడతారు. ఆ రోమాలను కొండంత శ్రమతో కాకుండా... తేలిగ్గా వదిలించుకోడం ఎలా...?


    •         అవాంఛిత రోమాలు పెరగడం.. అందానికి సంబంధించిన సమస్యే... కానీ దానికి కారణాలు మాత్రం ఆరోగ్యపరంగా ఉంటాయి. హార్మోన్ల అసమతూకం మొదలు.. మరికొన్ని సమస్యలు అవాంఛిత రోమాలకు దారితీస్తాయి. అందుకే ముందు అసలైన కారణం గుర్తించి, చికిత్స తీసుకోవాలి.
      అన్నివయసుల వారినీ ఇబ్బందిపెట్టే సమస్యల్లో అవాంఛిత రోమాలు కూడా ఒకటి. కాళ్లూ, చేతులపైనే కాదు, పైపెదవిపైనా, చెంపల దగ్గరా.. ఇలా ఉండకూడని చోట రోమాలు వస్తాయి. దాన్నే హిర్సుటిజం అంటారు. కొందరిలో ఈ సమస్య తక్కువగా ఉంటే, మరికొందరిలో మగవాళ్లకు పెరిగినట్లుగా గడ్డాలూ, మీసాలూ కూడా వస్తాయి.

       కారణాలు..
      * స్త్రీలల్లో సాధారణంగా ఈస్ట్రోజెన్‌, ప్రొజెస్టరాన్‌ హార్మోన్లు ఎక్కువగా, యాండ్రోజెన్లు తక్కువగా స్రవిస్తాయి. ఈ యాండ్రోజన్లు ఎడ్రినల్‌ గ్రంథి, అండాశయాల నుంచీ తయారైతే, వాటిని పిట్యూటరీ గ్రంథి అదుపు చేస్తుంటుంది. ఆ యాండ్రోజన్ హార్మోను రక్తప్రసరణ ద్వారా కణజాలానికి చేరినప్పుడు శక్తిమంతమైన టెస్టోస్టెరాన్‌గా మారుతుంది. దాంతో రోమాలూ, సెబేషియస్‌ గ్రంథులూ ప్రభావితమవుతాయి. కొందరిలో అవాంఛిత రోమాలు పెరగడానికి యాండ్రోజెన్లు ఎక్కువగా తయారు కావడమే ముఖ్య కారణం. అలాగే మరికొన్ని కారణాలూ ఉన్నాయి..

      * శరీరతత్వం కూడా ఈ సమస్యను పెంచుతుంది. ఏ జబ్బూ లేకుండానే అవాంఛిత రోమాలు ఎక్కువగా పెరుగుతాయి కొందరికి. ఇది వంశపారంపర్యంగా వస్తుంది.

      * మరో సర్వసాధారణమైన కారణం పీసీఓఎస్‌ (పాలీసిస్టిక్‌ ఒవేరియన్‌ సిండ్రోమ్‌). అండాశయాల్లో సిస్టులు ఉండటం, హార్మోన్ల అసమతూకం, ఇన్సులిన్‌ రెసిస్టెన్స్‌తో అవాంఛిత రోమాలు వస్తాయి. దాంతోపాటూ మొటిమలూ, నెలసరి సక్రమంగా రాకపోవడం, విపరీతంగా బరువు పెరగడం, సంతాన సాఫల్యసామర్థ్యం తగ్గడం లాంటివీ ఉంటాయి.

      * అండాశయాల్లో కొన్నిరకాల ట్యూమర్లు ఉన్నప్పుడూ పురుష హార్మోను ఉత్పత్తి పెరుగుతుంది. అప్పుడూ అవాంఛితాల సమస్య ఉంటుంది.

      * ఎడ్రినల్‌ గ్రంథి నుంచి సహజంగా వచ్చే యాండ్రోజెన్లు అవసరానికి మించి కొన్నిసార్లు ఎక్కువగా తయారవుతుంటాయి అలాంటప్పుడు అవాంఛిత రోమాలతోపాటూ విపరీతంగా బరువు పెరగడం, ముఖం ఉబ్బినట్లు కనిపించడం, మెడ వెనుక కొవ్వు పేరుకుని మూపురంలా కనిపించడం (బుల్‌నెక్‌).. లాంటి లక్షణాలూ ఉంటాయి.

      * కొందరికి పుట్టుకతోనే ఎడ్రినల్‌ గ్రంథి పనితీరు ఎక్కువగా ఉంటుంది. యాండ్రోజెన్లు ఎక్కువగా తయారవుతాయి. ఆ ప్రభావం వల్ల శిశువు పుట్టే సమయానికి బాహ్య జననేంద్రియాలు సరైన విధంగా ఏర్పడకపోవచ్చు. దాంతో ఆ బిడ్డ అమ్మాయా, అబ్బాయా అని స్పష్టంగా తెలియదు.

      * కొన్నిరకాల మందులతోనూ అవాంఛిత రోమాలు పెరుగుతాయి. ముఖ్యంగా ఎండోమెట్రియోసిస్‌ ఉన్నప్పుడూ, వక్షోజాల్లో ఫైబ్రోఎడినోసిస్‌ అనే సమస్య ఉన్నప్పుడూ డానజాల్‌ అనే మందును వాడతారు. దీన్ని దీర్ఘకాలికంగా వాడినప్పుడు పురుషుల్లో ఉన్నట్లుగా రోమాలూ పెరుగుతాయి. మూర్ఛకు వాడే కొన్ని రకాల మందులూ, యాంటాసిడ్ల వల్ల కూడా అవాంఛిత రోమాలు వస్తాయని అధ్యయనకర్తలు గుర్తించారు. అలాగే థైరాయిడ్‌, క్రోమోజోమ్‌ల లోపాలున్నా, పిట్యూటరీ గ్రంథిలో ట్యూమర్‌ ఉన్నవారికి కూడా ఈ పరిస్థితి రావచ్చు.

      * కొన్ని కారణాలకు ప్రొజెస్టరాన్‌ హార్మోను వాడటం వల్ల కూడా ఈ సమస్య ఎదురవుతుంది.

      * మెనోపాజ్‌ తరవాత గడ్డం, పైపెదవిమీద రోమాలు పెరుగుతున్నాయని, అదే సమయంలో తలమీద జుట్టు వూడిపోతోందని బాధపడుతుంటారు చాలామంది స్త్రీలు. ఆ దశలో అండాశయాల పనితీరు తగ్గుతుంది. దాంతో ఈస్ట్రోజెన్‌, యాండ్రోజెన్‌ సమతూకం లోపించి పురుష లక్షణాలు మొదలవుతాయి.

      * గర్బిణుల్లో కూడా కొన్నిసార్లు ఈ సమస్య కనిపిస్తుంది. ఆ సమయంలో అండాశయాలు పెద్దవై, వాటిలో పురుష హార్మోను కణాలు పెరగడం వల్ల ఈ పరిస్థితి వస్తుంది. అయితే ప్రసవం తరవాత ఆ సమస్య దానంతట అదే తగ్గిపోతుంది.

      సమస్య మూడు దశల్లో..
      అవాంఛిత రోమాల సమస్య రెండురకాల్లో కనిపిస్తుంది. రోమాలు మరీ సన్నగా, కనిపించీ కనిపించకుండా ఉంటాయి (వెల్లస్‌ హెయిర్‌). హార్మోన్లలో జరిగే మార్పుల ప్రభావం వీటిపై ఉండదు. రెండో రకం చాలా మందంగా, నల్లగా ఉంటాయి (టెర్మినల్‌ హెయిర్‌). హార్మోన్లలో మార్పులు జరిగేకొద్దీ ఇవీ పెరుగుతాయి.. ఏ రకమైనా.. సమస్య మూడు దశల్లో బాధిస్తుంది.

      *1 చుబుకం, పైపెదవి మీదా రోమాలు కొద్దిగా కనిపిస్తాయి.
      *2 చెంపలూ,వక్షోజాల మధ్యలో, చనుమొనల చుట్టూ, పొట్టమీదా, వీపూ, పిరుదుల మధ్యలో, తొడల లోపలివైపు కూడా అవాంఛిత రోమాలుంటాయి.
      *3 అవాంఛిత రోమాలు ఎక్కువగా పెరగడంతోపాటూ, పురుష లక్షణాలు కూడా మొదలవుతాయి. గొంతు బొంగురుగా మారడం, వక్షోజాలు క్షీణించిపోవడం, నెలసరి ఆగిపోవడం, బాహ్యజననేంద్రియాల్లోనూ మార్పులు వంటి లక్షణాలు కనిపిస్తాయి. అంటే స్త్రీ పురుషుడిగా మారిపోతోందనడానికి సంకేతం.

      గుర్తించే పరీక్షలుంటాయి..
      సమస్య ఏ దశలో ఉన్నా.. అవాంఛిత రోమాలతో వైద్యుల్ని సంప్రదించినప్పుడు ముందు అల్ట్రాసౌండ్‌ స్కాన్‌ చేస్తారు. తద్వారా అండాశయాలోని ఎడ్రినల్‌ గ్రంథిని పనితీరును తెలుసుకుంటారు. అండాశయాల్లో పీసీఓఏస్‌ ఉన్నా, కణుతులున్నా ఈ స్కాన్‌లో తెలుస్తుంది. ఒకవేళ ఎడ్రినల్‌, పిట్యూటరీ గ్రంథుల్లో ట్యూమర్లు ఉన్నట్లు సందేహం కలిగితే అదనంగా సీటీస్కాన్‌, ఎం.ఆర్‌.ఐ. పరీక్షలతో నిర్థరిస్తారు. అవాంఛిత రోమాలనేది హార్మోన్లకు సంబంధించిన సమస్య కనుక పిట్యూటరీ, ఎడ్రినల్‌, అండాశయాల నుంచి వచ్చే హార్మోన్లను పరీక్ష చేస్తారు. ఈ పరీక్షల్లో టెస్టోస్ట్టెరాన్‌, డీహెచ్‌ఈఏఎస్‌, 17 ఓహెచ్‌పీ, ప్రొలాక్టిన్‌, థైరాయిడ్‌ లాంటివి ఉంటాయి.

      ఆలస్యంగా ఫలితం..
      ఇలాంటి సమస్య ఉన్నప్పుడు స్త్రీలు ఎంతగా కుంగిపోతారంటే.. ఏ చికిత్స తీసుకున్నా వెంటనే ఫలితం కనిపించాలనుకుంటారు. అయితే అవాంఛిత రోమాల విషయంలో వెంటనే చికిత్స తీసుకున్నా ఫలితం ఆలస్యంగా కనిపిస్తుంది. పైగా ఒక వెంట్రుక పెరిగి, వూడి, కొత్తది రావడానికి చాలా సమయం పడుతుంది. కాబట్టి ఏ మందు వాడినా దాదాపు సంవత్సరం లోపు ఫలితాలు కనిపించవు. ఒకవేళ పీసీఓఎస్‌ ఉంటే గనుక గర్భనిరోధక మాత్రలు, ప్రొజెస్టరాన్‌ లాంటివి ఇస్తారు. అండాశయాల పనిని మందగించేలా చేస్తారు. అదే ఎడ్రినల్‌ గ్రంథిపని తీరులో లోపం ఉంటే స్టెరాయిడ్లు సూచిస్తారు. వాటిల్లో ముఖ్యంగా పురుష హార్మోను యాండ్రోజెన్‌కి వ్యతిరేకంగా పనిచేసే యాంటీయాండ్రోజెన్లు వాడమంటారు. వైద్యులు సూచించే మందులతోపాటూ అందుబాటులో ఉన్న సౌందర్య చికిత్సలు కూడా చేయించుకోవచ్చు. బ్లీచింగ్‌, వ్యాక్సింగ్‌, హెయిర్‌ రిమూవింగ్‌ క్రీంలు వాడటం లాంటివి ఆ కోవలోకే వస్తాయి. అలా కాకుండా కొందరు సొంతంగా ప్లకింగ్‌, షేవింగ్‌ లాంటివి చేసుకుంటారు. కానీ వాటివల్ల రోమాలు ఇంకా బలంగా పెరుగుతాయి. మరింత నల్లగానూ కనిపిస్తాయి. స్పష్టంగా చెప్పాలంటే సమస్య ఇంకా పెరుగుతుంది. ఒకవేళ శాశ్వత చికిత్సను కోరుకునేవారు ఎలక్ట్రాలిసిస్‌, లేజర్‌ లాంటివి ఎంచుకోవచ్చు. వీటిని కూడా దశలవారీగా చేయాల్సి ఉంటుంది. చికిత్స పూర్తికావడానికి ఒక్కోసారి సంవత్సరాలు కూడా పడుతుందని మరవకూడదు.

    కారణాలు :
    • హార్మోన్ల అసమతుల్యం - స్ర్తీలలో ఉండే ఈస్ట్రోజన్ అనే హార్మోన్ వల్ల ముఖం మీద నూనూగు వెంట్రుకలలా కనిపిస్తుంటాయి. మెనోపాజ్ దశలో శరీరంలో ఈస్ట్రోజన్ హార్మోన్ నిల్వలు తగ్గిపోవడంతో శరీరంలో ఉండే టెస్టోస్టిరాన్, ఈస్ట్రోజన్ హార్లోన్ల అసమతుల్యం ఏర్పడి రోమాలు దట్టంగా రావడం మొదలవుతుంది. వీరిలో పురుష హార్మోన్లు వృద్ధి చెందడం ఈ సమస్యకు ప్రధాన కారణం.

    జీవనశైలి
    • క్రమబద్ధమైన ఆహారపుటలవాట్లు పాటించకపోవడం వల్ల చాలామంది ఆరోగ్య పరిస్థితులు అస్తవ్యస్తంగా మారిపోతున్నాయి. అంతర్గతంగా కనిపించకుండా వచ్చే మార్పులు కొన్నైతే, బహిరంగంగా ఇబ్బందిపెట్టే సమస్యలు మరికొన్ని. సవ్యంగా లేని జీవనశైలి, ఊబకాయం... ఈ సమస్యను మరింతగా పెంచుతున్నాయి. ఈ విషయాలేవీ తెలియకపోవడం, సరైన జాగ్రత్తలు పాటించకపోవడం వల్ల పూర్తి డిప్రెషన్‌లోకి వెళ్లిపోతున్నారు. కొందరు జీవితంపై ఆశ వదులుకుంటున్నారు.

    హిర్సుటిజం, హెపర్‌ట్రైకోసిస్... కారణాలు :
    • మహిళల శరీరంపై సాధారణంగా ఉండాల్సిన వెంట్రుకలకు బదులు అవాంఛితమైన రోమాలు విపరీతంగా, పురుషుల్లాగా ఉండటాన్ని హిర్సుటిజం అంటారు. హైపర్‌ట్రైకోసిస్ ఉన్న సందర్భాల్లో కూడా మహిళల్లో రోమాలు ఇలాగే ఉంటాయి. అయితే హిర్సుటిజానికీ, హైపర్ ట్రైకోసిస్‌కు తేడా ఉంది. హిర్సుటిజం ఉన్న కేసుల్లో పురుషుల్లో లాగా వెంట్రుకలు ఉంటే... హైపర్ ట్రైకోసిస్ కేసుల్లో అవాంఛిత రోమాలు ఉన్నా అవి పురుషుల్లో మాదిరిగా ఉండవు. హిర్సుటిజంలో హార్మోన్ల లోపాల వల్ల వెంట్రుకలు విపరీతంగా పెరుగుతాయి. హైపర్ ట్రైకోసిస్ మాత్రం జన్యుపరమైన కారణాలతో వస్తుంటాయి. అందుకే కుటుంబంలో ఎవరికైనా ఉంటే హైపర్ ట్రైకోసిస్ రావడం చాలా సాధారణం.
    • పాలీసిస్టిక్ ఒవేరియన్ డిసీజ్ :
    హిర్సుటిజానికి ఒక ప్రధాన కారణం పాలీసిస్టిక్ ఒవేరియన్ సిండ్రోమ్ (పీసీఓఎస్). అంటే... ఓవరీ (అండాశయం)లో నీటితిత్తులు ఉండటం అన్నమాట. హిర్సుటిజంతో బాధపడే మహిళలను పరిశీలించినప్పుడు వాళ్లలో దాదాపు 70 శాతం మందికి పీసీవోఎస్ ఉన్నట్లు తేలింది. పీసీఓఎస్ ఉన్న మహిళల్లోని అండాశయాల్లో పురుషుల్లో ఉండే హార్మోన్ అయిన టెస్టోస్టెరాన్ సాధారణ స్థాయి కంటే ఎక్కువగా స్రవిస్తుంది. దాంతో మహిళలకు వెంట్రుకలు విపరీతంగా పెరగడంతో పాటు, మొటిమలు రావడం కనిపిస్తుంది. ఇవి ప్రధానంగా ముఖం మీద ఎక్కువగా వస్తాయి. సాధారణంగా యువతుల్లో యుక్తవయసులో మొటిమలు రావడం సహజమే. అయితే ఇవి మామూలుగా మొటిమలకు తీసుకునే చికిత్సతో తగ్గనప్పుడు వారిలో పీసీఓఎస్ ఉందేమో అని అనుమానించాలి. స్థూలకాయం ఉన్న చాలామంది మహిళల్లో మెడ దగ్గర, బాహుమూలల్లో చర్మం బాగా నల్లబడి, కాస్త ముడతలు పడి, దళసరిగా మారుతుంది. ఈ కండిషన్‌ను ‘అకాంథోసిస్ నెగ్రికాన్స్’ అంటారు. మహిళల్లో రక్తంలోని చక్కెర పాళ్లను అదుపులో ఉంచడానికి అవసరమైన దాని కంటే మరింత ఎక్కువ ఇన్సులిన్ అవసరమవుతోందని భావించడానికి దీన్ని ఒక సూచనగా భావించాలి. అలాంటివారిని ఇన్సులిన్ రెసిస్టెంట్‌గా పరిగణిస్తారు. కాబట్టి ఇలాంటి లక్షణాలు కనిపించినవారికి భవిష్యత్తులో షుగర్ వచ్చే అవకాశం (రిస్క్) ఉందని అనుమానించి తగిన జాగ్రత్తలు తీసుకోవాలి.

    • నివారణ పద్దతులు :
    అవాంఛిత రోమాలను పూర్తిగా తొలగించి, మళ్లీ రాకుండా చేయడానికి లేజర్ చికిత్స, పర్మనెంట్ హెయిర్ రిడక్షన్ పద్ధతులు అందుబాటులో ఉన్నాయి. వీటితో పాటుగా హార్మోన్లు సవ్యంగా పనిచేయడానికి వైద్యుల సూచనల మేరకు మందులు వాడుతూ, జీవనశైలిని మార్చుకుంటే సమస్య పూర్తిగా తీరిపోతుంది.

    • శాశ్వత పద్ధతులు
    అవాంఛిత రోమాలను శాశ్వతంగా తొలగించడానికి ముఖ్యమైన రెండు పద్ధతులున్నాయి. అవి ఎలక్ట్రాలిసిస్, లేజర్.

    ఎలక్ట్రాలిసిస్: ఈ చికిత్స నిపుణుల పర్యవేక్షణలోనే జరగాల్సి ఉంటుంది. చర్మ సంబంధిత ఇన్ఫెక్షన్లు, పిగ్మెంటేషన్ ఉన్నా ఈ పద్ధతి ద్వారా రోమాలను తొలగించవచ్చు. ముఖ్యంగా తెల్లని రోమాలను తొలగించడంలో ఈ పద్ధతి మేలైనది. అయితే ఈ పద్ధతిలో కూడా ముఖంపై మచ్చలు, గుంటలు పడే అవకాశం ఉంటుంది. ఈ చికిత్సలో ఉపయోగించే నీడిల్స్ సురక్షితం కానివైతే ఎయిడ్స్ వంటి రోగాలు సంక్రమించే ప్రమాదం ఉంది. కనుక ఈ పద్ధతులను ఉపయోగించే నిపుణులు కచ్చితమైన ప్రమాణాలను పాటించాలి.

    లేజర్: అవాంఛిత రోమాలకు ఈ పద్ధతి శాశ్వత పరిష్కారాన్ని సూచిస్తుంది. కాంతి కిరణాల ఆధారంగా మల్టిపుల్ లేజర్స్‌తో హెయిర్‌ను తొలగిస్తారు.

    • తాత్కాలిక పద్ధతులు...
    అవాంఛిత రోమాలను తీసేయడానికి షేవింగ్, త్రెడింగ్, ప్లకింగ్, వ్యాక్సింగ్, బ్లీచింగ్... లాంటివి చేస్తుంటారు. ఈ పద్ధతులలో రోమాలను తొలగించిన చోట నొప్పి, దురద రావడం, స్వేదరంధ్రాలలో పస్ ఏర్పడం వంటివి ఎక్కువగా గమనిస్తుంటాం. కొందరిలో స్కిన్ పిగ్మెంటేషన్ కూడా రావచ్చు. ఇలాంటప్పుడు త్రెడ్డింగ్ చేస్తే పిగ్మెంటేషన్ ఇతరచోట్లకు కూడా వ్యాపించవచ్చు. అందుకని ఎలాంటి చర్మ సమస్యలు లేనప్పుడు మాత్రమే ఈ పద్ధతులను ఫాలో అవడం మంచిది.

    • హెయిర్ రిమూవల్ క్రీములు
    అవాంఛిత రోమాలు ఉన్న వారికి హెయిర్ రిమూవల్ క్రీములు సురక్షితమైనవి. అయితే ఈ క్రీములను వాడే ముందు ప్యాచ్ టెస్ట్ చేసుకోవాలి. అంటే కొద్దిగా క్రీమ్‌ని అరచేయి వెనకభాగంలో రాసుకొని ఎలాంటి అలర్జీ లేదనిపిస్తే అప్పుడు పూర్తిగా ఉపయోగించుకోవచ్చు.

    • షేవింగ్ - అపోహ...
    షేవింగ్ చేస్తే కేవలం చర్మంపై ఉన్న రోమం మాత్రమే కట్ అవుతుందని, ఆ రోమం మందం అవుతుందనే అపోహ ఉంది. అందుకే అవాంఛిత రోమాలను తొలగించడానికి షేవింగ్ మంచి ప్రక్రియ కాదని స్ర్తీలందరూ భావిస్తారు. షేవింగ్ ద్వారా కట్ అయిన హెయిర్ త్వరగా పెరగడం, మందంగా రావడం అనేది నిజం కాదు. షేవింగ్ చేసిన రెండు రోజుల తర్వాత కనిపించే హెయిర్ స్పాటికల్స్ చూసి ఇంకా ఎక్కువ రోమాలు
    వస్తున్నాయని భయపడతారు. షేవింగ్ సరైన విధంగా చేయకపోవడం వల్ల హెయిర్ ఫాలికల్స్ దెబ్బతింటాయి. ఈ ఫాలికల్‌లో నుంచి బయటకు వచ్చిన వెంట్రుకను తీసేయడానికి మళ్లీ షేవ్ చేయడంతో అప్పటికే దెబ్బతిన్న చర్మం వద్ద రోమం మొదలయ్యే భాగం (హెయిర్ బంప్) దురద పెట్టడం, రంగు మారడం జరుగుతుంది.

    • ===================
    Visit my website - > Dr.Seshagirirao.com/

    Mustaches in women,Hirsutism,ఆడవారికి మీసాలు,హిర్సుటిజం



    ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Mustaches in women,Hirsutism,ఆడవారికి మీసాలు,హిర్సుటిజం- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


    ఎక్కడైనా సిగ్గు పడొచ్చుగానీ వైద్యం దగ్గరా, వైద్యుల ముందరా సిగ్గుకు తావులేదు. జబ్బును ఒప్పుకోవటానికీ, బాధలు చెప్పుకోవటానికీ బిడియపడుతూ ఆరోగ్యం విషయంలో అశ్రద్ధ చెయ్యటం.. చేజేతులా ప్రమాదాన్ని కొనితెచ్చుకోవటమే అవుతుంది. అది నోటి దుర్వాసన కావచ్చు.. జననాంగ దురద కావచ్చు.. వీటి గురించి బిడియపడకుండా వైద్యులను సంప్రదించటం చాలా అవసరం. వీటిలో కొన్ని ఆరోగ్యపరంగా ప్రమాదకరమైనవి కాగా మరికొన్ని మనిషిని సామాజికంగా కూడా అందరికీ దూరం చేసేస్తాయి. అందుకే మనలో చాలామంది అసలు వైద్యులను కలిసేందుకే సిగ్గుపడుతుండే అతి సాధారణమైన, కీలకమైన సమస్యలు కొన్నింటి్లో ... ఆడవారికి మీసాలు :


    అవాంఛిత రోమాలు ఉంటే వాటిని తొలగించడం... శ్రమ అవుతుంది. తెల్లగా, నునుపుగా, పట్టుకుంటే జారిపోయేలా చర్మం ఉండాలనుకుంటారు అమ్మాయిలు. తలపై తప్ప శరీరంపై ఎక్కడ రోమం కనిపించినా బాధే. హెయిర్ రిమూవల్ క్రీములు, త్రెడింగ్, వ్యాక్సింగ్, ప్లకింగ్, లేజర్... అంటూ రకరకాల పద్ధతుల ద్వారా వాటిని తొలగించుకునే పనిలో పడుతున్నారు. అసలు అమ్మాయిల్లో అవాంఛిత రోమాల సమస్య ఎందుకు వస్తాయి? వాటిని తొలగించడానికి అతివలు పడరాని పాట్లు ఎందుకు పడతారు. ఆ రోమాలను కొండంత శ్రమతో కాకుండా... తేలిగ్గా వదిలించుకోడం ఎలా...?


    కొందరు స్త్రీలకు ఉన్నట్టుండి పురుషుల మాదిరిగా ముఖం మీద, పైపెదవి మీద, ఒంటి మీద రోమాలు పెరగటం ఆరంభమవుతుంది. దీంతో నలుగురిలోకి వెళ్లాలన్నా, అద్దంలో చూసుకోవాలన్నా బిడియపడుతూ బిక్కుబిక్కుమంటూ గడుపుతుంటారేగానీ వైద్యులను సంప్రదించేందుకు మాత్రం వెనకాడుతుంటారు. కొందరైతే షేవింగ్‌ వంటి వాటిని ఆశ్రయిస్తూ, పైకి కనబడకుండా ఉండేందుకు క్రీములు రాస్కుంటుంటారు. కానీ ఇలా వెంట్రుకలు పెరుగుతున్నాయని గమనించిన వెంటనే, సిగ్గు పక్కనబెట్టి వెంటనే వైద్యులను కలవటం అవసరం. ఎందుకంటే స్త్రీలలో మీసాలు, గడ్డాలు పెరగటాన్ని 'హిర్సుటిజం' అంటారు, ఇది చాలా రకాల ఆరోగ్య సమస్యలకు ఒక సంకేతంలాంటిది. చాలామంది ఆడపిల్లల్లో అండాశయాల మీద నీటి తిత్తులు వచ్చి (పీసీఓఎస్‌), హార్మోన్లు అస్తవ్యస్తమై, దాని కారణంగా ఇలా వెంట్రుకల పెరుగుదల మొదలవ్వచ్చు. ఈ సమస్య ఊబకాయుల్లో మరీ ఎక్కువ. అలాగే శరీరంలో కీలక హార్మోన్లను ఉత్పత్తి చేసే అడ్రినల్‌, పిట్యూటరీ, థైరాయిడ్‌ వంటి గ్రంథుల మీద కణుతులు, గడ్డలు పెరిగి.. హార్మోన్‌ వ్యవస్థ అస్తవ్యస్తమైనప్పుడు, ముఖ్యంగా పురుష హార్మోన్ల స్థాయులు పెరిగినప్పుడు ఈ బెడద మొదలవ్వచ్చు. ఇదే కాకుండా ఫిట్స్‌ వంటి కొన్ని రుగ్మతలకు వాడే మందుల వల్ల, స్టిరాయిడ్స్‌ వల్ల కూడా ఇలా జరగొచ్చు. కాబట్టి బిడియం వీడి వైద్యులను కలిస్తే మూల కారణమేమిటో అన్వేషించి, తగిన చికిత్స అందిస్తారు.
    • ====================
    Visit my website - > Dr.Seshagirirao.com/

    Post-delivery infections,ప్రసవం తర్వాత ఇన్‌ఫెక్షన్‌లు



    ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Post-delivery infections,ప్రసవం తర్వాత ఇన్‌ఫెక్షన్‌లు- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


    -చాలామంది మహిళలు ప్రసవం తర్వాత తమ ఆరోగ్యం విషయంలో అంతగా శ్రద్ధ తీసుకోరు. గర్భవతిగా ఉన్నప్పుడు తీసుకున్న శ్రద్ధ, జాగ్రత్తలు కాన్పు జరిగిన తర్వాత వారు తీసుకోకపోవడంతో మహిళల్లో పలు రకాల ఆరోగ్య సమస్యలు ఏర్పడతాయి. డెలివరీ తర్వాత స్ర్తీలలో ఇన్‌ఫెక్షన్‌, జ్వరం రావడం, యూరినరీ ప్రాబ్లమ్స్‌, బ్రెస్ట్‌ ప్రాబ్లమ్స్‌, నరాల్లో రక్తం గడ్డ కట్టడం వంటి ఆరోగ్య సమస్యలు ఎదురవుతాయి. దీన్ని దృష్టిలో పెట్టుకొని డెలివరీ తర్వాత మహిళలు ప్రసవానంతర జాగ్రత్తలు తప్పనిసరిగా తీసుకోవాల్సి ఉంటుంది.

    మహిళల్లో కాన్పు తర్వాత ఏర్పడే ఇన్‌ఫెక్షన్‌లను పర్పురల్‌ ఇన్‌ఫెక్షన్స్‌ అంటారు. ఈ ఇన్‌ఫెక్షన్‌లు ప్రసవం తర్వాత రక్తం లేనివాళ్లు, ప్రెగ్నె న్సీ సమయంలో బిపి ఉన్నవాళ్లు, బాగా నీరసంగా ఉన్నవాళ్లకి వస్తాయి. దీంతో డెలివరీ సమయంలో బాగా బ్లీడింగ్‌ కావడం, మాయ కిందికి ఉండడం, డెలివరీ తర్వాత మాయ ముక్కలు లోపలే ఉండిపోవడం వల్ల కూడా ఇన్‌ఫెక్షన్‌లు ఏర్పడతాయి. ఈ ఇన్‌ఫెక్షన్‌ల మూలంగా మహిళలకు ఒళ్లు నొప్పులు, నీరసం, కడుపు నొప్పి, వాసనలతో కూడిన వెజినల్‌ డిశ్చార్జ్‌ జరుగుతుంది. గర్భాశయం ఇన్‌ఫెక్షన్‌ వల్ల పొట్ట మొత్తం, శరీరంలో మొత్తం ఇన్‌ఫెక్షన్‌ వ్యాపిస్తుంది.

    • ఇన్‌ఫెక్షన్‌ల నివారణ, చికిత్సలు...
    మహిళల్లో కాన్పు తర్వాత ఇన్‌ఫెక్షన్‌ల నివారణకు ప్రత్యేక శ్రద్ద తీసుకోవాలి. గర్బం ధరించినప్పుడు రెగ్యులర్‌గా గైనకాలజిస్ట్‌లను సంప్రదించాల్సి ఉంటుంది. డాక్టర్లు రక్తం తక్కువగా ఉన్నవారికి, బిపి ఉన్న వారికి అవసరమైన చికిత్సలు చేస్తారు. ప్రసవానికి ముందు పళ్లలో, చిగుళ్లలో ఇన్‌ఫెక్షన్‌ ఉన్నా, ట్రాన్సిల్‌ ఇన్‌ఫెక్షన్‌ ఉన్నా వెంటనే ట్రీట్‌మెంట్‌ తీసుకో వాలి. బిపి, షుగర్‌, టిబి, మలేరియా, యూరిన్‌ ఇన్‌ఫెక్షన్‌ ఉంటే వెంటనే వైద్యం చేయించుకోవాలి. డెలివరీ సమయంలో వాటర్‌ లీక్‌ అవుతుందని తెలిస్తే డాక్టర్లు ముందే ట్రీట్‌మెంట్‌చేస్తారు.

    -గర్భం సమయంలో ఏవైనా గాయాలు ఏర్పడితే చాలా జాగ్రత్తగా వాటికి వైద్యం చేయించుకోవాలి. ఆరోగ్య సమస్యలు ఎదురయ్యే మహిళలకు టెంపరేచర్‌, పల్స్‌ చెకప్‌, బిపి, లీవర్‌, లంగ్స్‌ చెకప్‌ చేస్తారు. గర్భం తర్వాత స్కిన్‌ ఇన్‌ఫెక్షన్‌, గర్భాశయం కరెక్ట్‌గా మూసుకున్నదా లేదా అని డాక్టర్లు చూస్తా రు. వెజినల్‌, సర్విక్స్‌ నుంచి యూరిన్‌, బ్లడ్‌ టోటల్‌ కౌంట్‌, డిఫరెన్షియల్‌ కౌంట్‌ను డాక్టర్లు పరీక్షిస్తారు. బ్లడ్‌ టెస్ట్‌తో పాటు ఎక్స్‌రే, మలేరియా టెస్ట్‌లను సైతం నిర్వహిస్తారు. డెలివరీ సమయంలో రక్తం తక్కువగా ఉన్నవారికి రక్తం ఎక్కిస్తారు. అవసరమైన వారికి యాంటీబ యాటిక్స్‌ను అందిస్తారు.

    ఇక డెలివరీ జరిగే గది పరిశుభ్రంగా ఉండేవిధంగా చూసుకో వాలి. దీనివల్ల ప్రసవం జరిగే మహిళలను ఇన్‌ఫెక్షన్‌ల నుంచి రక్షించవచ్చు. డెలివరీకి ముందు లోపల తక్కువగా పరీక్షలు చేయడం మంచిది. స్టెరైల్‌ కండీషన్‌లో డెలివరీ చేయాల్సి ఉంటుంది. ప్రసవానికి ముందు, తర్వాత మహిళలు వ్యక్తిగత పరిశు భ్రతను పాటిం చాల్సి ఉంటుంది. శుభ్రమైన నీటితో స్నానం చేయడంతో పాటు లోకల్‌పార్ట్స్‌ను ప్రతి రోజూ శుభ్రపరుచుకోవాలి. గాయాలు ఏర్ప డితే వెంటనే వైద్యం చేయించుకొని యాంటి బయాటిక్స్‌ మందులను వాడాలి. స్టెరైల్‌ ప్యాడ్స్‌ను వాడడం శ్రేయస్కరం. బాగా ఇన్‌ఫెక్షన్‌ ఉంటే విడిగా ఉండే గది లో విశ్రాంతితీసుకోవాలి. మాయముక్కలను శుభ్రం చేయాలి.

    • యూరినరీ సమస్యలు...
    -కాన్పు తర్వాత కొందరు మహిళలకు యూరినరీ ఇన్‌ఫెక్షన్స్‌ వస్తాయి. ఇటువంటి వారు వెంటనే డాక్టర్ల వద్ద వైద్యం చేయించుకోవాలి. ఈ మహిళలు మంచినీటిని బాగా తాగాలి. ఇటువంటి వారు మూత్ర విసర్జనను ఆపుకోకూడదు. వీరికి మూత్ర విసర్జన సమయంలో మంట, నొప్పి రావచ్చు. యూరిన్‌ బ్లాడర్‌లో వాపు కూడా రావచ్చు. యూరిన్‌ ఇన్‌ఫెక్షన్‌ రావడానికి ఓవర్‌ ఫ్లో, వెజినల్‌ డ్యామేజీ కారణం కావచ్చు. దగ్గినప్పుడు నొప్పి రావచ్చు. కొన్నిసార్లు యూరిన్‌ ఔట్‌పుట్‌ తక్కువగా ఉండవచ్చు.

    • బ్రెస్ట్‌ సమస్యలు...
    ప్రసవం తర్వాత కొందరు మహిళ లకు బ్రెస్ట్‌ సమస్యలు ఎదురవుతాయి. వీరికి బ్రెస్ట్‌లో నొప్పులు ఏర్పడతాయి. ఇటువంటి వారు వెంటనే డాక్టర్‌ను సంప్రదించి వైద్యం చేయించుకోవాలి. బ్రెస్ట్‌లలో నొప్పి ఎక్కువగా ఉండే పెయిన్‌ కిల్లర్‌ మందులను వాడాల్సి ఉంటుంది. కొన్నిసార్లు బ్రెస్ట్‌ చుట్టూ అల్సర్లు ఏర్పడి నొప్పి రావచ్చు. దీనివల్ల శిశువుకు పాలిచ్చేటప్పుడు నొప్పి కలుగుతుంది. దీంతో కొన్నిసార్లు జ్వరం కూడా వస్తుంది. ఇటువంటివారికి బ్రెస్ట్‌ నొప్పి నివారణకు క్రీమ్‌ రాసుకోవడం, పెయిన్‌ కిల్లర్‌ మందులను వాడాల్సి ఉంటుంది. అల్సర్‌లు ఎక్కువగా రోజులు ఉంటే క్యాన్సర్‌ పరీక్షలు సైతం చేసుకోవాలి. బ్రెస్ట్‌ సమస్యల్లో అక్యూర్డ్‌ మాస్‌టైటిస్‌ ఒకటి. దీని వల్ల ఒళ్లు నొప్పులు, బ్రెస్ట్‌ ఎర్రగా కావడం, ముట్టుకుంటే నొప్పి కలగడం జరుగుతుంది. ఈ సందర్బంగా ఏర్పడే రిట్రాచ్‌ నిప్పల్‌, క్రాక్‌ నిప్పల్‌ సమస్యలు ఉంటే వెంటనే గైనకాలజిస్ట్‌ల చేత వైద్యం చేయించుకోవాలి. వీరికి యాంటిబయాటిక్స్‌ ఇస్తారు. కొందరు మహిళలకు బ్రెస్ట్‌లో పాలు గడ్డ కట్టడం సంభవిస్తుంది. ఇటువంటి వారికి ఎక్స్‌ట్రా మిల్క్‌ను ఎప్పటి కప్పుడు తీసేయాలి. కొందరు బ్రెస్ట్‌ సమస్యల వల్ల పాలు తక్కు వగా వస్తాయి. హై ఫీవర్‌ ఉంటుంది. బిపి ఉన్నవాళ్లు, రక్తం తక్కువగా ఉన్నవాళ్లు, ఎక్కువ వయస్సు ఉన్నవాళ్లు, డిప్రెషన్‌తో బాధపడుతున్నవాళ్లకి బ్రెస్ట్‌ సమస్యలు ఏర్పడతాయి.

    పాలు రానివారికి, తక్కువగా వస్తున్నవారికి సైకలాజికల్‌గా వారిని ప్రిపేర్‌ చేయాలి. శిశువును ఎల్లప్పుడు తల్లి పక్కనే ఉంచడం మంచిది. తల్లికి పాల సమస్య ఉంటే సరైన పోషకాహారం, విశ్రాంతి అవసరమన్న విషయం గమనించాలి. ఇక పాలు ఎక్కువ రావడానికి ప్రత్యేకంగా ఎటువంటి మందులు లేవన్న విషయం తెలుసుకోవాలి.

    • సబ్‌ ఇన్‌వల్యూషన్‌...
    డెలివరీ తర్వాత గర్భాశయం సరిగా ముడుచుకోకపోవ డాన్ని సబ్‌ ఇన్‌వల్యూషన్‌ అంటారు. ఇటువంటి వారికి బ్లీడింగ్‌ ఎక్కువ కావడం, కడుపు నొప్పి రావడం, బ్లీడింగ్‌ రంగు మారి వాసనరావచ్చు. ఇటువంటి ఆరోగ్య సమస్య ఎక్కువగా డెలివరీలు జరిగినవారికి, సిజేరియన్‌ అయిన వాళ్లకు, ఉమ్మనీరు ఎక్కువగా ఉన్నవాళ్లకి ఏర్పడుతుంది. యుటెరస్‌ ఇన్‌ఫెక్షన్‌ ఉన్న వాళ్లకి ఈ సమస్య ఏర్పడుతుంది.

    • రక్తనాళాల్లో రక్తం గడ్డకట్టుకోవడం...
    కాళ్ల నరాల్లో, పెల్విక్‌ నరాల్లో కొన్నిసార్లు రక్తం గడ్డకట్టుకుపోతుంది. నరాల నొప్పి, గుండె సంబంధిత వ్యాధులు, బిపి, షుగర్‌ ఉన్నవాళ్లకి ఈ సమస్య ఏర్పడుతుంది. వీరు యాంటిబయాటిక్స్‌ తీసుకుంటూ విశ్రాంతి తీసుకోవాలి. కొన్నిసార్లు కాళ్ల నరాల మీద వత్తిడి పడి నొప్పులు రావచ్చు. డెలివరీ తర్వాత బ్లీడింగ్‌ కావడం, షాక్‌కు గురవ్వడం, ఫిట్స్‌ రావడం, లంగ్స్‌లో సమస్యల వల్ల రక్త నాళాల్లో రక్తం గడ్డ కట్టుకుపోతుంది. ఇటువంటి వారు గైనకాలజిస్ట్‌ చేత వెంటనే వైద్యం చేయించుకోవాలి. వీరు రెగ్యులర్‌గా పోస్ట్‌నాటల్‌ ఎక్సర్‌సైజులు చేయాలి. బ్లీడింగ్‌ ఎక్కువగా ఉన్న ప్పుడు, డిశ్చార్జి అవుతు న్నప్పుడు వెంటనే చెకప్‌చే యించుకోవాలి.

    - డాక్టర్‌ . పద్మావతి ,గైనకాలజిస్ట్‌,గాయత్రి నర్సింగ్‌ హోం ,రాజీవ్‌ నగర్‌ క్రాస్‌రోడ్‌ ,హైదరాబాద్‌.

    • ====================
    Visit my website - > Dr.Seshagirirao.com/

    Friday, August 17, 2012

    Puerperal mastitis ,బాలింత రొమ్ములో సలపరింత,పర్పురల్‌ మాస్త్టెటిస్



    ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Puerperal mastitis ,బాలింత రొమ్ములో సలపరింత,పర్పురల్‌ మాస్త్టెటిస్- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


    ఆడపిల్ల యవ్వన దశకు చేరుకునేసరికి స్తనాలు పెరగడం జరుగుతుంది. బహిష్టులు ఆరంభమైన 2, 3 సంవత్సరాలు ఇది జరుగుతుంది. చనుమొనల నుంచి క్షీర వాహికలు శాఖోపశాఖలుగా విస్తరించి, కొవ్వులో నిక్షిప్తమై వుంటాయి. ప్రసవానికి 2, 3 నెలల ముందు స్తనాలలో పాల ఉత్పత్తి ప్రారంభమవుతుంది. ఈ దశలో ఈస్ట్రోజెన్‌, ప్రొజెస్టిరాన్‌ హార్మోను స్థాయులు తగ్గిపోతాయి. దానితో మెదడులోని హైపోథాలమస్‌, తన అడుగు భాగంలో ఉండే పిట్యూటరీ గ్రంథిని 'ప్రోలాక్టిన్‌' హార్మోను ఉత్పత్తికి ప్రేరేపిస్తుంది. ఈ హార్మోను స్తనాలలో పాల ఉత్పత్తికి దోహదపడుతుంది. కాన్పు అయిన తరవాత మొదటి రోజులలో లభించే తల్లిపాలలో ఆరోగ్య రక్షకమైన 'యాంటీబాడీస్‌' బిడ్డకు లభిస్తాయి.

    కాన్పయిన తరవాత శిశువు పాలు చీకడం మొదలు పెట్టిన కొన్ని సెకండ్లలోనే పాల ఉత్పత్తి ప్రారంభమవుతుంది. ఈ సంఘటనలో హైపోధెలామస్‌ పాత్ర అనల్పం!

    పాలిచ్చే తల్లులకు సాధారణంగా ఎదురయ్యే సమస్య స్తనాలలో క్షీరవాహికలు ఇన్ఫెక్షన్‌కు గురికావడం. దీనినే 'మాస్త్టెటిస్‌' అని వ్యవహరిస్తారు. పాలు తాగేసమయంలో బిడ్డ నోటిలోని సూక్ష్మ జీవుల ద్వారా తల్లికి సంక్రమించే అతి సామాన్యమైన వ్యాధి ఇది. బాధాకరమైన వ్యాధి. స్తనాలు వాచి ఎర్రబారి వుంటాయి. గట్టి బడతాయి. చలితో జ్వరం కూడా రావచ్చు.

    బాధగా వున్నది గదా అని పాలివ్వడం మానడం మాత్రం మంచిది గాదు. ముందుగా ఇన్ఫెక్షన్‌లేని స్థనంలోని పాలివ్వటం ఉత్తమం. ఆకలి మూలకంగా బిడ్డ

    ఆ స్తనంలోని పాలు గట్టిగా ప్రయత్నించి తాగడం జరుగుతుంది. వాపు వున్న స్తనంలోని పాలు బిడ్డ తాగాల్సి వస్తే పంపుతో పాలు తీయడం మంచిదే.

    ఇన్ఫెక్షన్‌ తగ్గనట్లయితే గడ్డ ఏర్పడుతుంది. గడ్డలో చీము చేరి, అది మందుల ద్వారా తగ్గనట్లయితే ఆ ప్రాంతంలో గంటు పెట్టి చీము బయటకు

    వచ్చెయ్యటానికి వీలు కల్పించవలసి వుంటుంది.ం

    మరికొన్ని బ్రెస్ట్‌ సమస్యలు...
    ప్రసవం తర్వాత కొందరు మహిళ లకు బ్రెస్ట్‌ సమస్యలు ఎదురవుతాయి. వీరికి బ్రెస్ట్‌లో నొప్పులు ఏర్పడతాయి. ఇటువంటి వారు వెంటనే డాక్టర్‌ను

    సంప్రదించి వైద్యం చేయించుకోవాలి. బ్రెస్ట్‌లలో నొప్పి ఎక్కువగా ఉండే పెయిన్‌ కిల్లర్‌ మందులను వాడాల్సి ఉంటుంది. కొన్నిసార్లు బ్రెస్ట్‌ చుట్టూ అల్సర్లు

    ఏర్పడి నొప్పి రావచ్చు. దీనివల్ల శిశువుకు పాలిచ్చేటప్పుడు నొప్పి కలుగుతుంది. దీంతో కొన్నిసార్లు జ్వరం కూడా వస్తుంది. ఇటువంటివారికి బ్రెస్ట్‌ నొప్పి

    నివారణకు క్రీమ్‌ రాసుకోవడం, పెయిన్‌ కిల్లర్‌ మందులను వాడాల్సి ఉంటుంది. అల్సర్‌లు ఎక్కువగా రోజులు ఉంటే క్యాన్సర్‌ పరీక్షలు సైతం చేసుకోవాలి.

    బ్రెస్ట్‌ సమస్యల్లో అక్యూర్డ్‌ మాస్‌టైటిస్‌ ఒకటి. దీని వల్ల ఒళ్లు నొప్పులు, బ్రెస్ట్‌ ఎర్రగా కావడం, ముట్టుకుంటే నొప్పి కలగడం జరుగుతుంది. ఈ సందర్బంగా

    ఏర్పడే రిట్రాచ్‌ నిప్పల్‌, క్రాక్‌ నిప్పల్‌ సమస్యలు ఉంటే వెంటనే గైనకాలజిస్ట్‌ల చేత వైద్యం చేయించుకోవాలి. వీరికి యాంటిబయాటిక్స్‌ ఇస్తారు. కొందరు

    మహిళలకు బ్రెస్ట్‌లో పాలు గడ్డ కట్టడం సంభవిస్తుంది.

    -ఇటువంటి వారికి ఎక్స్‌ట్రా మిల్క్‌ను ఎప్పటి కప్పుడు తీసేయాలి. కొందరు బ్రెస్ట్‌ సమస్యల వల్ల పాలు తక్కు వగా వస్తాయి. హై ఫీవర్‌ ఉంటుంది. బిపి

    ఉన్నవాళ్లు, రక్తం తక్కువగా ఉన్నవాళ్లు, ఎక్కువ వయస్సు ఉన్నవాళ్లు, డిప్రెషన్‌తో బాధపడుతున్నవాళ్లకి బ్రెస్ట్‌ సమస్యలు ఏర్పడతాయి. పాలు

    రానివారికి, తక్కువగా వస్తున్నవారికి సైకలాజికల్‌గా వారిని ప్రిపేర్‌ చేయాలి. శిశువును ఎల్లప్పుడు తల్లి పక్కనే ఉంచడం మంచిది. తల్లికి పాల సమస్య

    ఉంటే సరైన పోషకాహారం, విశ్రాంతి అవసరమన్న విషయం గమనించాలి. ఇక పాలు ఎక్కువ రావడానికి ప్రత్యేకంగా ఎటువంటి మందులు లేవన్న విషయం

    తెలుసుకోవాలి. కొందరు డాక్టర్లు ఆక్షిటోసిన్‌ ఇంజక్షను ఇవ్వడము వలన పాల ఉత్పత్తి ఎక్కువ అవుతుందంటారు. ఆయుర్వేదములో Satavari preparations i.e.. tab. GALACAL , cap,LACTARE వంటివి వాడవచ్చును.

    • ===================
    Visit my website - > Dr.Seshagirirao.com/

    Wednesday, August 15, 2012

    కోపము అవగాహం , Angry and awareness



    ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -కోపము - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



    షడ్గుణాలలో ఒకటైన క్రోధం అనగా కోపం లేదా ఆగ్రహం... మన మనసుకు నచ్చని లేదా మన అభిప్రాయాన్ని మరొకరు విమర్శించినా లేదా వ్యతిరేకించినా వారిపై మనకు కలిగే వ్యతిరేకానుభూతి లేదా ఉద్రేకాన్ని కోపంగా నిర్వచించవచ్చు. దీని పర్యవసానంగా ఎదుటివారిపై దాడిచేయటం, వారిని దూషించటం మొదలైన వికారాలకు లోనై తద్వారా వారి, మరియు చూసేవారి దృష్టిలో మన స్థానాన్ని దిగజార్చుకోవడం జరుగుతుంది. అందుకే క్రోధం కలిగినప్పుడు ఆవేశానికి లోను కాకుండా మనకు మనం శాంతపర్చుకోవడం ఎంతైనా అవసరం. కోపం అన్నది ఒక మానసిక ఉద్రేక స్థితి . అసలు మనము కోపం గా ఉన్నామని మనకి మొదట్లో తెలియదు . ఎదుటవారికి ... అంటే ఆ కోపాన్ని , దానివల్ల వచ్చే స్థితిని చూసి అనుభవించేవారికి మొదట తెలుస్తుంది . తను అన్నది కాదంటే బాబుకి కోపం , ఇలా ఉండకూడదు .. జాగ్రత్త అంటే పాపకి కోపం , భావాలు వ్యతిరిక్తమైనపుడు భార్యా భర్త ల మధ్య కోపం , చిన్నవాళ్ళు తమ మాట వినలేదని పెద్దవాళ్ళలో కోపము .తనని పట్టించుకోలేదని పెద్దవాళ్ళలో కోపము , తన నిస్సహాయితని చెప్పుకోలేక బలహీనుని కోపం ... ఇలా అందరి లోనూ కోపం కనబడుతూ ఉంటుంది .

    • తన కోపమె తన శత్రువు

    కోపం, అసహనం ఎక్కువగా ఉండే వ్యక్తులకు కెరోటిడ్‌ రక్తనాళాలు మందంగా మారిపోవడంతో గుండె పోటు వచ్చే ప్రమాదం ఎక్కువ. తనకు అందరూ శతృవులవుతారు . కోపం ప్రకృతి పరమయిన సహజ ఉద్వేగం. ఇది జీవుల శరీర భౌతిక ధర్మం. నేలమీద మనుగడ సాగించే ప్రతిజీవి కోప లక్షణాన్ని తనలో ఇముడ్చుకొనే పుడుతుంది. ఏ ఉద్వేగం కలిగినా అత్యవసర పరిస్థితిని ఎదుర్కోవడానికి శరీరాన్ని సమాయత్త పరచే అడ్రినలిను, నారడ్రినలిను హార్మోనులు విడుదల అవుతాయి. దీనివల్ల బీపీ పెరగటం, గుండె వేగంగా కొట్టుకోవటం, కాళ్ళూ చేతులకు రక్త ప్రసరణ ఎక్కువ కావటం, ఊపిరి ఎక్కువగా తీసుకోవటం లాంటి లక్షణాలు కనపడతాయి. అలా కోపం వచ్చినా, భయం వచ్చినా శరీరంలో జరిగే మార్పులు, కనపడే లక్షణాలు ఒకేలా ఉంటాయి.

    మెదడులో భయం, కోపానికి సంబంధించిన కేంద్రాలు పుట్టినప్పటి నుండి చనిపోయే వరకు నిరంతరం రావణ కాష్టంలా మండుతూనే(Fire)ఉంటాయి. అయితే వాటిని బయటకు పొక్కనీయకుండా బలవంతంగా ‘అణచి’(Inhibit)ఉంచే కేంద్రం కూడా ‘లింబిక్ లోబు’లోనే ఉంటుంది. ఈ కేంద్రాన్ని సడలిస్తే కోపం బయటకు వస్తుంది. ఎంత సడలింపు జరిగితే ఆ మేరకు కోపం వస్తుంది. అయితే ఈ సడలింపును అణచివేత కేంద్రం తనకు తానుగా ఇవ్వదు. మానవులలో సామాజిక ఆంశాలను పర్యవేక్షించే ‘ప్రీ ప్రాంటల్ కార్టెక్సు’ ఆదేశాలను అందుకొని దాని ప్రకారం సడలిస్తుంది. నిత్యం మనముందు జరిగే సామాజిక సంఘటనల ఆధారంగా ‘ప్రాంటల్ కార్టెక్సు’ (వ్యవహార సౌలభ్యం కోసం దీనే్న మనసు అనుకుందాం) స్పందిస్తుంది. కోపాన్ని తెప్పించే సంఘటన జరిగినప్పుడు దాని తీవ్రతను బట్టి సడలింపు ఆదేశాలను ఇస్తుంది. మనం ‘అదిపని’గా పట్టించుకోనంత వరకూ ఈ చర్య యథాలాపంగా జరిగిపోతుంది. కానీ మనం పట్టించుకుంటే మాత్రం సడలింపు ఆదేశాలు ఇవ్వటమా, వద్దా అనేది నూటికి నూరు పాళ్ళు‘మన’(Will power)అదుపులోకి తీసుకోవచ్చు.

    • కోపం అనచివేయడం :
    మనం సామాజిక జీవులం కాబట్టి పుట్టుకతో వచ్చే సహజ ఉద్వేగాలను అలాగే వదిలేస్తే కుదరదు. వాటిని సమాజ పరిస్థితులకు తగ్గట్టు అదుపులో ఉంచుకోవాలి. ఈ అదుపు పుట్టుకతో రాదు. ఎదిగే కొద్ది ఎవరికి వారు నేర్చుకోవాలి. దీనినే 'సామాజకీకరణ'(Socialization)అంటాము. అందులో భాగంగా సహజ ఉద్వేగం అయిన కోపాన్ని మన అదుపులో ఉంచే ‘ఓర్పు నేర్చుకోవాలి. వ్యక్తి పెరిగే వాతావరణం, పరిసరాలు, కుటుంబ కట్టుబాట్లు, చుట్టూ ఉన్న సమాజం దన్నుగా ఓర్పు రూపొందుతుంది. ఇది ఎంత బలంగా ఏర్పడితే కోపాన్ని అణచే కేంద్రానికి అంత బలం చేకూరుతుంది. కోపం నేరుగా ఉన్నట్టుండి పుట్టుకు రాదు. దానికో కారణం కావాలి. మన చుట్టు ఉండే వ్యక్తులు, పరిస్థితులు, సందర్భాలు కోపం రావటానికి కారణాలుగా ఉంటాయి. కారణ తీవ్రతను బట్టి విడుదల అయ్యే కోపం ఏ రూపంలో, ఎంత త్వరగా, ఎంత తీవ్రతతో ప్రదర్శించాలనే తేడాలు ఉంటాయి. సంఘటన పట్ల అవగాహన, దాన్ని అర్థం చేసుకునే తీరు, అలవర్చుకున్న ‘ఓర్పు’ తదితర అంశాలు దీన్ని నిర్ణయిస్తాయి. ఇంకో మాటలో చెప్పాలంటే నిరంతరం రగులుతూ ఉండే కోపాన్ని బయటకు రానివ్వటమా, వద్దా అనేది మన మనసులో ఉన్న ‘అణచివేత-విడుదల’ బలా బలాలపై ఆధారపడి ఉంటుంది. కోపం రావటం అంటూ జరిగితే అటు పూర్తిగా జంతు ప్రవర్తన అయిన కొట్లాట నుండి ఇటు అత్యంత నాగరికమయిన సహాయ నిరాకరణ వరకూ ఏ రూపంలో అయినా ఉండవచ్చు. ఎంత తీవ్రంగా అయినా ఉండవచ్చు.

    మనుషుల్లో కోపానికి కారణాలను పరిశీలిస్తే ప్రకృతి పరమయిన సహజ పరిస్థితుల (ప్రాణాపాయం, మనుగడ) కంటే సామాజిక పరిస్థితులే ప్రధాన పాత్ర పోషిస్తున్నాయి. అంటే వ్యక్తిత్వం, అహంభావం, నమ్మకాలు, గుర్తింపు, గౌరవం, ఆధిపత్యం, తదితర అంశాలకు భంగం వాటిల్లినప్పుడు కోపంపై ఉన్న అణచివేత వైదొలుగుతుంది. వచ్చే కోపాన్ని వ్యక్తీకరించటంలో కూడా ఇదే వైవిధ్యం కనపడుతుంది. మిగతా జీవులు పోరాటం, పలాయనం అనే ఆదిమ పద్ధతుల్లో మాత్రమే కోపాన్ని వ్యక్తీకరిస్తాయి. మనుషులు అరవటం, తిట్టటం, అవమాన పర్చటం, చెయ్యి చేసుకోవడం, దాడి చేయడం, వస్తువులు పగలగొట్టటం లాంటి ‘చురుకు కోపపు’(Active Aggression)రూఫాలతో పాటు, మౌన పోరాటం, నిరాహార దీక్ష, అలగటం, సహాయ నిరాకరణ లాంటి ‘మెతక కోపపు’(Passive Aggression)రూఫాలలో కూడా చూపుతారు.


    • కోపాన్ని తగ్గించుకోగలమా?

    ప్రతి వ్యక్తికీ ఏదో ఒకసందర్భంలో కోపం, ఉద్రేకం, ఆవేశం రాకుండా ఉండవు. కోపం వస్తే మనం దానిని ఏవిధంగా వ్యక్తం చేస్తామనే విష యంలో మనుష్యుల మధ్య తేడాలుంటాయి. కొంతమంది తాము కోపిష్టులమనీ, తమకు టెంపర్‌ ఎక్కువనీ చెప్పుకుంటారు. సాధారణంగా ఈ రకం మనుష్యులు తమ కోపాన్ని ఇంట్లో భార్య మీద, పిల్లల మీద చూపుతుంటారు. కానీ, తమ పైఅధికారిపై చూపించరు. అంటే అధికారి వద్ద కోపాన్ని అణచుకుంటారు. దీని అర్థం మనకు కోపాన్ని నిగ్రహించుకోవాలనే ఆలోచన ఉంటే కొంతవరకైనా తప్పనిసరిగా నివారించుకో గలుగుతాము. కోపం వలన చాలా సందర్భాలలో నష్టాలు ఎదురైనప్పటికీ, కొంత మేరకు లాభాలు కూడా ఉంటాయి. ఒక్కొక్కసారి కంఠస్వరం స్థాయి పెంచి, గట్టిగా గద్దిస్తూ చెబితే తప్ప పనులు కావు. అయితే ఇలా గద్దించడంపై నిగ్రహం లేకుండా ప్రవర్తిస్తే, పనులు జరుగవు సరికదా, నలుగురిలో మనం కోపిష్టులమనే చెడ్డపేరు కూడా వస్తుంది.

    కోపం రావడానికి అనేక అంశాలు దోహదం చేస్తుంటాయి. కొన్ని వ్యాధులకు గురైన వారు కూడా అకారణంగా కోపాన్ని ప్రదర్శిస్తుంటుం టారు.
    ఉదాహరణకు తలకు గాయమైన వారు, మూర్ఛవ్యాధి, కొన్ని రకాల మానసిక వ్యాధులకు గురైన వారు అకారణంగా ఇతరులపై కోపాన్ని ప్రదర్శిస్తుంటారు.
    ప్రస్తుతం వ్యాధుల వలన కాకుండా, వ్యక్తిత్వంలో భాగంగా అతిగా కోపాన్ని ప్రదర్శించే వారి గురించి చర్చిద్దాం.
    మనిషి పెరిగిన వాతావరణాన్ని బట్టి కోపం రావడం ఆధారపడి ఉంటుంది. కొంతమంది అతి త్వరగా కోపం ప్రదర్శించడం మనం చూస్తూ ఉంటాం.
    పెద్దవాళ్లు ప్రతి చిన్న విషయానికీ అరవడం, పిల్లలను కొట్టడం వంటిపనులు చేస్తుంటే, పిల్లలు కూడా అదే నేర్చుకుంటారు. పరిస్థితుల ప్రభావం వలన మనకు కోపం వచ్చిన ప్పుడు పక్కవారిపై అరుస్తాము. అంతే త్వరగా మర్చిపోతాం కూడా.
    కొంతమంది మాత్రం కోపం వస్తే బైటకు చెప్పలేక, లోలోపలే గంటల కొద్దీ ఆలోచించి, బాధపడి తమ ఆరోగ్యం పాడు చేసుకుంటారు.
    అంటే కోపాన్ని బైటకు వ్యక్తం చేసినప్పుడు పక్కవాళ్లకు, వ్యక్తం చేయకపోతే కోపం వచ్చిన వాళ్లకు బాధ కలుగుతుంది.
    కోపాన్ని అదుపులో ఉంచుకోవడం మునులు, సాధువులు, రుషులకే సాధ్యమని అంటారు. మనం కోపాన్ని నిగ్రహించులేకపోయినప్పటికీ, దానిని వీలైనంత తక్కువస్థాయికి తగ్గించుకో వచ్చు. అప్పుడే కోపాన్ని సరైన పద్ధతిలో వ్యక్తం చేయడం సాధ్యమవుతుంది.
    ఈ విషయంలో మనం మారాలని అనుకున్నప్పుడు ముందుగా మనకు ఈ సమస్య ఉందని తెలుసుకోవాలి. తరువాత మారాలనే నిర్ణయం తీసుకోవాలి. కోపం కలుగడానికి పని వత్తిడి ఒక కారణమైతే, మన మాటకు ఎదుటివారు విలువ ఇవ్వడం లేదనే అంశం మరొక కారణం.
    కోపాన్ని నిగ్రహించుకోవాలనుకునే వారు ముందుగా రెండువారాల పాటు తమ ప్రవర్తనను తామే అధ్యయనం చేసుకోవాలి.
    ఏఏ సందర్భాలలో కోపం వస్తున్నదో సమీ క్షించుకోవాలి.
    మన ప్రవర్తన ఎలా ఉంటున్నది? దీని వలన ఎటువంటి సమస్యలు ఉత్పన్నమవుతున్నాయి? అనే విషయాలను పరిశీలించాలి. వీటి ఆధారంగా మనలో మార్పు కోసం ఎటు వంటి ప్రయత్నాలు చేయాలో ప్రణాళికను రూపొందించుకోవచ్చు.
    పని భారం ఎక్కువై తన పైఅధికారిపై కోపం వచ్చినప్పుడు దానిని వ్యక్తీకరించలేక, ఇంట్లో భార్యాపిల్లల మీద చూపుతూ, తనలో తాను తిట్టుకోవడమే తప్ప మరేమీ చేయలేని స్థితిలో పడటం కొంత మందిలో గమనిస్తుంటాము.
    వీరికి కోపం తెప్పించేవారిపై కాకుండా, దానిని భరించే వారిపై కోపాన్ని చూపడం అలవాటుగా మారుతుంది.
    ఇంకొంత మందిలో తనలో తాను మాట్లా డుకోవడం అలవాటు ఉంటుంది. వీరు కోపాన్ని వ్యక్తం చేయకుండా, కోపానికి కారణ మైన వారిని తమ మనస్సుల్లోనే తిట్టుకుంటూ ఉంటారు. తమతో ఏకీభ వించే వారితో చర్చిస్తుంటారు. దీని వలన కోపం స్థాయి పెరగడమే తప్ప దానిని తగ్గించుకోవడం సాధ్యం కాదు.
    ఇలా కోపంస్థాయి పెరుగుతున్నప్పుడే దానిని తగ్గించుకోవడానికి ప్రయత్నించాలి. తనలో తాను మాట్లాడుకోవడం (సెల్ఫ్‌ టాక్‌) ద్వారా ఒక దశ వరకూ మనం కోపాన్ని ఆపుకోగలం.

    • కోపాన్ని తగ్గించుకునే మార్గాలు :
    ప్రతి ఒక్కడూ ఇతర్లని సంస్కరించే పనిలో వుంటాడు. ఇతర్లకు నీతులు బోధిస్తూ వుంటాడు. మనిషి నిజానికి సంస్కరించాల్సింది సమాజాన్ని కాదు. వ్యక్తుల్ని కాదు. తనను తాను సంస్కరించుకోవాలి. తనను తాను అనుక్షణం పరిశీలించుకోవాలి. చిన్నప్పటినుంచీ మనకు తెలీకుండా సమాజం ద్వారా, కుటుంబం ద్వారా మనకు ఎన్నో లక్షణాలు అలవడి వుంటాయి. వాటిని బట్టే మనం నడుచుకుంటూ వుంటాం. మన ఆనందం, దుఃఖం వాటిని బట్టే వుంటాయి.
    అవి మంచివి కావచ్చు, చెడ్డవి కావచ్చు. మనల్ని మనం పరిశీలించుకుంటే ఏవి మంచివో ఏవి చెడ్డవో తెలిసి వస్తాయి. అపుడు ఏ లక్షణాల్ని మనం నిలుపుకోవాలో వేటిని మనం వదిలిపెట్టాలో తెలిసివస్తుంది. ఆ చైతన్యం కలిగితే మనం ఎదిగే అవకాశం వుంది. అప్పుడు మనం యింకొరిలాకాక మనం మనంగా వుండే వీలుంటుంది. ఉదాహరణ :
    ఆర్మీనియా దేశంలోగూర్జియేఫ్ అన్న తాత్వికుడు జన్మించాడు. గత శతాబ్దం ఏడో దశకంలో పుట్టి ఈ శతాబ్దం ఐదో దశకం దాకా జీవించాడు. పుస్తకాల ద్వారా కాక అనుభవాల నుండి జీవితాన్ని మలచుకోవడం గురించి ఆయన చెప్పాడు.
    జీవితంతో ఆయన ప్రయోగాలు చేశాడు. ఆయన పద్ధతులు మోటుగా వుండేవి. ఆయన స్వతంత్ర చింతనగలవాడు. స్వేచ్ఛగా పెరిగాడు. తండ్రి ఎంతో ప్రేమగా పెంచాడు. ఎన్నో విషయాలు నేర్పించాడు.
    గూర్జియేఫ్ తండ్రి మరణశయ్యపై వున్నపుడు కొడుకును దగ్గరకు పిలిచాడు. కొడుక్కి గొప్ప సలహాయిచ్చాడు. యిప్పటిదాకా ఏ తండ్రీ ఏ కొడుక్కీ అంత గొప్ప సలహా ఇచ్చి వుండడు. అప్పటికి గూర్జియేఫ్ వయసు తొమ్మిదేళ్ళు.
    తండ్రి ‘బాబూ! నిజానికి యిప్పుడు నేను చెప్పే మాటల్ని నువ్వు అర్థం చేసుకుంటావో లేదో నాకు తెలీదు. నీది చిన్నివయసు.
    ఐనా యిప్పుడు చెప్పక తప్పదు. ఎందుకంటే యివి నా చివరిమాటలు. వీటిని జీవితాంతం గుర్తుపెట్టుకో. నువ్వు పెద్దవాడయ్యాకా వాటి గురించి ఆలోచిస్తావన్నాడు. కొడుకు తప్పకుండా గుర్తు పెట్టుకుంటానన్నాడు.
    తండ్రి ‘నీ కోసం నేను ఎట్లాంటి ఆస్తిపాస్తులూ కూడబెట్టలేదు. నీకు యివ్వడానికి నాదగ్గర ఈ మాటలు మాత్రమేవున్నాయి. అవి ఏమిటంటే ఏదయినా సందర్భంలో ఎవరయినా నిన్ను తిట్టినా, రెచ్చగొట్టినా ఆవేశపడకుండా ‘నాకు ఇరవై నాలుగు గంటల సమయమివ్వండి. నేను యింటికి వెళ్ళి మీరు చెప్పిన విషయాలగురించి ఆలోచించుకుని వస్తాను. వాటిలోని తప్పొప్పుల గురించి విచారిస్తాను. అపుడు నాకు ఏది సయింది? ఏది కాదు? అని తెలిసివస్తుంది. అపుడు మీకు సమాధానమిస్తాను’ అని చెప్పు అన్నాడు.
    గూర్జియేఫ్ తండ్రి మాటల్ని జీవితాంతం ఆచరించాడు.
    గూర్జియేఫ్ ఒకవూరి గుండా వెళుతూ వుంటే ఎవరో ఆయన్ని ఆపి వాదనకు దిగారు. తిట్టారు.. ఆయనవాళ్ళ మాటలన్నీ ఓపిగ్గా విని ‘నాకు ఒక రోజు సమయమివ్వండి. మీ మాటలకు రేపు బదులిస్తాను’ అన్నాడు.
    వాళ్ళు ఆశ్చర్యంగా ‘చిత్రంగా వుందే. యిట్లా సమాధానమిచ్చిన మనిషిని యిప్పటిదాకా మేము చూడలేదు. మేము కోపంగా తిట్టాం. వాటిని నువ్వు శాంతంగా విన్నావు. తిరిగి తిట్టలేదు. పైగా రేపు వచ్చి చెబుతానంటున్నావు. నువ్వుపిచ్చివాడిలా వున్నావ్’ అన్నారు.
    గూర్జియేఫ్ ‘నేను యింటికి వెళ్ళి మీరు చెప్పిన మాటల్ని పునరాలోచించుకుంటాను. నా గురించి నేను తప్పు చేసినట్లు, నాది పొరపాటని నిందించారు. ఆ విషయం నిజమో కాదో ఆలోచించుకుంటే తప్ప నాకు అంతుబట్టదు, అందుకని సమయం కోరుతున్నా’ అన్నాడు. వాళ్ళు చిత్రంగా చూసి వెళ్ళిపోయారు.
    గూర్జియేఫ్ యింటికి వెళ్ళి ఆ విషయాల గురించి మనసులో చర్చించుకుని మరుసటి రోజు తనని తిట్టిన వాళ్ళదగ్గరికి వెళ్ళి ‘మీరు చెప్పింది సరైందే. నాలో తప్పులున్నాయి నన్ను మన్నించండి’ అని క్షమాపణ కోరాడు.

    • =======================
    Visit my website - > Dr.Seshagirirao.com/