Exercise , వ్యాయామం

• 
  

• 
• 
  

వ్యాయామం (Exercise) మంచి ఆరోగ్య పరిరక్షణ కోసం చాలా అవసరం. శరీరములో శక్తి (energy) వినియోగించుకొని కేలరీలను ఖర్చు చేసే పని ఏదైనా సరే వ్యాయామమే . ఇది ఎక్కువగా కండరాలను, రక్త ప్రసరణ వ్యవస్థను ధృఢపరచడానికి, క్రీడలలో మంచి ప్రావీణ్యత సాధించడానికి ఉపయోగిస్తారు. దైనందిక వ్యాయామం వలన మన శరీరపు వ్యాధినిరోధక శక్తి వృద్ధిచెందుతుంది, గుండెకు సంబంధించిన వ్యాధులు, స్థూలకాయం, మధుమేహం వంటి వ్యాధులు రాకుండా నిరోధిస్తుంది. కొన్ని రకాల మానసిక వ్యాధుల నివారణ కు తోడ్పడుతుంది.

రకాలు

వ్యాయామాన్ని మూడు రకాలుగా విభజించవచ్చును.


1. Aerobic వ్యాయామాలు: సైక్లింగ్, నడవడం, పరుగెత్తడం మొదలైనవి.
2. Anaerobic వ్యాయామాలు: కసరత్తులు, బరువుతగ్గడానికి యంత్రాల సహాయంతో చేసే వ్యాయామాలు.
3. Flexibility exercises: such as stretching improve the range of motion of muscles and joints.

4.యోగాసనాలు : యోగా విధానములో శరీర వ్యాయామ విధానాలనే యోగాసనాలు అని వ్యవహరిస్తాము. యోగాసనాలు అంటే శారీరక వ్యాయామ విధాన క్రియలు. ఈ ఆసనాల ద్వారా శారీరక మానసిక ఆధ్యాత్మిక రంగాల్లో మనిషి శుద్ధి అవుతాడు.

5.యోగా : అంటే వ్యాయామ సాధనల సమాహారాల ఆధ్యాత్మిక రూపం. ఇది హిందూత్వ అధ్యాత్మిక సాధనలలో ఒక భాగం. మోక్షసాధనలో భాగమైన ధ్యానం అంతఃదృష్టి, పరమానంద ప్రాప్తి లాంటి అధ్యాత్మిక పరమైన సాధనలకు పునాది. ధ్యానయోగం ఆధ్యాత్మిక సాధనకు మానసిక ఆరోగ్యానికి చక్కగా తోడ్పడుతుంది. హఠయోగములో భాగమైన శారీరకమైన ఆసనాలు శరీరారోగ్యానికి తోడ్పడి ఔషధాల వాడకాన్ని తగ్గించి దేహధారుడ్యాన్ని, ముఖ వర్చస్సుని ఇనుమడింప చేస్తుంది. బుద్ధమతం, జైనమతం, సిక్కుమతం మొదలైన ధార్మిక మతాలలోనూ, ఇతర ఆధ్యాత్మిక సాధనలలోను దీని ప్రాధాన్యత కనిపిస్తుంది.

• 

వ్యాయామం ఉపయోగాలు

• వ్యాయామం సంపూర్ణ ఆరోగ్యానికి చాల అవసరం.
• మన శరీరపు బరువును నియంత్రించడానికి,
• కండరాలను ధృఢంగా శక్తివంతంగా ఉంచడానికి,
• ఎముకలను బలంగా చేయడానికి ,
• వ్యాధి నిరోధక శక్తిని వృద్ధి చెందడానికి............ తోడ్పడుతుంది.
• అధిక కొవ్వును వదిలించుకోవడానికి తోడ్పడుతుంది .
• శరీర నొప్పులలనుండి నివారణకు ఉపయోగపడుతుంది .
• బి.పి.(రక్తపోటును ) అదుపులో ఉంచడానికి బాగా సహకరిస్తుంది ,
• మదుమేహ వ్యాధి (డయబిటీస్ ) ని నియంత్రిస్తుంది ... కాంప్లికేషన్లు రాకుండా ఉపయోగపడుతుంది .

దైనందిక వ్యాయామం వలన

• అధిక రక్తపోటు,
• స్థూలకాయం,
• గుండె జబ్బులు,
• మధుమేహం,
• నిద్రలేమి,
• మానసిక రోగాల ...............వంటి దీర్ఘకాలిక వ్యాధులు రాకుండా నివారించవచ్చును.

శరీరంలో ఒత్తిడివలన ఎడ్రినలిన్, కార్టిసోర్ వంటివి ఉత్పత్తి కాబడి మనిషిలో ఆందోళన, చికాకు, వ్యాకులత ఏర్పడతాయి. వీటికి చక్కని విరుగుడు నడక. వీటిని శరీరంనుండి నడక తరిమివేసి మనిషిని ఆహ్లాదకరంగా ఉంచుతుంది.

విశిష్ట వ్యాయామం నడక

ఆరోగ్యవంతమైన జీవితాన్ని గడపటానికి చేపట్టే వ్యాయామ ప్రక్రియల్లో నడక ఒక విశిష్టమైన ప్రక్రియ. దీనిని మన శరీర స్థితిగతులనుబట్టి అనేక విధాలుగా నిర్వహించి, ఆశించిన ఫలితాలను పొందవచ్చు. నడకకు చెందిన ప్రక్రియల్లో పవర్‌ వాకింగ్‌ అనే పద్ధతిని ఒక ప్రత్యేక ప్రక్రియగా పేర్కొనవచ్చు. పవర్‌ వాకింగ్‌ వలన శరీరంలో నడుము పైభాగంలోని కండర సముదాయాలకు ఎయిరోబిక్‌ ప్రక్రియల సౌలభ్యం కలుగుతుంది.

ఒక వ్యక్తి పరుగు పెట్టే ప్రక్రియలు నిర్వహించిన ప్పుడు వినిమయమయ్యే కేలరీల శక్తికి సమానంగా పవర్‌ వాకింగ్‌లో శక్తి వినియోగమవుతుంది. మరొక ముఖ్యమైన అంశమేమిటంటే పవర్‌ వాకింగ్‌ను పరుగు ప్రక్రియ కంటే తేలికగా నిర్వహించవచ్చు.
అతిజోరుగాసాగే నడక కంటే పవర్‌ వాకింగ్‌లో అత్యధిక పరిమాణంలో కండరాలు వ్యాయామ ప్రక్రియలకు గురవుతాయి. తద్వారా కేలరీల వినిమయ శక్తి కూడా అధికంగానే ఉంటుంది.

పవర్‌ వాకింగ్‌ చేసే వ్యక్తులు 12 నిముషాల్లో ఒక మైలు దూరాన్ని అంటే 1.6 కిలోమీటర్ల దూరాన్ని నడ వగల సామర్థ్యం కలిగి ఉంటారు. సాధారణంగా ఈ సామర్థ్యాన్ని ఒక వారం రోజుల్లో సాధించవచ్చు.

పవర్‌ వాకింగ్‌కు సూచనలు
నడిచేప్పుడు శరీరాన్ని నిటారుగా ఉంచాలి. నడు స్తున్నప్పుడు సూటిగా 20 అడుగుల దూరం వరకూ చూస్తూ నడక కొనసాగించాలి. అంతేకాని, కిందకు, ప్రక్కలకు చూస్తూనడువరాదు. గడ్డం భాగం నిటారుగా ఉండటం, తల నిటారుగా ఉండటం అవసరం. భుజాలు రెండూ సరి సమానంగా ఎగుడు దిగుడు లేకుండా ఉండాలి. వీపు భాగం నిటారుగా, వదులుగా ఉండాలి. వీపు భాగంలోని కండరాలను బిగబట్టి నడువకూడదు.

ఛాతి భాగం నిటారుగా సాగి ఉండాలి. పిరుదులు, నడుముభాగం బిగబట్టి గట్టిగా ఉంచుతూ నడక కొనసాగించాలి. వెనుక నడుము భాగాన్ని సమంగా ఉంచి, పొత్తి కడుపు చుట్టూ ఉండే కండరాలను కొంచెం ముందుకు వంచి నడకను సాగించాలి. నడిచేప్పుడు భూమి మీద ఒక గీతను ఊహించుకుని, ఆ గీతపై తిన్నగా నడుస్తున్నట్లు ఉండాలి.

చేతులను 90 డిగ్రీల కంటే తక్కువగా వంచుతూ, వదులుగా పిడికిలి బిగించి నడవాలి. చేతులను ముందుకు వెనుకకు నిటారుగా ఊపుతూ నడవాలి. మోచేయి ఛెస్ట్‌ బోన్‌ను దాటి పైకి రాకూడదు. నడిచే ప్పుడు చేతులనుముందుకు, వెనుకకు వేగంగా ఊపడం వలన పాదాలు దానికి అనుగుణంగా సాగుతాయి.

అడుగులు వేసేప్పుడు ముందు కాలి మడమను భూమిని తాకించి, తరువాత పాదం ముందు భాగం భూమిని తాకేలా వేయాలి.
అడుగులను దూరదూరంగా వేస్తూ నడక సాగించి, త్వరగా ముగించాలనే ఆలోచనను మనస్సులోనికి రానీయకూడదు. వేగంగా నడకను కొనసాగించడానికి చిన్న చిన్న అడుగులను ఎక్కువగా వేయడం మంచిది.

ఊపిరిని మామూలు స్థాయిలోనే తీసుకోవాలి. బాగా అలసిపోయేంత తీవ్రస్థాయిలో వ్యాయామం చేయకూ డదు. ఈ ప్రక్రియ చేపట్టే సమయంలో చేతుల్లో ఎలాంటి బరువులు ఉండకూడదు. ఈ జాగ్రత్తలను పాటిస్తే పవర్‌ వాకింగ్‌ వలన ఆశించిన ఫలితాలను సాధించడం ఎంతో సులభమవుతుంది.

మెదడుకు వ్యాయామం:

'చాలామంది అనుకుంటుంటారు మెదడుకి వ్యాయామమా? అదెలా సాధ్యం?' అని! మన శరీరానికి అయితే వ్యాయామాలు ఉన్నాయి. మెదడుకి వ్యాయామం అంటూ ఏదీ లేదని కొంతమంది అంటుంటారు! ఏపనీ చెప్పకపోతే ఏ అవయవమైనా కొంతకాలానికి తనపని అది మర్చిపోతుంది. మన ఇంట్లో ఉన్న సైకిలో, స్కూటరో, మిక్సీనో, వాషింగ్‌మెషిన్నో - ఏ వస్తువు నైనా తీసుకోండి. ఆ వస్తువును కొద్దికాలం ఉప యోగించి, ఆ తర్వాత దాన్ని ఉపయోగించ కుండా ఓ మూలన పెట్టేస్తే - ఓ ఆర్నెల్ల తర్వాత ఓ ఏడాది తర్వాత పనిచేయించాలనుకుంటే అది పని చెయ్యదు. మొరాయిస్తుంది. కారణంలోపల గ్రీజు అంతా ఆరిపోయి బిగిసిపోతుంది. అలాగే మన శరీర అవయవాలు కూడా! అందుకనే ప్రతిరోజూ మనల్ని ఎక్స్‌ర్‌సైజ్‌లు చెయ్యమంటూ డాక్టర్లు సూచిస్తుంటారు. చిన్నపిల్లలకి ఏ విధమైన వ్యాయా మాలూ పెద్దగా అవసరపడవు. ఎందుకంటేవాళ్లు ఎక్కువగా ఆటలు ఆడుతూ, పాటలు పాడుతూ, అటూ ఇటూ పరిగెత్తుతూ సందడి చేస్తుంటారు. అదే వారికి వ్యాయామం. నడివయసు దాటిన దగ్గర నుంచి మనిషికి వ్యాయామం అవసరం పడుతుంది. ఎందుకంటే తన ఉద్యోగ ధర్మంలో ఎక్కువగా కూర్చుని పనిచేసే మనిషికి కండరాలు పట్టేసే ప్రమాదం ఉంటుంది. ఇంట్లో పొద్దస్తమానూ టీవీకే అతుక్కుపోయే మహిళలకు కండరాలు పట్టేయడం, ఊబవళ్ళు రావడం జరుగుతుంటుంది. అలాగే ఏ విధమైన ఆలోచనలూ లేకుండా ఒక యంత్రంలా జీవించే మనిషికి మెదడు సరిగా పనిచెయ్యటం లేదనీ, అతని జ్ఞాపకశక్తి సన్నగిల్లిందనీ, ఏం చది వినా, లేక ఏది విన్నా కొద్దిసేపటికే అవి మర్చి పోతుంటాడనీ అంటుంటారు. అన్ని అవయవాల పనితీరు బాగున్న వ్యక్తికి మెదడు పనితీరు కూడా బాగానే ఉంటుంది. అయితే- అది ఆ మనిషి తన మెదడుకు ఇచ్చే పనితీరుపైనే ఆధారపడి ఉంటుందని గమనించాలి.

మెదడుకు వ్యాయామం అంటే ఎలా?

మెదడుకి వ్యాయామం అంటే ఎలా? అన్ని ప్రశ్నలకు జవాబు మనం ఒక క్రమపద్ధతిలో జ్ఞాపకం తెచ్చుకోవడానికి ప్రయత్నించడమే. ఉదయం నిద్రలేచినది మొదలు మధ్యాహ్నం భోజనం చేసేంత వరకు మనం చేసిన పనులన్నింటినీ ఓ కాగితం మీద రాసుకోవాలి. అలాగే- మధ్యాహ్నం భోజనం చేసిన దగ్గర్నుంచి రాత్రి నిద్రపోయేంతవరకు చేసిన పనులన్నింటినీ వరుసగా ఓ కాగితం మీద రాసు కోవాలి. ఈ విధంగా చేయడం ఓ చిన్న వ్యాయామమే!

నిన్న మధ్యాహ్నం మనం భోజనంలో ఏఏ అయిటమ్స్‌ వేసుకున్నామో ఓ కాగితం మీద రాయాలి. అలాగే మొన్న మధ్యాహ్నం భోజనంలో ఏ ఏ అయిటమ్స్‌ వేసుకున్నామో రాయాలి. ఇలా గుర్తుకు తెచ్చుకోవడం మరో చిన్న వ్యాయామం.

నిన్న కిరాణా కొట్టునుంచి ఏఏ సామాన్లు కొనుక్కున్నామో గుర్తు తెచ్చుకుని పేపర్‌ మీద రాయడం కూడా వ్యాయామమే.

అలాగే- మనం రోజూ టీవీలకు అతుక్కు పోతుంటాం. టీవీలు చూడటం వల్ల మనలో నిద్రాణంగా ఉండే కల్పనాశక్తిని మనం కోల్పో తుంటాం. అలా కాకుండా మనం ప్రతిరోజూ కథల పుస్తకాలు చదవడం ఒక అలవాటుగా చేసుకోవాలి. కథలు చదవడం వల్ల మనలో నిద్రాణంగా ఉండే కల్పనా శక్తి మేల్కొంటుంది. నిన్న చదివిన కథను గుర్తు తెచ్చుకుని ఓ పేపర్‌ మీద రాయడం ప్రాక్టీసు చేస్తే జ్ఞాపకశక్తి పెరగడంతో పాటు మనలో ఇమాజినేషన్‌ పవర్‌ బాగా అభివృద్ధి చెందుతుంది.

చాలామంది అంటుంటారు- మాకు అంత తీరిక లేదని! ఉదయం నిద్రలేచిన దగ్గర్నుంచి రాత్రి నిద్దరపోయేంత వరకూ మనకు 16 గంటల సమయం ఉంటుంది(నిద్రకి 8 గంటలు మినహాయిస్తే). ఆఫీసు పనులు, కాక నిత్యకృత్యాలు, భోజనం వగైరాలు వంటి వాటికి సయయం తీసేస్తే కనీసం ఓ రెండు మూడు గంటలన్నా మిగులుతుంది. ఈ సమయం పనికీ పనికీ మధ్యలో ఉండే గ్యాప్‌గా అంతర్లీనమై ఉంటుంది. అటువంటి సమయాన్ని సద్వినియోగం చేసుకోగలిగినవాడే విజయం సాధిస్తారు. చాలా మంది చదువుకునే పిల్లలు అంటుంటారు. ఉదయం కాలేజీకి వెళ్తే మళ్లీ రాత్రి రావడమే! చదువుకోవడానికే సమయం సరిపోవటం లేదు. ఇంకా ఇటువంటి ఎక్స్‌ర్‌ సైజులు చెయ్యాలంటే ఎలా కుదురుతుంది? అని, అయితే నిజం చెప్పండి- మీరు చదువులో అంత ఇరగదీస్తుంటే-మార్కులు అలా ఎందుకు తక్కువ వస్తున్నాయి? మాస్టారు సరిగా చెప్పలేదనీ, పాఠం అర్థం కావటం లేదనీ- ఇలా కుంటిసాకులతో మనల్ని మనం మభ్యపెట్టుకోవాలని చూస్తాం. మనకు ఇక్కడ కొరవడింది ఆసక్తి! ఆసక్తి ఉంటే- అన్నీ సాధ్యమే. మెదడుకు చిన్నచిన్న కథలు చదవడం, చిన్న చిన్న ఆటలు ఆడటం ఒక్క వ్యాయామంగానే పనిచేస్తాయి. మీరు చదువుకునే చదువుకూడా ఓ ఆటే! అలాగే దాన్ని భావించడం. ఆటో మేటిగ్గా- ఆ పాఠం మెగాస్టార్‌ సిన్మా కథకన్నా త్వరగా గుర్తొస్తుంది. చదవడం కన్నా మీ మెదడుకు మంచి వ్యాయామం మరొకటి ఉండదు. గుర్తుంచుకోండి.(-మల్లాది కామేశ్వరరావు)

వ్యాయామంతో ఎముక పుష్టి
వ్యాయామం వల్ల కలిగే ప్రయోజనాల గురించి అందరికీ తెలిసిందే. అయితే ఇది పిల్లలకూ ఎంతగానో మేలు చేస్తుందని మీకు తెలుసా? 7-8 ఏళ్ల పిల్లలు ఎక్కువ సమయం వ్యాయామం చేస్తే వారి ఎముకల పరిమాణం,

• 

సాంద్రత బాగా పెరుగుతున్నట్టు తాజాగా స్వీడన్‌ అధ్యయనంలో వెల్లడైంది. గతంలో పిల్లలు అధికంగా వ్యాయామం చేస్తే ఎముకలు విరిగే ప్రమాదముందని భావించేవారు. కానీ ఇది నిజం కాదని నాలుగేళ్లుగా చేసిన ఈ అధ్యయనంలో తేలింది. ఇందులో భాగంగా ఒక స్కూలులోని విద్యార్థులకు వారానికి 200 నిమిషాల పాటు పరుగెత్తటం, గెంతటం, తాడుతో పైకి ఎగబాకటం, బాల్‌ గేమ్స్‌ వంటివి ఆడటం చేయాలని సూచించారు. అలాగే మరికొన్ని స్కూళ్లల్లో చదివేవారికి వారానికి 60 నిమిషాల పాటు సాధారణ వ్యాయామం చేయమని చెప్పారు. నాలుగేళ్ల అనంతరం పరిశీలించగా.. ఎక్కువ సమయం వ్యాయామం చేసినవారిలో వెన్నెముక, మెడ తదితర భాగాల్లో ఎముక పరిమాణం పెరిగినట్టు గుర్తించారు. ఇది మున్ముందు అంటే ఎముక సాంద్రత అధికంగా పెరిగే 25-30 ఏళ్ల వయసులో వారికి చాలా ఉపయోగపడుతుందని స్వీడన్‌లోని లుంద్‌ విశ్వవిద్యాలయానికి చెందిన లాఫ్‌గ్రెన్‌ వివరించారు. అందుకే చిన్నతనంలోనే పిల్లలకు వ్యాయామం చేయటాన్ని తప్పకుండా అలవాటు చేయాలని నిపుణులు సూచిస్తున్నారు.

వ్యాయామంలో కార్డియోవాస్క్యులార్‌ జోన్‌ అంటే?

గుండె, రక్తనాళాల పనితీరు మెరుగుపరిచే వ్యాయామ ప్రక్రియ లను సాధారణంగా కార్డియోవాస్క్యులార్‌ కండిషనింగ్‌ అని వ్యవ హరిస్తారు. ఈ వ్యాయామ ప్రక్రియల్లో కాలపరిమితి, వ్యవధి, ప్రక్రియ తీవ్రతవంటి అంశాలపై ఫలితాలు ఆధారపడి ఉంటాయి.వ్యాయామం చేస్తున్నప్పుడు గుండె కొట్టుకునే స్థాయి ఆధారంగా వ్యాయామ ప్రక్రియ తీవ్రతను నిర్ధారించవచ్చు.చాలామంది వ్యాయామ తీవ్రతను, కాలవ్యవధిని విస్మరి స్తుంటారు. గుండెను ఆరోగ్యంగా ఉంచడానికి సాధారణ సామర్థ్యం కంటే అప్పుడప్పుడూ కొంచెం అధిక శ్రమను కల్పిస్తుండాలి.

ఉదాహరణకు వ్యాయామం చేసేప్పుడు గుండె సాధారణ స్థాయికంటే ఎక్కువగా కొట్టుకుని, ఎక్కువ రక్తాన్ని ఇతర అవయవాలకు పంప్‌ చేసే అవకాశం ఏర్పడుతుంది. అయితే ఇలా ఎంత ఎక్కువ రక్తాన్ని పంప్‌ చేయాలనే ప్రశ్న ఉదయిస్తుంది. గుండె, రక్తనాళాల పనితీరు మెరుగుపడటానికి అత్య ధికంగా గుండె కొట్టుకునే స్థాయినుంచి విశ్రాంతి సమయంలో గుండె కొట్టుకునే సాధారణ స్థాయి వరకూ వ్యాయామం చేయాలి. ఈ తీవ్రతల మధ్య వ్యత్యాసాన్ని గుండె, రక్తనాళాల వికాసమని పేర్కొనవచ్చు. శారీరకంగా కొంచెం చురుకుగా లేనివారు వ్యాయామం ప్రారం భించే మొదటి వారంలోనే వ్యాయామ ప్రక్రియ తీవ్రతను 60 శాతం వరకూ కొనసాగించి లెక్కించాలంటే పైన పేర్కొన్న విధంగా లెక్కించాలి. వ్యాయామ ప్రక్రియ ప్రారంభమైన కొన్ని వారాల తరువాత గుండె కొట్టుకునేస్థాయిలో జరిగే వ్యత్యాసాన్ని అనుభవ పూర్వకంగా గుర్తించవచ్చు.

వ్యాయామ ప్రక్రియ స్థాయి 60 నుంచి 85 శాతం వరకూ ఉన్నప్పుడు దానిని సాధారణంగా కార్డియోవాస్క్యులార్‌ జోన్‌ అని వ్యవహరిస్తారు. ఈ జోన్‌ నిర్ణయం జరిగినప్పుడు ఏదో ఒక నచ్చిన వ్యాయామాన్ని ఎన్నుకుని, స్థాయిని మించకుండా, పరిమి తితో కొనసాగించాలి. తద్వారా గుండె ఆరోగ్యంగా ఉంటుంది.వ్యాయామ తీవ్రతకు అనుగుణంగా గుండె కొట్టుకోవడం అలవాటు పడటాన్ని ట్రెయినింగ్‌ ఇంటెన్సిటీ అంటారు. వ్యాయామం పూర్తి చేసిన తరువాత గుండె కొట్టుకునే స్థాయిని బట్టి (మాక్సిమల్‌ హార్ట్‌రేట్‌) వ్యాయామం ప్రారంభించక ముందు సాధారణ పరిస్థితుల్లో గుండె కొట్టుకునే స్థాయి (నార్మల్‌ రెస్టింగ్‌ హార్ట్‌రేట్‌)ను ఎవరికి వారే తమ నాడి ద్వారా పరిశీలించి ట్రెయినింగ్‌ ఇంటెన్సిటీని తెలుసుకోవచ్చు.

మరి కొన్ని వ్యాయామాలు ... వివరాలు ->
Swimming as exercise

Walking as exercise
Exercises to increase height

Exercises for Back-ach

cycling as exercise -సైకిల్ తొక్కడము
Skipping as exercise

Primary Exercises-ప్రాధమిక వ్యాయామము ,

వ్యాయామం ఎందుకు?!

ప్రతి రోజూ క్రమం తప్పకుండా వ్యాయామం చేయాలి! అప్పుడే శరీరం మన చెప్పుచేతల్లో వుంటుంది. లేకపోతే అద్దంలో పట్టం. ఆ తర్వాత అన్నీ ఆటంకాలే. ఆరోగ్య సమస్యలే. కానీ వ్యాయామాన్ని బద్ధకించేవారు సాధారణంగా 7 సాకులు చెప్తుంటారు. అవేంటో...వాటిని వదిలించుకోవాల్సిన ఆవశ్యకత ఏంటో చెప్పుకుందాం....

1. రోజూ చేయాలంటే టైమ్‌ ఎక్కడిదీ...

చాలా మంది సర్వసా ధారణంగా చెప్పే సాకు ఇది. నిజానికి ప్రతి ఒక్కరికీ వుండేది 24 గంటలే. కాకపోతే అందులో ప్రాధమ్యాలను పెట్టుకోవాల్సింది మనమే. రోజుకు ఓ అర్థగంట సమయాన్ని వ్యాయామానికి వెచ్చించలేమా! అయినా ఆరోగ్యం కన్నా దేనికి ప్రాధాన్యత ఇవ్వాలి? టీవీ చూస్తాం. పని చేస్తాం. కానీ వ్యాయామం అనేసరికి ఎక్కడ లేని వంకలు చెప్పేస్తాం. ఏదైనా మన సంకల్పాన్ని బట్టే వుంటుంది.

2.అయినా ఎందుకు ఉపయోగపడుతుంది?

వ్యాయామం నుంచి తప్పించు కోవడానికి చెప్పే రెండవ సాకు ఇది. కానీ మనసులో మాత్రం సన్నగా కావాలనే కోరిక వుంటుంది. ఎలా సాధ్యం చెప్పండి? ఏళ్ల తరబడి తిని కూర్చుని ఒక్కసారిగా శరీరం నాజూగ్గా అవ్వాలంటే అవ్వదు కదా. అదీ వ్యాయామం చేయకుండా. ఎంత జిమ్ములకెళ్లినా ఒక్కసారిగా సైజు తగ్గం కదా. క్రమం తప్పని వ్యాయామం మన ఆకృతిని రూపుదిద్దుకోవడానికే కాదు ఆరోగ్యాన్ని కాపాడుకోవడానికీ పనికొస్తుంది. గుండెపోటు, పక్షవాతం, డయాబెటిస్‌ వచ్చే అవకాశాలు చాలా వరకు తగ్గుతాయి.

3. మరీ బోర్‌...

వ్యాయామం అంటే గంటల కొద్దీ యంత్రాల దగ్గర గడపడం కాదు. ఏదైనా మనకు నచ్చింది చేస్తే చాలు. మనకు ఏదైతే బాగున్నట్టనిపిస్తే దాన్నే క్రమం తప్పకుండా చేస్తే సరి. పైగా వ్యాయామం అంటే ఫలానా మాదిరిగానే చేయాలనే రూలేం లేదు. టెన్నిస్‌, గోల్ఫ్‌, డాన్స్‌, యోగా...ఏదైనా సరే ఉత్సాహాన్నిచ్చేదాన్ని ఎంచుకుంటే సరి.

4. అంత ఓపికేది!

అయినా వ్యాయామం చేసేంత ఓపిక ఎక్కడుందీ! అనుకుంటాం. కాని వ్యాయామాల్లో నడక అత్యుత్తమమైంది. దీనికి ప్రత్యేకమైన ప్రదేశం అవసరం లేదు. ఎక్కడైనా చేయొచ్చు. ఎలాంటి బట్టలైనా వేసుకోవచ్చు. అయితే సౌకర్యంగా మాత్రం వుండేలా చూసుకోవాలి. అలాగే నడకకు వీలైన పాదరక్షలు వేసుకోవాలి.


5.వయసైపోయింది కదా..
నడవడానికి వయసు ఆటంకమే కాదు. నడక వంటి మిత వ్యాయామం వల్ల అన్ని వయసుల వారూ పెద్ద పెద్ద జబ్బులు రాకుండా నివారించవచ్చని వైద్య అధ్యయనాలు చెప్తున్నాయి. నడక అలవాటున్నవారు ఎక్కువకాలం జీవిస్తారని కూడా అంటారు. క్రమం తప్పకుండా నడవడం వల్ల శరీరం వారి స్వాధీనంలో వుంటుంది. వార్ధక్యంలో కూడా మనసు ఉల్లాసంగా ఆహ్లాదంగా వుంటుంది.

6. దాని బాధ పడలేం

ఏదైనా వ్యాయామం మనకి బాధ కలిగిస్తే దాన్ని వదిలేయడం మంచిది. శరీరానికి అనువైన వ్యాయామాన్నే ఎంచుకోవాలి. మితిమీరి వ్యాయామం చేస్తే అది మనల్ని గాయపరవచ్చు. నెమ్మదిగా మృదువుగా మాత్రమే శరీర సౌష్టవాన్ని తీర్చిదిద్దుకోవాలి

7. అలసిపోయా!

నిజానికి వ్యాయామం శరీరానికి కొత్త శక్తిని ఇస్తుంది. కొత్త ఉత్సాహాన్ని ఇస్తుంది. క్రమంగా చైతన్యాన్ని పెంచుతుంది. కొత్త ఉత్సాహాన్నిస్తుంది. అదే విధంగా క్రమంగా వ్యాయామం చేయడం వల్ల సాధారణ శక్తి స్థాయి కూడా పెరుగుతుంది.

పావుగంట వ్యాయామంతో లాభాలు :
పిండి కొద్దీ రొట్టెలా 'వ్యాయామం కొద్దీ జీవితకాలం' అంటున్నారు వైద్యులు. రోజూ 15 నిమిషాలు వ్యాయామంచేస్తే జీవితకాలాన్ని కనీసం మూడేళ్లు పెంచుకోవచ్చట. మనంచేసే వెుదటి పావుగంట వ్యాయామం 14 శాతం మేరకు మరణాన్ని దరిచేరనీయదు. ఆపై అదనంగా చేసే పావుగంట మరో నాలుగు శాతం మేరకు ప్రాణహానిని దూరం చేస్తుంది. 20 ఏళ్లు పైబడిన నాలుగు లక్షలమందిపై తైవాన్‌కు చెందిన జాతీయ ఆరోగ్య పరిశోధనా కేంద్రం ఈ పరిశోధన చేసింది. 'వ్యాయామం అస్సలు చేయనివారితో పోల్చితే రోజూ కనీసం 15 నిమిషాలు చేసేవారు ఆరోగ్యపరంగా ఎన్నో లాభాలు పొందుతారు' అని చెబుతున్నారు పరిశోధన బృందం నాయకుడు చి-పాంగ్‌. వ్యాయామం చేసే సమయం పెరిగేకొద్దీ ఈ లాభం కూడా పెరుగుతుందట. అయితే రోజూ 100 నిమిషాలకు మించి వ్యాయామం చేసినా దానివల్ల ఎలాంటి అదనపు లాభాలూ ఉండవని వీరు అంటున్నారు. నగరజీవితంలో వ్యాయామం చేయనివారు ప్రధానంగా క్యాన్సర్‌బారిన పడుతున్నట్లు పరిశోధనలో తేలింది.

ట్రెడ్‌మిల్‌ ఎంత సేపు చెయ్యాలి , How long do we on Thread mill :

• 
• 
  

శరీర సామర్థ్యం (ఫిట్‌నెస్‌) విషయంలో ఇప్పుడు ఎంతోమంది దృష్టి పెడుతున్నారు. ఇందుకోసం వ్యాయామశాలల (జిమ్‌) వైపు అడుగులేస్తున్నవారి సంఖ్యా పెరుగుతోంది. అయితే వ్యాయామం చేయటమే కాదు.. దాన్ని ఎంత సేపు చెయ్యాలో, ఎప్పుడు ఆపాలో కూడా తెలిసి ఉండటం అవసరం. దాదాపు అన్ని వ్యాయామశాలల్లోనూ ట్రెడ్‌మిల్‌ తప్పకుండా ఉంటుంది. కేలరీలు ఖర్చు కావటానికి, గుండె ఆరోగ్యానికి, కండరాలు బలం పుంజుకోవటానికి ఇదెంతగానో తోడ్పడుతుంది. చక్కటి వ్యాయామం కావటంతో చాలామంది దీనిపై ఆసక్తి పెంచుకుంటున్నారు. కానీ కొద్దిమంది మాత్రం దీనిపై ఎంత ఎక్కువ నడిస్తే అంత మంచిదని భ్రమపడుతూ గంటల తరబడి దీనిమీదే గడుపుతున్నారు. నిజానికి ఎవరైనా తమ సామర్థ్యాన్ని బట్టి 30-45 నిమిషాల్లోనే ట్రెడ్‌మిల్‌ మీద నడక ఆపేయటం మంచిది. ఎక్కువసేపు చేస్తే కేలరీలు అధికంగా ఖర్చవటం నిజమే కానీ.. దీర్ఘకాలంలో మోకాళ్లు ప్రభావితమయ్యే అవకాశం ఉంది. ట్రెడ్‌మిల్‌ మీద నడుస్తున్నప్పుడు కళ్లు బైర్లు కమ్మటం, కండరాలు పట్టేయటం, శ్వాస తీసుకోవటంలో కష్టం వంటి లక్షణాలు కనిపించినపుడు వెంటనే వేగాన్ని తగ్గించటం అవసరమని గుర్తించాలి. 30-45 నిమిషాల్లోనే ట్రెడ్‌మిల్‌ నడక ముగించటం ఉత్తమం. కొన్నిసార్లు జిమ్‌లో శిక్షకులు మరింత ఎక్కువసేపు వ్యాయామం చేయాలని ఒత్తిడి చేస్తుంటారు. కానీ ఈ విషయంలో మన శరీరం అందించే సంకేతాలే మనకు ప్రధానం. ముఖ్యంగా- శ్వాస తీసుకోవటం చాలా కష్టంగా ఉండటం, తల తేలిపోతున్నట్టుగా అనిపించటం, కండరాలు పట్టేయటం, మగత, వికారం, ఛాతీనొప్పి, హఠాత్తుగా తలనొప్పి వంటి లక్షణాలు కనిపిస్తే వెంటనే వ్యాయామం మానేయటం మంచిది.

• 

Why do oldpeople need exercise?,వృద్ధులకు వ్యాయామమెందుకు?

వృద్ధాప్యంలో కండరాలు క్షీణించటం సహజమే అయినప్పటికీ కండరాలను బలోపేతం చేసుకోవటం వృద్ధులకూ అవసరమే. ఇతరుల సాయం లేకుండా సొంతంగా రోజువారీ పనులు చేసుకోగలగటానికి ఇది ఎంతగానో తోడ్పడుతుంది. బరువులను ఎత్తటం, బిగుతైన పట్టీలను లాగటం వంటి వ్యాయామాలు కండరాలు బలం పుంజుకోవటానికి తోడ్పడతాయి. శరీరం కిందిభాగాన్ని బలోపేతం చేసే వ్యాయామాలతో నియంత్రణ మెరుగుపడుతుంది. దీంతో తూలి కింద పడిపోకుండా కాపాడుకోవచ్చు. ఇలా కండరాలను బలంగా ఉంచుకోవటం మూలంగా ..
* మెట్లు ఎక్కటం
* సరుకులు మోయటం
* సీసాల మూతలు తీయటం
* బాత్‌రూమ్‌లో బకెట్లు ఎత్తి మరోచోటుకి తీసుకెళ్లటం
* చిన్నపిల్లలను ఎత్తుకోవటం
* కింది నుంచి సంచులను పైకెత్తటం
..వంటి రకరకాల పనులు చేసుకోవటానికి అవసరమైన సామర్థ్యం అబ్బుతుంది.

• ==========================

Visit my website - > Dr.Seshagirirao.com/

ఎండోమెట్రియాసిస్‌ , Endometriosis

• 
  

• 
• 
  

ఎందుకొస్తుందో ఇదమిత్థమైన కారణం తెలీదు. నియంత్రించటం కష్టం. నివారించటం మరీ కష్టం. అందుకే ఎండోమెట్రియాసిస్‌ ఎంతోమంది బాధితుల జీవితాలను తీవ్రంగా ప్రభావితం చేస్తోందని తాజాగా ఓ అధ్యయనం గుర్తించింది. ప్రస్తుతం ప్రపంచ వ్యాప్తంగా 15-49 ఏళ్ల మధ్య వయసు స్త్రీలలో దాదాపు 17.6 కోట్ల మంది ఈ సమస్యతో బాధపడుతున్నారని అంచనా వేస్తున్నారు. చాలామంది ఈ వ్యాధి లక్షణాలైన పొత్తికడుపులో నొప్పి వంటి బాధలు అనుభవిస్తూనే ఉంటారుగానీ నిర్ధారణ పరీక్షలకు మాత్రం దూరంగానే ఉంటున్నారు. లేకుంటే ఈ సంఖ్య ఇంకా పెరిగే అవకాశం ఉంటుంది. వ్యాధి లక్షణాలు ఆరంభమైన తర్వాత సగటున 11 ఏళ్లకుగానీ వీరు చికిత్స కోసం ముందుకు రావటం లేదని, అన్నేళ్లపాటు మౌనంగానే బాధలు అనుభవిస్తున్నారని గుర్తించారు.

గర్భాశయం లోపల.. పిండం కుదురుకోవటానికి వీలుగా ఎండోమెట్రియం పొర నెలనెలా పెరుగుతూ ఉంటుంది. గర్భాశయం లోపల వైపుననే పరిమితమవ్వాల్సిన ఈ పొర కొందరిలో వెలుపలి వైపు, చుట్టుపక్కల కూడా పెరుగుతూ పొత్తికడుపులో తీవ్ర అసౌకర్యం, నొప్పి తెచ్చిపెడుతుంటుంది. ఇదే ఈ సమస్యకు మూలం. దీనివల్ల స్త్రీలలో సంతాన రాహిత్యమూ పెరుగుతోంది. ప్రపంచ వ్యాప్తంగా స్త్రీలకు ఇంతపెద్ద శాపంగా పరిణమిస్తున్నా ఇప్పటికీ దీనికి సంబంధించినపూర్వాపరాలు, చికిత్సా మార్గాలు అంతగా తెలియవు. పైగా ఇది నెలసరి రుతుక్రమం, నొప్పి, లైంగిక సమస్యల వంటివాటితో ముడిపడినదైనందున చాలామంది స్త్రీలు దీని గురించి బయటకు చెప్పుకోవటానికి కూడా వెనకాడుతున్నారు. అందుకే అమెరికాలో 'ఎండోమెట్రియోసిస్‌ ఫౌండేషన్‌' దీనిపై పరిశోధనల కోసం ప్రత్యేకంగా కృషి చేస్తోంది.

ఎండోమెట్రియోసిస్‌పై ఇటీవల తాజాగా రెండు పరిశోధనలు జరిగాయి. అమెరికాలోని ఒక ఔషధ సంస్థ ఎనిమిది దేశాలకు చెందిన 21,746 మందిపై అధ్యయనం చేసింది. వీరిలో సుమారు 10% మందిలో ఎండోమెట్రియోసిస్‌ ఉన్నట్టు తేలింది. ఇక రెండోది.. ప్రపంచ ఎండోమెట్రియోసిస్‌ పరిశోధన సంస్థ సహకారంతో చేసిన గ్లోబల్‌ హెల్త్‌ స్టడీ ఆఫ్‌ వుమెన్స్‌ హెల్త్‌ (జీఎస్‌డబ్ల్యూహెచ్‌) అధ్యయనం. ఇందులో పది దేశాల నుంచి ఎండోమెట్రియోసిస్‌ లక్షణాలు గల 1,405 మందిని పరిశీలించారు. వీరిలో 62% మంది సగటున 23 ఏళ్ల వయసులోనే వ్యాధి సంబంధిత లక్షణాలు కనబడటం ప్రారంభించాయని వెల్లడైంది. చాలామంది లక్షణాలు కనిపించిన మూడేళ్ల తర్వాత గానీ వైద్యుల సలహా తీసుకోవటం లేదు. వ్యాధి నిర్ధారణ, చికిత్స కోసం మరో ఎనిమిదేళ్లు జాప్యం అవుతోంది. అంటే దాదాపు 11 ఏళ్ల పాటు తమకు తెలియకుండానే దీనితో బాధపడుతున్నారని అర్థమవుతోంది. ఎండోమెట్రియోసిస్‌ కారణంగా బాధల తీవ్రత కూడా ఎక్కువే. కండరాలు పట్టేయటం, నెలసరి సమయంలోనూ మధ్యలోనూ తీవ్రమైన పొత్తికడుపు నొప్పి, రతిలో బాధ, మూత్రాశయం మీద ఒత్తిడి, మూత్ర విసర్జన చేస్తున్నప్పుడు నొప్పి వంటివాటితో చాలామంది సతమతమవుతున్నారు. చికిత్సలో వైద్యులు నొప్పి నివారణ మందులు ఇస్తున్నా పెద్దగా ఫలితం కనబడటం లేదు. ఆపరేషన్‌తో మంచి ఫలితాలుంటున్నప్పటికీ అది వైద్యుల నైపుణ్యంతో సహా ఎన్నో అంశాల మీద ఆధారపడి ఉంటోంది.

ఎండోమెట్రియోసిస్‌ మనం వూహించినదానికంటే ఎక్కువగానే దైనందిన జీవితాన్ని దెబ్బతీస్తోందని వెల్లడించటం ఈ అధ్యయనాల ప్రత్యేకత. 50% మంది బాధితుల్లో లైంగిక జీవితం, 36% మందిలో లైంగిక, కుటుంబ సంబంధాలు, సంతాన సామర్థ్యం దెబ్బతింటున్నాయి. మూడింట ఒకరు ఉద్యోగానికి సంబంధించిన ఇబ్బందులూ ఎదుర్కొంటున్నారు. అంతేకాదు నొప్పి, ఇబ్బందులు, వైద్యుల దగ్గరకు వెళ్లటం వంటి వాటివల్ల ఎంతోమంది ఉద్యోగిణులు వారంలో 10 పని గంటలు నష్టపోతున్నారు. వ్యక్తిగతంగానే కాకుండా సామాజికంగానూ ఎండోమెట్రియోసిస్‌ ప్రభావం చూపుతున్నందున దీనిపై తక్షణం దృష్టి సారించటం అవసరమని నిపుణులు సూచిస్తున్నారు. వీలైనంత త్వరగా వ్యాధిని గుర్తించగలిగితే ప్రస్తుతం అందుబాటులో ఉన్న చికిత్సా విధానాలతో చాలావరకూ ఇబ్బందులను తొలగించే అవకాశం ఉందని చెబుతున్నారు.

ఎండోమెట్రియోసిస్‌ / డా|| పి.బాలాంబ -రిటైర్డ్‌ ప్రొఫెసర్‌ (గైనకాలజీ)-ఉస్మానియా మెడికల్‌ కాలేజ్‌-హైదరాబాద్‌ .

నొప్పి. నొప్పి. నొప్పి. ఎండోమెట్రియోసిస్‌ను ఒక్క ముక్కలో చెప్పమంటే బాధితులు ఇంతకు మించి వర్ణించలేరు. నెలసరిలో నొప్పి. దానికి ముందు నొప్పి. ఆ తర్వాతా నొప్పి. ముదిరిన కొద్దీ రోజంతా నొప్పి. నెలంతా.. నిరంతరం.. అంతూదరీ లేని నొప్పి. ఆధునిక మహిళ ఎదుర్కొంటున్న పెద్ద సమస్య ఎండోమెట్రియోసిస్‌. గుర్తించటం తేలిక కాదు. గుర్తించినా పూర్తిగా నయం కాదు. చికిత్స అంత సులభం కాదు. యుక్తవయస్సు ఆడపిల్లల నుంచి మధ్య వయసు స్త్రీల వరకూ ఎంతోమంది అనుభవిస్తున్న ఈ తీవ్ర వేదనకు అంతులేదు. అయితే ఇప్పుడిప్పుడే పరిస్థితి మారుతోంది. చికిత్సల్లోనూ కొంత పురోగతి వస్తోంది. ముఖ్యంగా ఈ సమస్యను ఎంత త్వరగా గుర్తిస్తే అంత మేలు. దీనిపై ఎంత అవగాహన పెంచుకుంటే అంత మంచిది.

యంత్రం చక్కగా పనిచేస్తుండాలంటే ఎక్కడ ఉండాల్సిన బోల్టు, ఎక్కడ ఉండాల్సిన నట్టు అక్కడుండాలి. అవి వూడి యంత్రంలో పడిపోయినా.. జారి వేర్వేరు చోట్ల ఇరుక్కుపోయినా ఇక ఆ యంత్రం పరిస్థితి అయోమయమే. అష్టకష్టాలూ తప్పవు. సరిగ్గా స్త్రీశరీరంలో ఎండోమెట్రియం పొర పరిస్థితీ ఇంతే!

స్త్రీగర్భాశయం లోపల ఉండే అద్భుత నిర్మాణం ఎండోమెట్రియం పొర!

నెలనెలా హార్మోన్ల ప్రేరణకు స్పందిస్తూ.. గర్భాశయం గోడలకు ఆనుకుని.. ఈ పొర మందంగా పెరుగుతుంది. ఒకవేళ మహిళ గర్భం ధరిస్తే.. చిన్ని నలుసుకు స్వాగతం పలికేందుకు, అది గర్భంలో కుదురుకునేందుకు సిద్ధమయ్యే చక్కటి పాన్పు ఇది. ఒకవేళ మహిళ గర్భం ధరించకపోతే.. ఇది విడివడి.. రుతుస్రావం రూపంలో బయటకు వచ్చేస్తుంది. రుతుక్రమంలో భాగంగా మళ్లీ ఈ పొర పెరగటం ఆరంభమవుతుంది. స్త్రీ శరీరంలో ఇది నెలనెలా, నిరంతరాయంగా జరుగుతుండే సహజసిద్ధమైన ప్రక్రియ. కానీ కొందరు స్త్రీలలో ఈ ఎండోమెట్రియం పొర.. గర్భాశయం లోపలే కాదు... దాని బయట కూడా పొత్తికడుపులో అక్కడక్కడ, ఇతరత్రా చోట్ల పెరుగుతూ.. నొప్పితో తీవ్ర సమస్యలు తెచ్చిపెడుతుంది. దీని పేరే ఎండోమెట్రియోసిస్‌! దీని ప్రధాన లక్షణం నొప్పి. ఎందుకు వస్తుందో ఇప్పటి వరకూ కచ్చితమైన అవగాహన లేదు. కానీ ప్రపంచవ్యాప్తంగా ఎంతోమంది స్త్రీలు దీనితోనిత్యం నరకం అనుభవిస్తున్నారు.

• 

ఎందుకొస్తుంది?
గర్భాశయం లోపలే ఉండాల్సిన ఎండోమెట్రియం పొర.. దాని వెలుపలకు ఎందుకు వస్తుందో... ఇతరత్రా అవయవాలపై ఎందుకు అతుక్కుని ఉంటుందో కచ్చితంగా తెలియదు. దీనికి ఎన్నో సిద్ధాంతాలున్నాయి.
* వెనక్కి మళ్లే సమస్య: బహిష్టు సమయంలో వెలువడే స్రావం ఫలోపియన్‌ ట్యూబుల ద్వారా కొంత వెనక్కి వెళ్లి, (రెట్రోగ్రేడ్‌ మెన్‌స్ట్రుయేషన్‌) పొత్తికడుపులో చేరచ్చు. అందులోని ఎండోమెట్రియల్‌ కణజాలం పొత్తికడుపులోని పొరలపై చేరి అక్కడే అతుక్కుని పెరుగుతుండొచ్చన్నది ఒక సిద్ధాంతం. ఇలా వెనక్కివెళ్లటానికి గర్భాశయంలో నిర్మాణ లోపాల నుంచి అవరోధాల వరకూ ఎన్నో అంశాలు కారణం కావచ్చు. రుతుస్రావం బయటకు వచ్చే మార్గం సరిగా లేక లోపలే గూడు కట్టుకుపోయి అది ఫలోపియన్‌ ట్యూబుల ద్వారా వెనక్కు వెళ్లి అక్కడ అతుక్కుని ఎండోమెట్రియంగా మారొచ్చు. ఇది కూడా ఎండోమెట్రియోసిస్‌కు దారి తీయొచ్చు. అలాగే గర్భాశయం తయారయ్యేటప్పుడే అక్కడి పొరల్లో తెలత్తే లోపాల వల్ల (మెటాప్లేసియా) కూడా ఇటువంటి పరిస్థితి తలెత్తవచ్చన్నది మరో అవగాహన. ఎండోమెట్రియం పొర దగ్గర్నుంచి వెళ్లే రక్త/లింఫ్‌ నాళాలు ఎండోమెట్రియం కణజాలాన్ని మోసుకెళ్లి ఇతరత్రా భాగాల్లోకి వ్యాప్తి చేయటం, ఎండోమెట్రియం పొర బహిష్టు సమయంలో బయటకు వచ్చి పరిసర భాగాలకు అతుక్కోవటం, షిగెల్లా తరహా సూక్ష్మక్రిముల కారణంగా కూడా ఎండోమెట్రియోసిస్‌ వచ్చే అవకాశం ఉందని ప్రస్తుతం భావిస్తున్నారు.

ఇలా కారణాలేమైనా.. అంతిమంగా ఈ పొర గర్భాశయంలోనే కాకుండా పొత్తికడుపులో ఎక్కడ అతుక్కుని ఉన్నా.. అక్కడే నెలనెలా శరీరంలోని స్త్రీహార్మోన్లతో ప్రేరణ పొందుతుంటుంది. ఫలితంగా దీని నుంచి అక్కడే రక్తస్రావం అవుతుంటుంది. గర్భాశయంలోని ఎండోమెట్రియం పొర నుంచి వచ్చే స్రావాలు సహజ మార్గం ద్వారా రుతుస్రావం రూపంలో బయటకు వచ్చేస్తాయిగానీ.. ఇతరత్రా ప్రాంతాల్లో పెరిగే ఈ పొర నుంచి వచ్చే స్రావాలు బయటకు పోయే మార్గం లేక పొత్తికడుపులోనే చేరిపోయి.. పేరుకుపోతూ.. రకరకాల సమస్యలు సృష్టించటం మొదలుపెడతాయి. ఎండోమెట్రియోసిస్‌ బాధలకు ఇదే మూలం. ఈ సమస్య వంశపారపర్యంగా కుటుంబంలో ఒకరికి ఉంటే ఇతరులకూ ఉండే అవకాశం ఎక్కువ.

లక్షణాలేమిటి?
* నెలసరి నొప్పి: సాధారణంగా చాలామందిలో నెలసరి తొలిరోజున ఎంతోకొంత నొప్పి ఉంటుంది. ఇది కొన్ని గంటల తర్వాత తగ్గిపోతుంది. దీన్ని 'ప్రైమరీ డిస్‌మెనోరియా' అంటారు. అయితే ఎండోమెట్రియోసిస్‌ బాధితుల్లో నెలసరికి రెండు మూడు రోజుల ముందు నుంచే నొప్పి ఆరంభమవుతుంది. అదీ చాలా తీవ్రంగా. కొందరిలో ఇది భరించలేనంత తీవ్రంగా ఉంటుంది. రుతుస్రావం అవుతున్న రోజుల్లోనే కాదు, ఆగిన తర్వాత కూడా రెండు మూడు రోజులు ఈ నొప్పి ఉంటుంది. క్రమేపీ ఎండోమెట్రియాసిస్‌ ముదిరినకొద్దీ ఈ నొప్పి మరింత తీవ్రమవుతూ.. చివరకు నెలంతా, నిరంతరం వేధిస్తుంటుంది.
* సంభోగంలో నొప్పి: సంభోగంలో నొప్పి మరో ముఖ్య లక్షణం. ముఖ్యంగా ఎండోమెట్రియోసిస్‌ తీవ్రమైతే అండాశయాల్లో పెద్దపెద్ద తిత్తుల వంటివి ఏర్పడతాయి. వీటినే 'చాక్లెట్‌ సిస్ట్‌'లంటారు. ఇవి పొత్తికడుపులో కొందికి జారి స్థిరపడతాయి. దీంతో సంభోగం సమయంలో నొప్పి మరింత తీవ్రతరంగా ఉంటుంది. దీంతో కొందరు సంభోగం పట్ల విముఖత కూడా పెంచుకుంటారు.
* సంతాన రాహిత్యం: నొప్పితో పాటు ఎండోమెట్రియోసిస్‌తో మరో ముఖ్య సమస్య పిల్లలు పుట్టకపోవటం. వీరికి పిల్లలు పుట్టటం కష్టం. వీరిలో కృత్రిమ గర్భధారణ చికిత్సలతోనూ ఫలితాలు కొంత తక్కువగా ఉంటాయి.
* మూత్ర విసర్జనలో నొప్పి: మూత్రాశయం సమీపంలోని పొరల్లో ఎండోమెట్రియాసిస్‌ ఏర్పడితే మూత్ర విసర్జన సమయంలోనూ నొప్పి రావొచ్చు. అరుదుగా కొందరికి నెలసరి సమయంలో మూత్రంలో రక్తం కూడా పడొచ్చు.
* మల విసర్జనలో నొప్పి: కొందరిలో మలద్వారం, గర్భాశయం మధ్య ఎండోమెట్రియోసిస్‌ పొర పెరుగుతుంటుంది. వీరికి నెలసరి సమయంలో మలవిసర్జన సమయంలో తీవ్రమైన నొప్పి వస్తుంది. దీంతో మల విసర్జన అంటే భయపడటం ఆరంభిస్తారు, ఇది మలబద్ధకానికి దారితీస్తుంది.
* దీర్ఘకాలిక నొప్పి: కొందరికి పొత్తికడుపులో నొప్పి నెలసరి సమయంలోనే కాదు.. ఎప్పుడూ వేధిస్తుంటుంది. నెలసరి ఆరంభం కావటానికి ముందు రోజుల్లో గర్భాశయం, ట్యూబుల భాగాలకు రక్త ప్రవాహం పెరుగుతుంది. ఆ భాగాలన్నీ ఉబ్బుతాయి. దీంతో పెరిటోనియం సాగి నొప్పికి దారి తీస్తుంది. ఇక నెలసరి సమయంలో లోపల్లోపలే రక్తస్రావం కావటం వల్ల నొప్పి. నెలసరి తర్వాత అక్కడ రక్తం గూడు కడుతుంది. అందులోని సీరమ్‌ వంటి ద్రవస్రావాలు ఒంట్లో కలిసిపోయినా లోపల గూడుకట్టుకున్న రక్తం అలాగే అట్టకట్టినట్టు ఉండిపోతుంది. మళ్లీ నెలసరి వచ్చినప్పుడు ఇది మరికాస్త పెరుగుతుంది. అండాశయాల్లో అయితే అది గూడుకట్టుకుని 'చాక్లెట్‌ సిస్ట్‌'లా తయారవుతాయి. మిగతా చోట్ల అలా కాదు కాబట్టి అక్కడ రక్తస్రావం అయినప్పుడల్లా క్రమేపీ పెరుగుతూ చాక్లెట్‌ రంగులో 'బ్రౌన్‌ స్పాట్స్‌'గా ఏర్పడతాయి. నెలనెలా రక్తస్రావమవుతూ చుట్టుపక్కల ఉండే కణజాలం, పేగులు, కొవ్వుపొర(ఒమెంటమ్‌) వంటివన్నీ వచ్చి అక్కడ అతుక్కుపోతుంటాయి. దీంతో అవన్నీ అతుక్కుపోయి పేగుల్లో అవరోధాలు ఏర్పడతాయి. ఇలా గర్భాశయం, అండాశయాలు, పెద్దపేగు, మూత్రాశయం.. ఇలా కింద అవయవాలన్నీ అతుక్కుపోయినప్పుడు.. పొత్తికడుపు మొత్తం గడ్డకట్టినట్టుగా.. పరిస్థితి 'ఫ్రోజెన్‌ పెల్విస్‌'కు దారి తీస్తుంది. అన్నీ అతుక్కుపోయి పరిస్థితి సంక్లిష్టంగా మారుతుంది.అందుకే ఎండోమెట్రియోసిస్‌ను ముందుగానే గుర్తించి పరిస్థితి ముదరకుండా.. ఇటువంటి తీవ్ర సమస్యలు తలెత్తకుండా చూసుకోవటం అవసరం.

ల్యాప్రోస్కోపీతోనే కచ్చిత నిర్ధారణ
ఎండోమెట్రియం పొర పొత్తికడుపులో రకరకాల చోట్ల పెరుగుతూ నొప్పి వేధిస్తున్నా సాధారణ పరీక్షల ద్వారా దీన్ని కచ్చితంగా నిర్ధారించటం కష్టం. పైగా ఇదే తరహా నొప్పి లక్షణాలు ఇతరత్రా సమస్యల్లోనూ ఉంటాయి. ముఖ్యంగా పొత్తికడుపులో నొప్పి, సంభోగంలో నొప్పి వంటివి కూడా ఇన్ఫెక్షన్లతో రావచ్చు, నాళాల్లో నీరు, చీము వంటివి ఉన్నా నొప్పి రావచ్చు. ఈ అవయవాల్లో ఎక్కడన్నా క్షయ ఉన్నా రావచ్చు. అండాశయాల్లో క్యాన్సర్‌, 'క్రానిక్‌ ఎక్టోపిక్‌' వంటి సమస్యల్లో కూడా ఈ తరహా లక్షణాలే ఉండొచ్చు. కాబట్టి వీటిని సరిగా గుర్తించాల్సి ఉంటుంది. సాధారణంగా లక్షణాల ఆధారంగా బలంగా అనుమానించినా ఎండోమెట్రియాసిస్‌కు కచ్చితమైన నిర్ధారణ మాత్రం- ల్యాప్రోస్కోపీ విధానంలో పొట్టలోకి కెమేరా గొట్టాన్ని పంపి.. లోపల అవయవాలను టీవీ తెరపై క్షుణ్ణంగా పరిశీలించటం ద్వారా మాత్రమే సాధ్యం. ఆల్ట్రాసౌండ్‌ స్కానింగ్‌లో చాక్లెట్‌ సిస్ట్‌ల వంటివి కొంత వరకూ గుర్తించే అవకాశం ఉంటుంది.

• 

చికిత్స ఏమిటి?
లక్షణాలు ఎంత బాధాకరంగా ఉంటాయో చికిత్స కూడా అంత కష్టమని చెప్పక తప్పదు. ప్రధానంగా ఎండోమెట్రియం ముక్కలు ఎక్కడ అతుక్కుని ఉన్నా.. నెలనెలా హార్మోన్ల ప్రేరణతో అవి పెరుగుతుంటాయి కాబట్టి ప్రధానంగా హార్మోన్లను నిరోధించే దిశగా చికిత్స చేస్తారు.
* మందులు: నొప్పి తగ్గే మందులతో పాటు.. నెలనెలా వచ్చే ఈస్ట్రోజెన్‌ హార్మోన్‌ అందుతుంటేనే ఎండోమెట్రియం పెరుగుతుంది కాబట్టి దాన్ని ఆపేందుకు ఆర్నెల్ల పాటు ప్రొజెస్ట్రాన్‌ హార్మోను ఇస్తారు. అంటే నెలసరి రాకుండా చూస్తారు. దాంతో ఎండోమెట్రియం పొరలు కుచించుకుపోతాయి. అయితే ఈ మందులతో లావు కావటం, మానసికంగా కుంగుబాటు, మూడ్‌ మారిపోతుండటం వంటి దుష్ప్రభావాలుంటాయి. డేనజాల్‌ అనే పురుష హార్మోను కూడా ఇచ్చేవారుగానీ దీనితో గడ్డాలుమీసాలు పెరగటం వంటి పురుష లక్షణాలు, దుష్ప్రభావాలు ఎక్కువగా ఉండటంతో దీన్ని చాలా వరకూ మానేశారు.
* లూప్రైడ్‌: 'గొనడోట్రోఫిన్‌ రిలీజింగ్‌ హార్మోన్లు (జీఎన్‌ఆర్‌హెచ్‌)' కాస్త ఖరీదైన ఇంజక్షన్లు. నెలకొకసారి, లేదా మూడు నెలలకు ఒకసారి ఇస్తే వీటితో తాత్కాలికంగా నెలసరి నిలిచిపోయి, ముట్లుడిగిన దశ వంటిది వస్తుంది. దీనివల్ల ఎండోమెట్రియం బాగా సంకోచిస్తుంది. ఇది మంచిదేగానీ ఈ మందుల వల్ల ఒళ్లంతా వేడి ఆవిర్లు, ఉన్నట్టుండి గుండెదడ, చెమటలు రావటం వంటివి వచ్చి, కొద్దిసేపటి తర్వాత సర్దుకోవటం, కొద్దిగా జుట్టూడటం, హార్మోన్లు లోపిస్తాయి కాబట్టి యోని పొడిబారి సంభోగంలో ఇబ్బంది వంటి ఇబ్బందులుంటాయి. కానీ ఎండోమెట్రియాసిస్‌ను అడ్డుకోవటానికి ఈ దుష్ప్రభావాలను ఎదుర్కొనక తప్పదు.
* ల్యాప్రోస్కోపీ: ఆపరేషన్‌ చేసి ల్యాప్రోస్కోపీ ద్వారా చూస్తూ పొత్తికడుపులో ఎండోమెట్రియం ముక్కలు ఎక్కడెక్కడున్నాయో అవన్నీ తొలగిస్తారు. దీనిలో 'సర్జికల్‌ అబ్లేషన్‌' అన్నది ముఖ్యమైన ప్రక్రియ. అలాగే అవయవాలు అతుక్కుని ఉంటే వాటిని విడదీస్తారు. ఇలా ల్యాప్రోస్కోపీ చేసినా ఇంకా లోపల ఎక్కడన్నా ముక్కలు మిగిలిపోవచ్చు. అవి తర్వాత మళ్లీ బాధించటం మొదలుపెట్టచ్చు. కాబట్టిమూడు నెలల పాటు జీఎన్‌ఆర్‌హెచ్‌ తరహా ఇంజెక్షన్లు ఇస్తారు. వీటిని కూడా ఆర్నెల్లకు మించి మరీ ఎక్కువకాలం ఇవ్వటం కష్టం. మొత్తానికి వీటితో మంచి ఫలితం ఉంటుంది. చాలామందిలో సంతానం కోసం ఇవన్నీ అవసరం. ల్యాప్రోస్కోపీలో తొలగించిన తర్వాత కొంతకాలం బాగానే ఉండొచ్చుగానీ తర్వాత మళ్లీ బాధలు రావని చెప్పటం మాత్రం కష్టం.

గర్భం వస్తే నెమ్మదిస్తుంది
గర్భం వచ్చినప్పుడు ఎండోమెట్రియోసిస్‌ బాగా తగ్గిపోతుంది. గర్భధారణ సమయంలో ఒంట్లో బోలెడు హార్మోన్లు చురుకుగా ఉంటాయి, నెలసరి కూడా ఉండదు కాబట్టి ఈ సమయంలో నొప్పి బాధలు ఉండవు. ఎండోమెట్రియాసిస్‌ కూడా బాగా తగ్గుతుంది, ప్రసవానంతరం నెలసరి మొదలైన తర్వాత కొంత ఉండొచ్చు గానీ మొత్తానికి చాలామందిలో అంత తీవ్రంగా ఉండకపోవచ్చు.

హిస్ట్రెక్టమీ
నిరంతరం నొప్పి, బాధల మూలంగా విసిగిపోయి చాలామంది గర్భసంచీ తొలగించే హిస్ట్రెక్టమీ ఆపరేషన్‌ చేయమంటుంటారుగానీ దాన్ని తొలగించటంలో కూడా చాలా సమస్యలుంటాయి. యుక్తవయస్సులోనే అండాశయాలు తొలగిస్తే హార్మోన్ల లోపం రావటం, బయటి నుంచి హార్మోన్లు ఇస్తే ఎక్కడన్నా మిగిలిపోయిన ఎండోమెట్రియం పొర మళ్లీ పెరగటం వంటి బాధలు ఉంటాయి. ఇప్పటికే పిల్లలుండి, మధ్యవయసులో ఉన్న వారికి గర్భసంచీ తొలగించే ఆపరేషన్‌ గురించి ఆలోచించవచ్చు.

మొత్తమ్మీద..
* ఓ మోస్తరు నొప్పి ఉన్న వారికి గర్భనిరోధక మాత్రలు, హార్మోన్‌ చికిత్సలతో చాలా వరకూ నియంత్రించవచ్చు.
* నొప్పి కాస్త ఎక్కువగా ఉంటే ల్యాప్రోస్కోపీ చేసి నిర్ధారించి, ఆ ఎండోమెట్రియం పొరలన్నింటినీ సాధ్యమైనంత వరకూ తొలగిస్తారు. అతుక్కున్న అవయవాలను విడదీస్తారు. ఆపరేషన్‌ తర్వాత కొంతకాలం 'జీఎన్‌ఆర్‌హెచ్‌' ఇంజక్షన్లు, మందులు ఇస్తారు. మళ్లీ వస్తే ఇదే చికిత్స మళ్లీ చెయ్యాల్సి ఉంటుంది.
* ఇప్పటికే పిల్లలుండి, మధ్యవయసులో ఉంటే బాధల తీవ్రతను బట్టి గర్భాశయాన్ని తొలగించే ఆపరేషన్‌ గురించి కూడా ఆలోచించవచ్చు.
* ల్యాప్రోస్కోపీలో అవయవాలను విడదీసే సమయంలో చాలా జాగ్రత్త వహిస్తారు. ఎందుకంటే గర్భాశయం మలాశయం, మూత్రాశయం వంటివాటికి అతుక్కుపోయి ఉంటే విడదీయటానికి చేసే ప్రయత్నంలో వాటికి రంధ్రాలు పడే ప్రమాదం కూడా ఉంటుంది. కాబట్టి ల్యాప్రోస్కోపీలో కొన్నిసార్లు అన్నింటినీ విడదీయటం కూడా సాధ్యం కాకపోవచ్చు. కాబట్టి వీటి గురించి కౌన్సెలింగ్‌ ముఖ్యం.
* లేటు వయసు పెళ్లిళ్లు, గర్భాలను వాయిదా వేయటం, ఒకటి రెండు గర్భాలే ధరించటం.. వీటన్నింటి వల్లా ఏళ్ల తరబడి నెలనెలా నిరంతరాయంగా నెలసరి వస్తూనే ఉండటం వల్ల వీరిలో ఎండోమెట్రియాసిస్‌ ముప్పు పెరుగుతోంది.
* కుటుంబంలో ఈ సమస్య ఉన్నవారు ముందు నుంచే జాగ్రత్తపడటం, పెళ్లి కాగానే గర్భం ధరించటం వంటి చర్యలు ఉపయోగపడతాయి.
* ముందే గుర్తిస్తే దీన్ని చాలా వరకూ నివారించుకునే అవకాశం ఉంటుంది. లక్షణాలుంటే త్వరగా వైద్యులను సంప్రదించటం, వాళ్లు ల్యాప్రోస్కోపీ వంటివి చేస్తామంటే అంగీకరించటం ముఖ్యం.
* క్యాన్సర్‌ లాగానే ఎండోమెట్రియోసిస్‌ కూడా చుట్టుపక్కల ఉండే ఇతర భాగాలకూ వ్యాపిస్తుంది. అంతమాత్రాన ఇది క్యాన్సర్‌ కాదు. అందుకే దీనిని 'బినైన్‌ డిసీజ్‌ విచ్‌ స్ప్రెడ్స్‌ లైక్‌ క్యాన్సర్‌' అని అంటుంటారు.
* చాలామంది ఎండోమెట్రియోసిస్‌, చాక్లెట్‌ సిస్ట్‌ల వంటివన్నీ మధ్యవయసు వారిలోనే వస్తాయని భావిస్తుంటారుగానీ ఇటీవలి కాలంలో ఇవి యుక్తవయసు ఆడపిల్లల్లోనూ ఎక్కువగానే కనబడుతున్నాయి.
ఎండోమెట్రియోసిస్‌ లక్షణాలు అందరిలోనూ కనిపించాలనేం లేదు. ఎండోమెట్రియం పొర బయటపెరుగుతున్నా ఇందుకు సంబంధించిన బాధలు కొంతమందిలోనే కనిపిస్తాయి. సిజేరియన్‌ కోసం పొత్తికడుపు తెరిచినప్పుడు చాలామందిలో గర్భాశయం వెనక, చుట్టుపక్కల ఎండోమెట్రియం పొరలు అతుక్కుని కనిపిస్తుంటాయి. కానీ వారికి నొప్పి వంటి బాధలుండవు, పిల్లలు బాగానే పుడతారు. కానీ మరికొందరిలో ఏ కొంచెం ఎండోమెట్రియం పొర బయట పెరుగుతున్నా నొప్పి, తదితర లక్షణాలు ఉంటాయి. వీరికి గర్భధారణ సమస్యలు కూడా ఉండొచ్చు.
ఎడినోమయోసిస్‌
ఎండోమెట్రియం పొర గర్భాశయం గోడల్లోకి వెళ్లి.. అక్కడ ఉండిపోతే తీవ్రమైన బాధలు మొదలవుతాయి. దీనికి చికిత్స చేయటం చాలా కష్టం. నిరంతరం తీవ్రమైన నొప్పి ఉంటుంది. దీంతో ఎంతోమంది గర్భాశయమే వద్దనే స్థితికి చేరుకుంటారు. వీరికి కృత్రిమ గర్భధారణ పద్ధతులతోనూ పిల్లలు కలగటం కష్టం. ల్యాప్రోస్కోపీలో దీన్ని తొలగించవచ్చుగానీ గోడల్లో ఉంటుంది కాబట్టి పూర్తిగా తొలగించటం సాధ్యం కాదు. వీరికి ఇప్పటికే పిల్లలు ఉంటే ఒక వయసు వచ్చాక గర్భాశయాన్ని తొలగించొచ్చు. పిల్లలు లేకపోతే మాత్రం చికిత్స కష్టంగా మారుతుంది. వీరికి కొత్తగా 'మిరీనా' అని హార్మోన్లుండే 'కాపర్‌ టీ' వంటిది అందుబాటులోకి వచ్చింది. దీన్ని అమరిస్తే ఐదేళ్ల పాటు లోపలే ఉండి హార్మోన్లు విడుదల చేస్తూ ఎడినోమయోసిస్‌ కొంత తగ్గేలా చేస్తుంది. ఆ తర్వాత పిల్లల కోసం ప్రయత్నం చెయ్యచ్చు.

• source : Eenadu sukhibhava 26/04/2011

• ============================

Visit my website - > Dr.Seshagirirao.com/

పాల సీసా.. గుండెకు చేటు , Plastic feeding bottle..bad to heart

• 
  

• 
• 
  

పిల్లలకు వాడుతున్న ప్లాస్టిక్‌ పాలసీసాలు ఎంత వరకూ సురక్షితం? దీనిపై అంతర్జాతీయంగా చాలా కాలంగా పెద్ద చర్చే జరుగుతోంది. ఎందుకంటే ఈ తరహా ప్లాస్టిక్‌ సీసాల తయారీలో 'బిస్ఫెనోల్‌ ఎ (బీపీఏ)' అనే రసాయనం వాడతారు. ఈ రసాయనం ప్రమాదకరమైనదని పరిశోధకులు ఎప్పటి నుంచో చెబుతున్నారు. తాజాగా దీని కారణంగా గుండె జబ్బుల ముప్పు పెరుగుతోందని తాజాగా జరిపిన విస్తృత అధ్యయనంలో శాస్త్రవేత్తలు గుర్తించారు. హార్మోన్ల పనితీరుపై తీవ్ర దుష్ప్రభావం చూపే రసాయనం ఇది. ఇది కేవలం ప్లాస్టిక్‌ సీసాల్లోనే కాదు, డ్రింకుల సీసాలు, ఆహారం పార్సిల్‌ చేసేందుకు వాడే ప్లాస్టిక్‌ వస్తువుల వంటివాటన్నింటిలోనూ ఉంటుంది. అమెరికా వంటి దేశాల్లో నూటికి 90 మంది ఏదో రూపంలో ఈ రసాయనం ఉన్న వస్తువులను వాడుతూనే ఉన్నారు. మూత్రంలో ఈ రసాయనం అధికంగా గలవారికి గుండె జబ్బుల ముప్పు 33 శాతం ఎక్కువగా ఉంటోందని 'నేషనల్‌ హెల్త్‌ అండ్‌ న్యూట్రిషన్‌ ఎగ్జామినేషన్‌ సర్వే' సమాచారం ఆధారంగా గుర్తించారు. గతంలో ఈ బీపీఏ రసాయనం మధుమేహం, లివర్‌ ఎంజైమ్‌ల వంటివాటి పైనా ప్రభావం చూపుతోందని భావించేవారు. అయితే తాజా అధ్యయనంలో వాటికి సంబంధించిన దుష్ప్రభావాలు కొంత తక్కువేగానీ గుండె జబ్బులు ముప్పును మాత్రం నిర్లక్ష్యం చేయటానికి లేదని తేలటం విశేషం.

బీపీఏ అనేది ఒంట్లో హార్మోన్ల పనితీరును దెబ్బతీస్తుంది. అందుకే దీన్ని 'ఎండోక్రైన్‌ డిజ్రప్టర్‌' అనీ అంటున్నారు. ఇది శరీరంలోని స్త్రీహార్మోన్‌ అయిన ఈస్ట్రోజెన్‌తో పాటు పురుష హార్మోన్లను కూడా అస్తవ్యస్తం చేస్తుంది. ఈ రసాయనం సృష్టించే దుష్ప్రభావాలపై ప్రజల్లోనూ, ప్లాస్టిక్‌ వస్తువుల తయారీదారుల్లో కూడా చైతన్యం పెరగాల్సిన అవసరం ఉందని... వీలైంత వరకూ ఆహార పదార్ధాల కోసం ఈ తరహా ప్లాస్టిక్‌ సీసాలు, డబ్బాలు, ప్లాస్టిక్‌ ప్యాకేజింగ్‌ పేపర్లు వాడకపోవటమే మేలని నిపుణులు సూచిస్తున్నారు.

source : Eenadu Sukhibhava

• =================================

Visit my website - > Dr.Seshagirirao.com/

పసిబిడ్డ సంరక్షణ ,Infant care and protection

• 
  

• 

• పసిబిడ్డను సంరక్షించుకోవడం ,Infant care and protection

కానీ మన దేశంలో పుడుతున్న ప్రతి 1000 మంది పిల్లల్లో... 57 మంది మొదటి పుట్టిన రోజు జరుపుకోకుండానే చనిపోతున్నారు. ఈ 57 మందిలో 40 మంది మొదటి నెలలోనే చనిపోతున్నారు. ఈ 40 మందిలో 20 మంది మొదటి వారంలోనే చనిపోతున్నారు. ఈ 20 మందిలో ఎక్కువ మంది పుట్టిన ఒకటిరెండు రోజుల్లోనే చనిపోతున్నారు. ఇదో కఠోర సత్యం!

అందుకే మనందరం పసిబిడ్డ సంరక్షణలో మొదటి వారం రోజులూ అత్యంత కీలకమైనవని గుర్తించాలి. బిడ్డ పుట్టగానే ఏం చెయ్యాలి..? ఏం చెయ్యకూడదు..? అన్న అవగాహన పెంచుకుని.. పురిటి బిడ్డని.. పుట్టిన మరుక్షణం నుంచీ జాగ్రత్తగా సంరక్షించుకోవటం అవసరం.


తొమ్మిది నెలల పాటు వెచ్చగా.. హాయిగా.. శుభ్రంగా.. ఎటువంటి రణగొణ ధ్వనులూ లేకుండా.. అమ్మ కడుపులో సౌకర్యవంతంగా పెరిగిన బిడ్డ..
'' ముందు సూక్ష్మక్రిముల బారి నుంచి రక్షించండి. అమ్మో, బాగా చలి నుంచి నన్ను కాపాడండి.. పొడిగా తుడిచి.. బట్ట చుట్టి.. కాస్త వెచ్చగా పెట్టండి.. ఏడ్వనివ్వండి..

పసిబిడ్డ సంరక్షణలో అత్యంత కీలకమైనవేవి? పుట్టగానే ఏడ్చేలా చూడాలి, బిడ్డను వెచ్చగా పెట్టాలి, తల్లిపాలు పట్టాలి, ముట్టుకునేటప్పుడు చేతులు కడుక్కోవాలి! ఇంతకు మించి పెద్దగా చెయ్యాల్సిందేం లేదు. ఈ ప్రకృతిలో జీవితం ఎంతో సహజంగా, చాలా సులభంగా ఉంటుంది. తెలిసీతెలియక దాన్ని మనమే గందరగోళం చేసుకుంటున్నాం! ఎందుకంటే చాలా జంతువులకు కూడా ఉండే ఈ కనీస అవగాహన.. కొన్నిసార్లు మనకు కరవు అవుతుండటం వల్ల ఎంతోమంది పసిబిడ్డలను దక్కించుకోలేకపోతున్నాం. ఇందుకు చిన్న ఉదాహరణ చూద్దాం. చేతుల్లేకపోయినా.. ఆవు, గేదె, గొర్రె ఇలా చాలా జంతువులు పుడుతూనే తన దూడను తాకటానికి ప్రయత్నిస్తాయి. నాలుకతో తల నుంచి తోక దాకా ఒళ్లంతా శుభ్రంగా నాకుతూ.. ఆ ఆత్మీయ స్పర్శతో బిడ్డకు నేనున్నానే భరోసా కల్పిస్తాయి. పుట్టిన రోజే పాలివ్వటం మొదలు పెట్టేస్తాయి. అది చాలు, దూడ చెంగున ఎగురుతూ, హాయిగా పెరగటానికి! ఇక చాలా చిన్న మెదడు ఉన్న కోడి కూడా.. తన పిల్లలను రెక్కల కింద కప్పుతూ వెచ్చగా ఉంచుతుంది. పసిగుడ్డుకు ఆ వెచ్చదనమే పెద్ద బలం. ఇక కుక్కల్లాంటి జంతువులు కూడా ఈనిన తర్వాత.. తన పిల్లల వైపు ఎవరూ రాకుండా భయంకరమైన కాపలా కాస్తాయి. ఎవరైనా అటుపోతే చీరేస్తాయి.

బిడ్డను తల్లి పక్కనే పడుకోబెట్టటం, వెచ్చగా ఉంచటం, కొద్దిమందే ముట్టుకోవటం, వాళ్లు కూడా శుభ్రంగా చేతులు కడుక్కున్న తర్వాతే ముట్టుకోవటం.. ఇవన్నీ ప్రకృతిలో ఉన్న సూత్రాలే! వాటిని మనం విస్మరించకూడదు!

* పుట్టిన మొదటి అరగంట లోపే... బిడ్డకు తల్లిరొమ్ము పట్టాలి. ఈ పని చెయ్యగలిగితే మనం ఒక్క మన దేశంలోనే 2.5 లక్షల బిడ్డలను రక్షించుకోగలుగుతాం.

* చాలామంది కాన్పుకాగానే పాలు రావని భావిస్తుంటారు, అది సరికాదు.. బిడ్డ చీకుతుంటే పాలు అవే వస్తాయి. పట్టకపోతే రావు. తల్లికి సిజేరియన్‌ ఆపరేషన్‌ చేసినా కూడా తొలిగంటలో పాలు ఇవ్వటానికే ప్రాధాన్యం ఇవ్వాలి. ఒక రకంగా బిడ్డకు పాలివ్వటం ఆ సమయంలో తల్లికీ మేలు చేస్తుంది. ఎందుకంటే తల్లిపాలివ్వటాన్ని కాన్పులో 'నాలుగో దశ'గా కూడా పిలుస్తారు. ఎందుకంటే తొమ్మిదినెలలుగా పెద్దగా సాగిన బిడ్డసంచీ.. కాన్పు తర్వాత తిరిగి చిన్నగా మరాలంటే అది బాగా సంకోచించాలి. అందుకు 'ఆక్సిటోసిన్‌' అనే హార్మోను చాలా అవసరం. బిడ్డ తల్లి రొమ్ము పట్టుకుని చీకటం మొదలుపెట్టిన వెంటనే ఆ హార్మోను విడుదలై... గర్భసంచీ సంకోచించటం మొదలుపెడుతుంది, వెంటనే రక్తస్రావం కూడా ఆగిపోతుంది. కాన్పు తర్వాత ఇలా రక్తస్రావం సత్వరమే ఆగటం చాలా అవసరం. కాబట్టి బిడ్డకు వెంటనే పాలు పట్టటమన్నది బిడ్డకే కాదు.. తల్లికి కూడా మేలు చేస్తుందని గుర్తించాలి.

* బిడ్డ పుట్టగానే పాలు అవే పడతాయిలే అని వదిలేస్తూ.. రెండుమూడు రోజుల పాటు తేనె నాకించటం, పంచదార నీళ్లు, గ్లూకోజు నీళ్ల వంటివి పట్టటం చెయ్యకూడదు. తల్లిపాలు తప్పించి బిడ్డకు మరేమీ ఇవ్వకూడదు. తొలిగా వచ్చే ముర్రుపాలు ఎంతో శ్రేష్ఠమైనవి, అవి బిడ్డ రోగనిరోధక శక్తిని పెంచుతాయి. ముర్రుపాలను పిండెయ్యటం సరికాదు.. వాటిని బిడ్డకే పట్టాలి.

* పాప పుట్టగానే తల్లికి దూరం చేసి ఉయ్యాల్లో పడుకోబెట్టటానికి బదులు.. తల్లి దగ్గరే, తల్లి పక్కనే ఉంచాలి. తల్లికి సిజేరియన్‌ చేసినా కూడా తల్లి దగ్గరనేపడుకోబెట్టాలి. తల్లీపిల్లల మధ్య ఈ స్పర్శ ముఖ్యం. ఇలా ఉంచితే బిడ్డ ఎప్పుడు పాలు కావాలంటే అప్పుడు ఇవ్వటం సాధ్యపడుతుంది. ఎప్పుడు ఆహారం కావాలన్నది బిడ్డకు తెలుసు. బిడ్డ కోరినప్పుడల్లా తల్లి పాలిచ్చేలా అనుకూల వాతావరణం, ప్రోత్సాహం ఇవ్వాలి.

* బిడ్డ ఏడుస్తుంటే నోట్లో తేనెపీక వంటివి పెట్టటం మంచిది కానేకాదు. సీసా పాలు పట్టటం అసలు మంచిది కాదు. దీనివల్ల బిడ్డకు కావాల్సిన పోషకాలు అందవు, పైగా విరేచనాల వంటి సమస్యలు పట్టుకుంటాయి. సీసా- తల్లీ బిడ్డల మధ్య అది ఎడాన్ని కూడా పెంచుతుంది.

* బిడ్డకు ఆర్నెల్ల పాటు పూర్తిగా తల్లిపాలే పట్టాలి. ఈ సమయంలో మంచినీళ్లు కూడా పట్టాల్సిన పనిలేదు, వాటి బదులు కూడా తల్లిపాలే ఇవ్వాలి! ఇక ఆర్నెల్ల తర్వాత అదనపు ఆహారంతో కనీసం రెండేళ్లపాటు తల్లిపాలు ఇవ్వచ్చు.

* తల్లులు అనవసరంగా గాభరా పడకుండా ఈ చర్యలన్నీ తీసుకుంటే పుట్టిన పిల్లలు గట్టెక్కుతారు, బరువు పెరుగుతారు, సంతోషంగా ప్రేమపూర్వకంగా ఎదుగుతారు. వాళ్ల తెలివితేటలు (ఐక్యూ), సామాజిక జ్ఞానం (ఎస్‌క్యూ), భావోద్వేగ సమతౌల్యం (ఈక్యూ) అన్నీ పెరుగుతాయి.

పసిబిడ్డ జననం..(!డా|| పి.సుదర్శన్‌రెడ్డిసూపరింటెండెంట్‌-నీలొఫర్‌ హాస్పిటల్‌,హైదరాబాద్‌)

* పుట్టగానే బిడ్డ శ్వాస పీల్చాలి. అంటే ఏడ్వాలి! ఇది చాలా అవసరం. సాధారణంగా పిల్లలంతా కూడా పుడుతూనే తమకు తాముగా ఏడ్వటం, గాలి పీల్చటం మొదలుపెడతారు. కానీ కొంతమంది పిల్లలు ఇలా శ్వాస పీల్చుకోకపోవటం వల్ల.. మెదడుకు రక్తం, ఆక్సిజన్‌ సరిగా అందక మెదడు దెబ్బతిని జీవితాంతం బుద్ధిమాంద్యంతో, అంగవైకల్యంలో జీవించాల్సిన పరిస్థితి దాపురిస్తుంది. ఈ స్థితినే 'హైపాక్సిక్‌ ఇస్ఖీమిక్‌ ఎన్‌సెఫలోపతీ' అంటారు. గాలి పీల్చుకోక, మెదడుకు సరిగా ఆక్సిజన్‌ అందక తలెత్తే సమస్య ఇది. కాబట్టి పుట్టగానే బిడ్డ ఏడ్వకుండా, తనకు తానుగా శ్వాస తీసుకోకపోతుంటే.. మనం తక్షణం కల్పించుకుని తను శ్వాస తీసుకోవటం మొదలుపెట్టేలా సహకరించాలి. ముందు 'మ్యూకస్‌ సక్కర్‌'తో నోటిలో, ముక్కు రంధ్రాల్లో స్రావాలను తీసేసి శుభ్రం చెయ్యాలి. దీంతో గాలి పీల్చుకోవటానికి మార్గం ఏర్పడుతుంది. ఒకటిరెండు నిమిషాల పాటు బిడ్డ గాలి తీసుకోలేదంటే నీలంగా మారిపోతుంటుంది. కాబట్టి ఈ పరిస్థితి తలెత్తకుండా మనం వెంటనే 'ఆంబూ బ్యాగ్‌'ను సున్నితంగా నొక్కుతూ.. బిడ్డకు ఒక్క శ్వాస అందిస్తే చాలు.. వెంటనే అందుకుంటుంది! ఈ ఆంబూ బ్యాగ్‌ లేకపోతే నోటి మాస్కు ద్వారా, అదీ లేకపోతే కనీసం నోటితో ఒక్కసారి శ్వాస తీసుకునేలా వూదటం చాలా అవసరం.

* చాలామంది పుట్టగానే బిడ్డ ఏడ్వక, శ్వాస తీసుకోకపోతుంటే తిరగేసి పట్టుకుని వీపు మీద కొట్టటం, ముఖం మీద చల్లటి నీరు పొయ్యటం, ఉల్లిపాయలు ముక్కు దగ్గర పెట్టటం, స్పిరిట్‌ చల్లటం.. ఇలా రకరకాల పనులు చేస్తుంటారు. ఇవన్నీ చెయ్యకూడదు. తప్పు! కేవలం బిడ్డ వీపు మీద, అరికాళ్లలో కొద్దిగా రుద్ది, మర్దన చేస్తూ.. బిడ్డ స్పందించేలా చేస్తే చాలు.

* అలాగే కొన్నిసార్లు కాన్పు కష్టమైనప్పుడు ఉక్కిరిబిక్కిరై బిడ్డ లోపలే మలవిసర్జన చేసేస్తుంది. ఆ మలం ముక్కు ద్వారా లోపలకు పోయి శ్వాస ఇబ్బంది రావచ్చు. కాబట్టి ఉమ్మ నీరు మామూలుగానే ఉందా? లేక ఆకుపచ్చగా, నల్లగా రంగు మారిందా? అన్నది చూడటం మంచిది. ఒకవేళ రంగు మారితే.. బిడ్డకు లోపలే ఏదో కష్టమైందని గుర్తించి వెంటనే ప్రత్యేక వైద్య సంరక్షణ కల్పించాలి.

* బిడ్డ ఏడ్చి, శ్వాస పీల్చుకోవటం మొదలుపెట్టగానే.. బిడ్డను శుభ్రంగా తుడిచి, పొడిగా చెయ్యాలి. బిడ్డ నీళ్లతో ఉంటే చల్లగా అయిపోతుంది. అందుకే ఇప్పుడే స్నానాల వంటివి చేయించకుండా శుభ్రంగా తుడిచి, వెచ్చటి బట్ట చుట్టాలి. పుట్టగానే ఈ వెచ్చదనం చాలా ముఖ్యం!

* కొందరు సంప్రదాయంగా పసిబిడ్డలను పాత బట్టలు, దుమ్ము పట్టిన గుడ్డల వంటి వాటిలో చుడుతుంటారు. అవి ఏ బట్టలైనా సరే, శుభ్రంగా ఉతికినవే పసిబిడ్డ కోసం ఉపయోగించాలి.

* బట్ట చుట్టిన తర్వాత.. బిడ్డను తల్లి దగ్గరే, తల్లి శరీరం మీదనే ఉంచాలి. ఒకవేళ తల్లికి సిజేరియన్‌ సర్జరీల వంటివి పూర్తి చెయ్యాల్సి ఉంటే.. అప్పటి వరకూ బిడ్డను వెచ్చగా లైట్‌ కింద ఉంచి.. అది పూర్తవుతూనే బిడ్డను తల్లి పక్కకు చేర్చాలి. తల్లి 'ప్రకృతి సహజమైన ఇంక్యుబేటర్‌' అన్న విషయం మర్చిపోవద్దు. తల్లి ఇచ్చే వెచ్చదనం ఎవరూ ఇవ్వలేరు. తల్లీబిడ్డలను వేరు చెయ్యకూడదు. ఒకవేళ బిడ్డ చాలా బరువు తక్కువగా పుడితే.. బిడ్డను తల్లి రెండు రొమ్ముల మధ్యా ఉంచి.. పైన బట్ట చుట్టాలి. దీన్నే 'కంగారూ మదర్‌ కేర్‌' అంటారు. ఇది ఇంక్యుబేటర్‌లో పెట్టటంతో సమానం!

* ఇలా వెచ్చదనంలో పెరిగే బిడ్డల ఎదుగుదల కూడా చక్కగా ఉంటుందని గుర్తించాలి. లేకపోతే తాగిన పాల శక్తి అంతా బిడ్డ తన శరీరాన్ని వెచ్చగా పెట్టుకోవటానికే ఖర్చయిపోతుంది. దీంతో పెరుగుదలా దెబ్బతింటుంది. కనీసం ఆర్నెల్ల వరకూ బిడ్డలను వెచ్చగా ఉంచటం అవసరం.

* మన చుట్టూ ఎన్నో కనిపించని సూక్ష్మక్రిములు ఉంటాయి. అప్పుడే పుట్టిన బిడ్డకు రోగనిరోధక శక్తి చాలా తక్కువ ఉంటుంది కాబట్టి బిడ్డ ఈ సూక్ష్మక్రిముల బారినపడకుండా మనం పూర్తి శుభ్రత, సురక్షిత చర్యలు తీసుకోవాలి. కాన్పు చేసేవారు చేతులు సబ్బుతో రుద్దిరుద్ది కడుక్కోవాలి, గ్లౌజులు వేసుకోవాలి. ఎవరైనా సరే... చేతులు సబ్బుతో శుభ్రంగా కడుక్కున్న తర్వాతే పసిబిడ్డను ఎత్తుకోవాలి. అంతా 'తలో చెయ్యీ వెయ్యటం' కాకుండా.. బిడ్డను ఒకరిద్దరే ఎత్తుకోవటం, పట్టుకోవటం మంచిది.

* బిడ్డ పుట్టిన అర గంటలోపే తల్లిపాలు పట్టించటం ప్రారంభించాలి. దీనివల్ల బిడ్డకు వ్యాధి నిరోధక శక్తి పెరగటం మొదలవుతుంది. అందుకే తల్లిపాలను వ్యాధులు రాకుండా మనం ఇచ్చే 'తొలి టీకా' అంటారు.

* ఆసుపత్రుల్లో కాన్పు చేస్తే మరో ప్రయోజనమేమంటే వైద్యులు- బిడ్డ పుట్టగానే వైద్యులు కండ్లు, ముక్కు, చెవులు, నోరు, మలద్వారం, మూత్రద్వారం వంటివన్నీ చక్కగా ఉన్నాయా? లేదా? పుట్టుకతో ఏదైనా లోపాలున్నాయా? శ్వాస సరిగా తీసుకుంటోందా? లేదా? గుండె తక్కువ కొట్టుకుంటోందా? ఇవన్నీ చూస్తారు. ఎందుకంటే కొందరిలో మలద్వారం సరిగా ఉండదు. దాని మీద ఒక పొర ఉంటుంది. దాన్ని గుర్తిస్తే వెంటనే చికిత్స లేదంటే సర్జరీ చేసి సరిచెయ్యచ్చు.

* పుట్టగానే బిడ్డ బరువు చూడటం, టీకాలు ఇవ్వటం తప్పనిసరి

హైరిస్క్‌ పిల్లలు
కొందరు పుడుతూనే కొన్ని ఇబ్బందులతో పుడతారు.. వీరిని 'రిస్కు ఎక్కువగా ఉన్న పిల్లలుగా' గుర్తించి మరిన్ని అదనపు జాగ్రత్తలు తీసుకోవాల్సి ఉంటుంది. వీళ్లను గుర్తించేదెలా?

* 1800 గ్రాముల కంటే తక్కువ బరువుతో పుట్టినా.
* 34 వారాల కంటే ముందే పుట్టిన బిడ్డలు
* రొమ్ములు చీకాలన్న స్పందనల్లేక, పాలు తాగలేకపోతున్న బిడ్డలు
* నిరంతరం ఏడుస్తూనే ఉన్న పిల్లలు
* ఎటువంటి కదలికలూ లేకుండా మొద్దులా ఉండిపోతున్న పిల్లలు
* చర్మం రంగు నీలంగా, లేదా పాలిపోయినట్లున్న పిల్లలు, లేదా పుట్టిన 24 గంటల్లో చర్మం పసుపుపచ్చగా మారుతున్న పిల్లలు
* బాగా చల్లగా ఉన్న బిడ్డలు
* మొదటి 48-72 గంటల్లోపు జ్వరం వచ్చిన బిడ్డలు...
* పాలు తీసుకున్న ప్రతిసారీ మొత్తం వాంతి చేసుకుంటున్న పిల్లలు
* కడుపు బాగా ఉబ్బి ఉన్న బిడ్డలు
* శ్వాస వేగంగా తీసుకుంటూ.. ఎగశ్వాస వస్తున్న బిడ్డలు..
* మొదటి 48 గంటల్లోపు కళ్లు పుసులు కడుతుండటం, లేదా బొడ్డు చీము పడుతున్నట్టుండటం, చర్మం మీద చీము పొక్కుల వంటివి కనబడిన పిల్లలు..
* ఫిట్స్‌ వచ్చిన బిడ్డలు..
* ఎక్కడి నుంచైనా రక్తస్రావం అవుతున్న పిల్లలు..
* పుట్టిన 24 గంటల్లోపు మల విసర్జన చెయ్యకపోయినా.. 48 గంటల్లోపు మూత్ర విసర్జన చెయ్యకపోయినా..

వీరందరినీ హైరిస్క్‌ బిడ్డలుగా గుర్తించి.. తప్పనిసరిగా సత్వరమే వైద్యులవద్దకు తీసుకువెళ్లాలి. ముందీ లక్షణాలను గుర్తించి వెంటనే స్పందించటం చాలా ముఖ్యం.

* బిడ్డ కడుపు ఉబ్బితే.. 'సహజమేలే' అని వదిలెయ్యటం;
* పాలు తాగలేకపోతుంటే 'ఆ.. అలవాటైతే అదే తాగుతుందిలే' అని నిర్లక్ష్యం వహించటం;
* ఫిట్స్‌ వస్తుంటే 'ఒక్కసారే గదా వచ్చింది, మళ్లీ వస్తే చూద్దాం' అనుకోవటం;
* బిడ్డ చాలా చిన్నగా పుడితే 'అదే పెరుగుతుందిలే, బక్కవాళ్లు బతకటం లేదా' అని వదిలెయ్యటం.. ..ఇలా సర్దుకుపోతూ తాత్సారం చెయ్యటం ఏమాత్రం సమర్థనీయం కాదు. ఇవన్నీ ప్రమాద సూచికలని గుర్తించి తక్షణం వైద్యుల వద్దకు తీసుకువెళ్లాలి.

Updates :
శిశువుకు.. వెచ్చని తోడు

• 

అప్పుడే పుట్టిన పిల్లలు వెచ్చగా ఉండేలా చూడటం ఎంతో అవసరం. ఎందుకంటే పెద్దవారిలాగా శిశువులు శరీర ఉష్ణోగ్రతను నియంత్రించుకోలేరు. కాబట్టి సరైన ఉష్ణోగ్రతలో ఉండేలా జాగ్రత్తలు తీసుకోవాలి.

ముఖ్యంగా నెలలు నిండకముందే పుట్టే పిల్లలు, బరువు తక్కువ పిల్లలను సరైన ఉష్ణోగ్రతలో ఉంచకపోతే కొన్నిసార్లు చనిపోయే ప్రమాదమూ ఉంది. ఆధునిక సౌకర్యాలు లేని గ్రామాల్లో ఈ ప్రమాదం ఎక్కువ. మనదేశంలో జన్మిస్తున్న ప్రతి వెయ్యిమంది శిశువుల్లో ఏటా సుమారు 50 మంది చనిపోతున్నారని అంచనా. దీన్ని దృష్టిలో పెట్టుకునే చవకైన 'ఇన్‌ఫాంట్‌ వార్మర్‌'లను సరఫరా చేయాలని జీఈ హెల్త్‌కేర్‌, ఎంబ్రేస్‌ స్వచ్ఛందసంస్థలు సంకల్పించాయి. చిన్నపాటి పడుకునే సంచీలా ఉండే వీటిని వచ్చే సంవత్సరం నుంచి పంపిణీ చేసేందుకు ప్రయత్నాలు చేస్తున్నాయి.

సంప్రదాయ ఇంక్యుబేటర్లతో పోలిస్తే ఈ 'ఎంబ్రేస్‌ ఇన్‌ఫాంట్‌ వార్మర్‌' ధర ఒక శాతం కన్నా తక్కువే కావటం గమనార్హం. ఇది విద్యుత్తు సరఫరా లేకపోయినా గంటల కొద్దీ శిశువు వేడిగా ఉండేలా చూస్తుంది. శిశు సంరక్షణను మెరుగుపరచేందుకు ముందుగా వీటిని గ్రామాల్లో పంపిణీ చేయాలని భావిస్తున్నారు. ఇన్‌ఫాంట్‌ వార్మర్‌లో.. వేడి చేసే పరికరం లేదా వేడి నీటి బ్యాగు, లక్కతో కూడిన సంచీ, పడుకునే సంచీ ఉంటాయి. ముందు వేడి పరికరాన్ని విద్యుత్తుతో వేడిచేస్తారు. విద్యుత్తు సౌకర్యం లేనిచోట వేడినీటిని నింపే రకాలు కూడా ఉన్నాయి. వేడి చేసిన పరికరాన్ని లక్కతో కూడిన సంచీలో వేసి దానిపై శిశువును పడుకోబెడతారు. అనంతరం పడుకునే సంచీని చుట్టూ చుడతారు. దీంతో శిశువుకు అవసరమైన వేడి నిరంతరం అందుతుంటుంది. పిల్లలను సరైన ఉష్ణోగ్రతలో ఉంచితే త్వరగా పెరిగే అవకాశమూ ఉంది. కాబట్టి ఇంక్యుబేటర్‌ సదుపాయం లేని ప్రాంతాల్లో ఇది శిశువులకు సంజీవనిలా ఉపయోగపడగలదని నిపుణులు చెబుతున్నారు.

• ---------------------------------------------------------

source : Eenadu sukheebhava

• =============================

Visit my website - > Dr.Seshagirirao.com/

ఫిస్టులా , Fistula in Ano,భగంధరం వ్యాధి

• 
  

• 
• 
  

కొన్ని వ్యాధులు కాస్తంత ఉపశమనం కోసం తల్లడిల్లేలా చేస్తాయి. అలాంటి వాటిలో ఫిషర్, ఫిస్టులా (భగందరం), పైల్స్ (అర్శమొలలు), ఆబ్సిస్ (Abscess-చీము గడ్డ) మలద్వారంలో వచ్చే నాలుగు ప్రధాన సమస్యలు. కాకపోతే, ఈ నాలుగింటిలోనూ స్వల్పమైన తేడాలతో ఒకే తరహా లక్షణాలు ఉంటాయి. ఈ నాలుగింటిలో ఒక వ్యాధిని మరో వ్యాధిగా పొరబడే ప్రమాదం ఉంది. కాకపోతే నాలుగింట్లో ఏ వ్యాధి వచ్చినా చాలా మంది అర్శమొలలే అనుకుంటారు.

• ఫిస్టులా:

ఈ వ్యాధిని కొందరు ''లూటి'' అని కూడా అంటారు. ఇది ఈ రకం వ్యాధు లన్నింటికెల్లా ఇబ్బందికరమైన సమస్యగా చెప్పుకోవచ్చు.''భగంధరం'' వ్యాధి అని కూడా అంటారు . మలవిసర్జన మార్గము ప్రక్కన ఎటో ఒకవైపు కురుపు ఏర్పడి అది పెరుగుతూ పోయి లోపల పెద్దపేగు చివర భాగములో రంధ్రాన్ని ఏర్పరుస్తుంది. బయటి చర్మము మరియు లోపల ప్రేగుకు రెండువైపులా రంధ్రము ఏర్పడడాన్ని ఫిస్టులా అంటారు.  ఫిస్టులా అన్నది ఇన్‌ఫెక్షన్ల కారణంగా వచ్చే సమస్య. పెద్ద పేగు నుంచి బయటకు వచ్చే చర్మానికి ఇన్‌ఫెక్షన్‌ వల్ల ఈ వ్యాధి వస్తుంది. అయితే ఈ ఇన్‌ఫెక్షన్లు ఎందుకు వస్తాయన్నది ఇంతవరకూ ఖచ్చితముగా తెలియదు. ఇకపోతే మలబద్ధకం వల్ల అంతకు ముందే ఉన్న ఫిస్టులా సమస్య ఎక్కువవుతుందే తప్ప మలబద్ధకం వల్ల ఫిస్టులా రాదు. అలాగే దూరప్రయాణాలు, మాంసాహారం, మసాలా పదార్థాలు సమస్యను మరింత తీవ్రం చేస్తాయి. మలద్వారం చుట్టూ గడ్డలు వస్తాయి. తరువాత చీము పడుతుంది. ఈ సందర్భంలో సరైన చికిత్స చేయకపోవడం వల్ల భగంధరం ఏర్పడుతుంది. అయితే ఆధునిక వైద్య విధానాల్లో చేసే శస్త్ర చికి త్స వల్ల ఫిస్టులా సమస్య ఎప్పుడూ పూర్తిగా పోదు. కొంత కాలం ఉపశమనంగా ఉన్నా కొన్నాళ్లకు మళ్లీ ఆ సమస్య మొదలవుతుంది. ఎక్కువ కాలం ఈ సమస్య ఇలాగే కొనసాగితే అక్కడ ఏర్పడిన చీము పేగుల్లోకి కూడా వెళ్లి మరిన్ని సమస్యలకు దారి తీయవచ్చు.

• పిస్టులా వ్యాధి రెండు రకాలు. మల ద్వారానికి పోయే పై దారిలో ఏర్పడేది ఒక రకం, కింది భాగంలో ఏర్పడేది మరో రకం. పైభాగంలో వచ్చేది సామాన్యంగా సమాంతరంగా ఉంటుంది. కింది భాగంలో వచ్చే దారి వంకరగా ఉంటుంది. పిస్టులాను లోలెవెల్‌, హైలెవెల్‌ రకాలుగా వర్గీకరిస్తారు. లోలెవెల్‌ రకం దోవ పొడవు తక్కువ గా ఉంటుంది. ఇది రెండు సెంటీమీటర్ల కంటే తక్కువగా ఉంటుంది. హైలెవెల్‌లో దోవ పొడవు కొన్నిసార్లు నాలుగు, అయిదు సెంటీమీటర్ల కంటే ఎక్కువగా ఉంటుంది. కొన్నిసార్లు విరోచనాలు కంట్రోల్‌ కాకపో వచ్చు. చీము, రక్తం కూడా రావచ్చు.

ఈ వ్యాధి ఏ వయస్సులో ఉన్నవారికైనా రావచ్చు. ము ఖ్యంగా ఎక్కువసేపు కూర్చొని ఉన్నవారిలో ఈ వ్యాధి వస్తుంది.్

ప్రేరేపించే కారణాలు :

• జీర్ణవ్యవస్థలోని లోపాలు, ఆ కారణంగా వచ్చే మలబద్ధకం సమస్యే ప్రధాన కారణం.
• ఆహారంలో పీచుపదార్థాలు తక్కువగా ఉండడం,
• నీరు తక్కువగా తాగడం,
• శరీర శ్రమ లేకపోవడం,
• స్థూలకాయం,
• ఎక్కువ గంటలు కదలకుండా కూర్చోవడం,
• గంటల పర్యంతం వాహనాలు నడపడం
• గర్భంలోని శిశువు బరువు కారణంగా కూడా కొంత మంది స్త్రీలు ఈ సమస్యలను ఎదుర్కొంటారు.
• పెద్ద వ్యవధి లేకుండా వెంట వెంట ప్రసవాలు జరిగినప్పుడు .

లక్షణాలు

• నొప్పి,
• రక్తస్రావం,
• చీము-జిగురు పడటం,
• దురద

ఇవే ప్రధానంగా కనిపించినా మరి కొన్ని ఉప లక్షణాలు కూడా కనిపిస్తాయి. వాటిలో

• జీర్ణక్రియ, విసర్జన క్రియ సరిగా లేకపోవడం.
• ఆహారం మీద ఆసక్తి లేకపోవడం,
• కడుపు ఉబ్బరం,
• నోటినుంచి మలద్వారందాకా మంటగా ఉండడం,
• కడుపులో శబ్దాలు రావడం,
• బరువు తగ్గడం,
• తేన్పులు రావడం,
• రక్తహీనత ఏర్పడటం,
• కళ్లు తిరిగినట్లు అనిపించడం,

వ్యాధి నిర్ధారణ : 

• చికి్త్సకు ముందు వ్యాధి నిర్ధారణ చాలా ముఖ్యము. దానికోసము -- ట్రాన్స్ యానల్ స్కాన్‌, ఫిస్టులోగ్రామ్‌, యం.ఆర్.ఐ.ఫిస్తులా, లాంటి పరీక్షలు చేసి ... కాన్సర్ కాదని బలపడిన తరువాత ముందుకు సాగాలి.

చికిత్స :

• ప్రతి చిన్న విషయానికీ ఎక్కువగా హైరానా పడే వ్యక్తులో దురదలు పెట్టే వ్యాధులు ఎక్కువగానే కనిపిస్తాయి. చాలారకాల చర్మవ్యాధులు మానసి కంగా నలిగిన వ్యక్తుల్లో ఎక్కువగా బహిర్గతమవు తాయి. ఈ తరహా సమస్యలున్నప్పుడు కేవలం శరీరానికే కాకుండా మనస్సుకు కూడా చికిత్స చేయాల్సిఉంటుంది.

అల్లోపతి : నొప్పిగా ఉన్నప్పుడు నొప్పినివారణ మాత్రలు (Nimsulide, Ibuprofen , diclofenac, aceclofenac) వాడాలి . ఇన్‌ఫెక్షన్‌ అయి చీము , రసి కారుతున్నప్పుడు ఫిస్టులా దరిదాపుపా శుభ్రము చేస్తూఉండాలి. . . యాంటీబయోటిక్స్ (ciprofloxin +ornidazole) వాడాలి.
ఏమీ చెయ్యకుండా ఉండడము : రసి శుభ్రము చేస్తూ ఉండి విరోచనము సాఫీ గా అయ్యేటట్లు ఆహారనిమాలు మార్చుకోవాలి .
ఫిస్టులాని తెరచి ఉంచడం : మూసుకొని ఉన్న గాయాన్ని కట్ చేసి తెరచి ఉంచి క్లీనింగ్ చేస్తూ ఉండలి .. లోపనుంది మానుకుంటూ వస్తుంది . ఇన్‌ఫెక్షన్‌ అవకుండా యాంటీబయోటిక్స్ వాడాలి.
సర్జెరీ : మంచి శస్త్రచికిత్స వైద్యనిపుణుని సంప్రదించి తగిన సలహా , సహాయాన్ని పొందాలి .

• ఆయుర్వేదము : క్షారసూత్ర ప్రక్రియ ద్వారా క్షార సూత్ర వైద్య ప్రక్రియతో భగంధరం దూరం అవుతుందని ఓరుగల్లు నగరంలోని ప్రభుత్వ ఆయుర్వేద వైద్యశాల మెడికల్‌ ఆఫీసర్‌ డాక్టర్‌ కెఎంవిడి ప్రసాద్‌ చెప్పారు. దీనిలో ఔషధాలు లేపనం చేసి ఒక నూలు దారాన్ని మలద్వారంనుంచి ఫిస్టులా మార్గంలోకి పంపి బైటనుంచి ముడి వేస్తారు. దారం లోపలినుంచి కోసుకుంటూ గాయాన్ని మాన్పుతూ బైటకు వస్తుంది. ఈ విధానమే కాకుండా ప్రారంభావస్థలో జాత్యాదిఘృతం వంటి రోపణ ఔషధాలను ప్రయోగించి కూడా వ్యాధిని తగ్గించవచ్చు.

తీసుకోవాల్సిన జాగ్రత్తలు

• చేపలు, కారం, మసాలలను, వాడకూడదు,
• మద్యం సేవించడం, ధూమపానం, పనికిరాదు,
• మజ్జిగ, కొబ్బరినీళ్ళు, పళ్ళరసాలు వంటివి తాగాలి.
• మలబద్దకం కాని కాయగూరలు, ఆకుకూరలు, ఎక్కువగా తినాలి.
• ఎక్కువ ప్రయాణాలు ఎక్కువ సేపు కూర్చోవడం పనికిరాదు.
• మనం కూర్చునే కుర్చి అడుగునుంచి గాలివచ్చేలా ఉండే కుర్చిలోనే కూర్చొవాలి.శరీరానికి చల్లగాలి అవసరం.

ఫిస్టులా-భగందరం.. లోలోపల భయం / ఈనాడు సుఖీభవ 18/11/2014 /డా.వర్ఘీస్ ముత్తయ్ -కొలొరెక్టర్ సర్జన్‌ .యశోదా హాస్పిటల్ ,హైదరాబాద్ .

    చెప్పుకోవాలంటే సిగ్గు. అలాగని వూరుకోవాలంటే భయం! నలుగురిలో ఎక్కడ నగుబాటుకు గురవుతామోనన్న శంక.. పట్టించుకోకుండా తిరిగితే ఇదెంత పెద్ద సమస్యగా పరిణమిస్తుందోనన్న ఆందోళన. ఇవన్నీ నిరంతరం మనసును తొలి చేస్తుంటాయి. ఏ పని చెయ్యాలన్నా ఇదే బెరుకు. మలద్వారానికి సంబంధించి ఏ సమస్య తలెత్తినా ఆ బాధలకు తోడు మనసు కూడా ఇలా పరిపరివిధాలుగా విలకమై పోతుంటుంది. ఇక భగందరం వంటి సమస్యలైతే ఈ బాధ మాటల్లో చెప్పలేం! మలద్వారం చుట్టుపక్కల ఎక్కడో పుండులా మొదలవుతుంది. చిట్లి చీము కారుతూ వేధించి.. కొద్దిరోజుల్లో మానినట్లే ఉంటుంది. పోయిందిలెమ్మని అనుకుంటుండగానే మళ్లీ మొదటికి వస్తుంటుంది. ఇలా ఆ చుట్టు పక్కలే ఒకటి.. రెండు.. చాలా పుండ్లు మొదలవ్వచ్చు. పైపైన పుండ్లు మానినట్లే ఉంటాయి, కానీ ఎక్కడో లోపలి నుంచి మళ్లీ మొలుచుకొస్తుంటాయి. నిజానికి ఈ సమస్యకు మూలం పైన చర్మం మీద కాదు.. లోలోపల ఎక్కడో మలమార్గం నుంచే ఉంటుంది. దాన్ని ఆ లోపలి నుంచి సంపూర్ణంగా ముయ్యగలిగితేనేగానీ ఇది మానదు. ఇదే భగందరం! ఒక రకంగా మొండి సమస్య. సరైన నైపుణ్యంతో చికిత్స చెయ్యకపోతే.. మొదటికే మోసం వచ్చి, మలంపై పట్టు కూడా కోల్పోయే ప్రమాదం ఉంటుంది. అందుకే దీన్ని సరిగ్గా గుర్తించటం.. మూలాలు ఎక్కడున్నాయో తెలుసుకుని.. అది సంపూర్ణంగా తొలగిపోయేలా సరైన చికిత్స తీసుకోవటం అవసరం.


మలద్వార బాధల గురించి మాటల్లో చెప్పటం కష్టం! అందుకే చాలామంది సాధ్యమైనంత వరకూ తోసేసుకు తిరిగేందుకు ప్రయత్నిస్తుంటారు. కానీ ఇవి తెచ్చిపెట్టే చికాకు, బాధ, ఇబ్బందుల కారణంగా అట్టే కాలం వీటిని విస్మరించటం కష్టం. రెండోది- ముడ్డి దగ్గర వచ్చే సమస్యలన్నీ ఒకే రకం కూడా కాదు. వీటిల్లో మూలశంక, భగందరం, చీలికల వంటి చాలా సమస్యలు ఉంటాయి. వీటిలో కొన్ని అప్పటికప్పుడు అంత ఇబ్బంది పెట్టకపోయినా మెల్లగా ముదిరి తీవ్ర ఇబ్బందులూ తెచ్చిపెట్టొచ్చు. కాబట్టి మలద్వారం వద్ద ఏదైనా ఇబ్బంది అనిపించినప్పుడు వైద్యులకు చూపించుకుని.. అసలా సమస్య ఏమిటో నిర్ధారించుకోవటం, సత్వరమే వాటికి చికిత్స తీసుకోవటం ఉత్తమం. ఉదాహరణకు భగందరాన్నే తీసుకుంటే.. మామూలుగా ఎవరికి వారు దీన్ని గుర్తుపట్టటం కష్టం. ఎందుకంటే మలద్వారం చుటుపక్కల ఎక్కడో.. చిన్న సెగగడ్డలా మొదలవుతుంది కాబట్టి చాలామంది దీన్ని అసలు మలద్వారానికి సంబంధించిన సమస్య అనే అనుకోకపోవచ్చు. కానీ అది వదలకుండా మళ్లీమళ్లీ వేధిస్తూనే ఉంటుంది. చివరకు పగిలి చీము-రక్తం వస్తోందనో.. బట్టలు ఖరాబవుతున్నాయనో.. ఎప్పుడో వైద్యుల వద్దకు వస్తుంటారు. ఇది ఇన్ఫెక్షన్‌ కాబట్టి దీన్ని సాధ్యమైనంత త్వరగా తగ్గించుకోవటం మంచిది. దీనికి సర్జరీ ఒక్కటే సరైన చికిత్స! దీనిలో కూడా చాలా రకాలుంటాయి. ఈ మార్గాల మూలాలను గుర్తించటం, కండర వలయాలు దెబ్బతినకుండా నైపుణ్యంతో చికిత్స చెయ్యటం ముఖ్యం.

ఏమిటీ ఫిస్టులా?
తేలిక భాషలో చెప్పాలంటే.. గోడలో పైనుంచి ఒక నీళ్ల గొట్టం వస్తోందనుకుందాం. ఆ గొట్టం ఎక్కడన్నా పగిలితే దాని నుంచి నీరు బయటకు లీకై.. అక్కడ గోడను పాడుచేసి.. ఏదోవైపు నుంచి బయటకు వస్తుంటుంది. ఒక రకంగా భగందరం కూడా అంతే. మలద్వారం నుంచి బయటకు 'దారులు' ఏర్పడటం, ఇవి చుట్టుపక్కల చర్మం మీద ఎక్కడో పైకి తేలటం ఈ సమస్యకు మూలం. ఇలా ఎందుకు జరుగుతుందో చూద్దాం.

మలద్వారం లోపలి గోడలకు కొన్ని గ్రంథులు (యానల్‌ గ్లాండ్స్‌) ఉంటాయి. ఇవి మల మార్గంలో జిగురులాంటి స్రావాలను విడుదల చేస్తూ.. మలవిసర్జన సాఫీగా జరిగేలా సహకరిస్తుంటాయి. వీటి మార్గాలు మలద్వారంలోకి తెరచుకొని ఉంటాయి. ఏదైనా కారణాన వీటి మార్గం మూసుకుపోతే వీటి నుంచి వచ్చే జిగురు స్రావాలు మలమార్గంలోకి రాకుండా లోపలే నిలిచిపోతాయి. మెల్లగా మలంలో ఉండే బ్యాక్టీరియా సూక్ష్మక్రిముల వంటివి దీనిలో చేరి చీము పడుతుంది. దీంతో ఇది చీముగడ్డలా (యానల్‌ ఆబ్సెస్‌) తయారవుతుంది. ఈ చీము బయటకు వచ్చే మార్గం లేక.. పక్కనున్న కండరాలను తొలుచుకుంటూ అక్కడి ఖాళీల మధ్య నుంచి క్రమంగా లోపల్లోపలే విస్తరించటం మొదలుపెడుతుంది. ఇది మెల్లగా మలద్వారం చుట్టుపక్కల ఎక్కడో చోటకు చేరుకుని.. అక్కడ పైకి సెగగడ్డలా కనబడుతుంది. దీనికి రంధ్రం పడితే ఇందులోంచి చీము బయటకు వస్తుంటుంది. అయినా పైన ఇన్ఫెక్షన్‌ సోకిన గ్రంథి అలాగే ఉంది కాబట్టి తిరిగి మళ్లీ మళ్లీ చీము వస్తూనే ఉంటుంది. అందుకే చీము బయటకు పోయినా.. సమస్యకు మూలం గ్రంథిలో ఉంది కాబట్టి, దాన్ని తొలగిస్తేనే ఫిస్టులా పూర్తిగా నయమవుతుందని గుర్తించాలి.
అసలా మలద్వార గ్రంథులు ఎందుకు మూసుకుపోతాయన్నది కచ్చితంగా చెప్పటం కష్టం. కొందరిలో మలబద్ధకం వంటివి, మరికొందరిలో ఇతరత్రా కారణాలూ దీనికి కారణం కావచ్చు. మొత్తమ్మీద ఈ సమస్య స్త్రీలలో కంటే పురుషుల్లో అధికం. వృద్ధులకూ రావచ్చుగానీ యువకుల్లో ఎక్కువ. ఒకసారి గ్రంథులకు చీముపట్టి, లోపల దారులు ఏర్పడిన తర్వాత.. దానంతట అదే మానటం కష్టం. ఆ ఫిస్టులా మార్గాన్ని శుభ్రం చేసి వదిలేసినా ఉపయోగం ఉండదు. ఇన్‌ఫెక్షన్‌ సోకిన గ్రంథి అలాగే ఉంటుంది కాబట్టి సమస్య మళ్లీమళ్లీ తిరగబెడుతూనే ఉంటుంది. సక్రమమైన చికిత్స తీసుకోకపోతే ఇది మానదు. నాటు విధానాలను ఆశ్రయిస్తే మల విసర్జన మీద పట్టు పోయే ప్రమాదం ఉండటం దీనితో ఎదురయ్యే పెద్ద ఇబ్బంది.

నిర్ధారణ ఎలా?
చీముగడ్డతో వచ్చినప్పుడు.. ముందుగా చీమును తొలగించి మార్గాన్ని శుభ్రం చేస్తారు. అక్కడి కండర కణజాలమంతా వాచి ఉంటుంది కాబట్టి నిపుణులైన వైద్యులు తప్పించి ఆ సమయంలో లోలపకు గొట్టం ప్రవేశపెట్టటం వంటివేవీ చెయ్యకూడదు. ఎందుకంటే ఆ గొట్టం వేరే భాగాల్లోకి చేరి, కొత్త మార్గాలను సృష్టించే ప్రమాదం ఉంటుంది. అందువల్ల చీమును తొలగించాక, అక్కడి కణజాలం వాపు వంటివన్నీ తగ్గిన తర్వాత.. పరీక్షలు చేసి ఫిస్టులాను కచ్చితంగా గుర్తిస్తారు.

* వేలితో పరీక్షించటం: ఫిస్టులాను చాలా వరకూ లక్షణాలను బట్టే గుర్తించొచ్చు. మలద్వారం బయటగానీ, లోపలికి గానీ వేలు పెట్టి చూస్తే రంధ్రం ఉన్న భాగం తగులుతుంది. నైపుణ్యాన్ని బట్టి మార్గం ఎక్కడికి వెళ్తుందో కూడా కొంతవరకూ తెలుసుకోవచ్చు.

* ఎండోయానల్‌ స్కాన్‌: సన్నగొట్టంలా ఉండే అల్ట్రాసౌండ్‌ పరికరాన్ని మలద్వారంలోకి పంపి పరీక్షిస్తారు. దీంతో ఫిస్టులా మార్గం లోపలికి తెరచుకొని ఉంటే గుర్తించొచ్చు. సాధారణంగా మలద్వార కండరాల్లో ఎక్కడా గాలి ఉండదు. ఒకవేళ గాలి ఉన్నట్టు తేలితే అక్కడ మార్గం ఉన్నట్టుగా గుర్తిస్తారు. ఇది చవకైన, తేలికైన పరీక్ష.

* ఎంఆర్‌ఐ: ఫిస్టులా దారులు మరీ సంక్లిష్టంగా ఉంటే ఎంఆర్‌ఐ స్కానింగు చెయ్యాల్సి ఉంటుంది. దీనిలో ఎన్ని దారులు ఎలా ఉన్నదీ స్పష్టంగా తెలుస్తుంది.

వీటి ఆధారంగా వైద్యులు లోపల మార్గం ఒకటే ఉందా? చాలా మార్గాలున్నాయా? అవి మలద్వారానికి దగ్గరగా, కిందగానే ఉన్నాయా? లేక పైనుంచి ఉన్నాయా? ముఖ్యంగా మల నియంత్రణకు ఉపయోగపడే కీలకమైన రెండు కండర వలయాలకు (స్ఫింక్టర్‌కు) ఇవి దగ్గరగా ఉన్నాయా? వాటి మధ్య నుంచి వస్తున్నాయా? ఎక్కడి నుంచి మొదలై ఎటు వెళుతున్నాయి? వంటివన్నీ గుర్తిస్తారు. చికిత్సకు ఇది ఏరకమన్నది గుర్తించటం చాలా కీలకం.
చికిత్స ఏమిటి?
సాధారణంగా భగందరం దానంతట అదే మానిపోవటమనేది ఉండదు. చాలాసార్లు దీనికి సర్జరీ తప్పదు. ఏ చికిత్స చేసినా ఇది మళ్లీ మళ్లీ రాకుండా పూర్తిగా మూసుకుపోయేలా చూడటం ముఖ్యం. రెండోది- ఈ చికిత్సా క్రమంలో మలవిసర్జనను నియంత్రించే రెండు కండరవలయాలూ (స్ఫింక్టర్లు) దెబ్బతినకుండా చూడటం మరింత ముఖ్యం. దీనికోసం ఎప్పటి నుంచో చేస్తున్న ప్రామాణిక సర్జరీ విధానాలతో పాటు ఇటీవలి కాలంలో కొత్తరకాలూ అందుబాటులోకి వచ్చాయి. భగందరం మార్గం ఎలా ఉంది? ఎక్కడి నుంచి ఉంది? స్ఫింక్టర్లకు దగ్గరగా ఉందా? వంటి అంశాలన్నింటినీ పరిగణనలోకి తీసుకుని వైద్యులు వీటిలో ఏ విధానం ఉత్తమమన్నది నిర్ధారిస్తారు.

* ఫిస్టులాటమీ: చాలకాలంగా అనుసరిస్తున్న, ఇప్పటికీ ప్రామాణికమైన విధానం ఇది. భగందరం మార్గం లోపలా బయటా స్పష్టంగా ఉన్నప్పుడు దాని గుండా గొట్టాన్ని పంపటం, మార్గం మొత్తాన్ని తెరవటం, శుభ్రం చేసి.. చీముపట్టిన గ్రంథిని తీసేసి.. వదిలేయటం ద్వారా దానంతట అదే మానేలా చూస్తారు. దీనివల్ల చాలాసార్లు బాగానే మానుతుంది. ఫిస్టులా మార్గం కండరంలో తక్కువ భాగానికే పరిమితమైనప్పుడు ఇది ఉత్తమమైన విధానం. ఈ విచక్షణ ముఖ్యం కాబట్టి నిపుణులైన వైద్యుల వద్ద చేయించుకోవటం ముఖ్యం.

* 'లిఫ్ట్‌' సర్జరీ: ఇటీవలి కాలంలో అందుబాటులోకి వచ్చిన ఈ 'లైగేషన్‌ ఆఫ్‌ ఇంటర్‌ స్ఫింక్టరిక్‌ ఫిస్టులా ట్రాక్ట్‌' పద్ధతితో మెరుగైన ఫలితాలు కనబడుతున్నాయి. మన మలద్వారం వద్ద అంతర, బాహ్య కండర వలయాలకు (ఇంటర్నల్‌, ఎక్స్‌టర్నల్‌ స్ఫింక్టర్లు) తోడు కటి-మలద్వార (ప్యూబోరెక్టాలిస్‌) కండరం కూడా ఉంటుంది. బాహ్య, అంతర కండర వలయాలు రెండూ ఒకదానితో మరోటి అనుసంధానమై పని చేస్తాయి. మలాన్ని పట్టి ఉంచటంలో కటి-మలద్వార కండరం ప్రధానమైంది. ఇది దెబ్బతింటే మల విసర్జనపై పట్టు పోతుంది. అందుకని ఇవేవీ దెబ్బతినకుండా.. ఈ లిఫ్ట్‌ పద్ధతిలో అంతర, బాహ్య కండర వలయం మధ్యలోంచి లోపలికి వెళ్లి, ఫిస్టులా మార్గాన్ని గుర్తించి.. దాన్ని మధ్యలో కత్తిరిస్తారు. రెండు వైపులా శుభ్రం చేసి, అటూఇటూ ముడివేసేస్తారు. ఈ ప్రక్రియతో ఫిస్టులా నయం కావటమే కాకుండా మల విసర్జన మీద పట్టు కూడా దెబ్బతినదు, 90% వరకూ మళ్లీ వచ్చే అవకాశాలు కూడా ఉండటం లేదని తాజా అధ్యయనాలు చెబుతున్నాయి.

* సీటన్‌ విధానం: కొన్ని రకాల ఫిస్టులాలకు- భగందర మార్గం లోపలి నుంచి దారం వంటిదాన్ని లోపలికి పంపి, మలద్వారం గుండా బయటకు తెచ్చి ముడివేసే విధానం బాగానే ఉపయోగపడుతుంది. క్రమేపీ బిగువుగా ముడి వేస్తూ.. కొన్ని నెలల సమయంలో మార్గం దానంతట అదే మానిపోయేలా చూడటం ఈ విధానం ప్రత్యేకత. క్షారసూత్రం పేరుతో మన దేశంలో కూడా ఈ విధానం చిరకాలంగా అమల్లో ఉంది. కండరం ఎంత భాగం ప్రభావితమైందో తెలియనప్పుడు తాత్కాలికంగా ఈ చికిత్స చేసి తర్వాత పూర్తిగా మానేలా చేయటానికి ఏ విధానాన్ని అనుసరించాలో నిర్ధరిస్తారు. ఏ రకం భగందరానికి ఇది బాగా ఉపయోగపడుతుందన్నది గుర్తించి చికిత్స చెయ్యటం కీలకం.

* ఫిబ్రిన్‌ గ్లూ: భగందర మార్గాన్ని శుభ్రం చేసి.. దానిలోకి జిగురువంటి పదార్ధాన్ని ఎక్కించి.. రెండు వైపులా కుట్టేస్తారు. దీనివల్ల తాత్కాలికంగా మార్గం మూసుకుపోయి మానినట్లే అనిపించినా దీర్ఘకాలంలో మళ్లీ వస్తున్నట్టు గుర్తించారు. అలాగే 'ఫిస్టులా ప్లగ్‌' అనే మరో విధానం కూడా ఉంది. దీనిలో జంతుచర్మం నుంచి తయారు చేసిన ప్లగ్‌ను అమర్చి మార్గాన్ని మూసేస్తారుగానీ వీటికి అయ్యే ఖర్చు ఎక్కువ, దీర్ఘకాలంలో మళ్లీ వచ్చే అవకాశం ఉంటోంది. అందుకని సర్జరీని తట్టుకోలేని వృద్ధులు, కండరాలు బాగా బలహీనపడిన వారికి దీనిని సిఫార్సు చేస్తుంటారు.

సర్జరీ తర్వాత..
ఆపరేషన్‌ తర్వాత వైద్యులు అవసరాన్ని బట్టి యాంటీబయాటిక్స్‌తో పాటు నొప్పి తెలియకుండా మందులు సిఫార్సు చేస్తారు. అలాగే మలవిసర్జన ఇబ్బంది లేకుండా సాఫీగా అయ్యేందుకు కూడా మందులు ఇస్తారు. ఇవాల్టిరోజున అందుబాటులో ఉన్న సమర్థ విధానాలతో సర్జరీ చేస్తే ఫిస్టులా మళ్లీ తిరిగి వచ్చే అవకాశాలు తక్కువనే చెప్పాలి.
స్త్రీలలో మరింత సమస్యాత్మకం!
కొందరు స్త్రీలకు భగందరం- యోని వద్ద ముందు భాగంలో తెరచుకొని ఉంటుంది. ఇది చాలా ప్రమాదకరమైంది. ఎందుకంట యోని వైపున కండర వలయం పల్చగా ఉంటుంది. రెండోది కాన్పు అయిన వారిలో ఈ కండరం మరింతగా సాగినట్త్లె దృఢత్వాన్ని కూడా కోల్పోయి ఉంటుంది. పురుషులతో పోలిస్తే వీరిలో మలంపై పట్టు కోల్పోయే ముప్పు మరింత ఎక్కువ. అందుకే స్త్రీలు, వృద్ధులకు సర్జరీ మరింత జాగ్రత్తగా చెయ్యాల్సి ఉంటుంది.

• ===============================

• Visit my website - > Dr.Seshagirirao.com/

ఫిషర్ , Fissure in ano

• 
  

• 
• 
  

ఫిషర్‌: ఫిషర్ అంటే మలద్వారం చర్మంపై పొడవాటి పగుళ్లు ఏర్పడడమే . ఈ వ్యాధి ఏ వయస్సు వారికైనా రావచ్చు. ఇది రావడానికి ముఖ్య కారణం మలబద్ధకం. మలద్వారం పగిలి ఫిషర్‌ వస్తుంది. ఈ వ్యాధి ఉన్నవారికి విపరీతమైన నొప్పి వస్తుంది. కొన్నిసార్లు రక్తం కూడా రావచ్చు. రక్తం ఒకటి, రెండు చుక్కలు మా త్రమే వస్తుంది. విరోచనాలు అయిన తర్వా త నొప్పి ప్రారంభమై మూడు, నాలుగు గం టల వరకు ఉంటుంది. కొన్నిసార్లు ఫిషర్‌ మలద్వారానికి ముందు వైపు, వెనుకవైపున కూడా ఉంటుంది. మరికొన్నిసార్లు ఫిషర్‌తో పాటు చర్మం కూడా ముందుకు చొచ్చుకు వస్తుంది. దీన్ని సింటినైన్‌పైల్‌ అంటారు.

మలవిసర్జన సమయంలో నొప్పి వస్తే ఏమీ కాదులే అనుకుంటూ చాలా మంది నిర్లక్ష్యం చేస్తారు. సమస్య తీవ్రమైతే కానీ డాక్టర్ దగ్గరకు పరుగెత్తరు. మలద్వారానికి పగుళ్లు ఏర్పడే ఈ ఫిషర్ వ్యాధి ప్రమాదకరం కాకపోయినప్పటికీ రోజువారీ జీవితాన్ని మాత్రం నరకప్రాయం చేస్తుంది. నిర్లక్ష్యం చేస్తూ ఆ బాధను భరించడం కంటే వెంటనే తగిన చికిత్స తీసుకోవడం శ్రేయస్కరం. దీనికి ఆయుర్వేదంలో మంచి చికిత్స అందుబాటులో ఉంది. మలద్వార ప్రాంతంలో రక్తసరఫరా తక్కువగా ఉండడం వల్లే అక్కడ పగుళ్లు ఏర్పడడానికి అనుకూలంగా ఉంటుంది.

లక్షణాలు
మలద్వారం కింది భాగం చాలా సున్నితమైనది. ఫిషర్ వచ్చిన వెంటనే ముందుగా మనకు కనిపించే లక్షణం, ఆ భాగంలో నొప్పిగా అనిపించడం. మల విసర్జన సమయంలో భరించలేనంత నొప్పి ఉంటుంది. ఈ నొప్పి గంట వరకూ అలానే ఉండి అకస్మాత్తుగా తగ్గిపోతుంది. ఒకవేళ ఫిషర్ తీవ్రంగా, చర్మంలోతు వరకూ ఉంటే మలద్వారంతోపాటు పెల్విస్‌లోనూ నొప్పి ఉంటుంది. అంతేకాదు మలవిసర్జన పూర్తి అయిన తర్వాత గంటల తరబడి ఆ నొప్పి అలాగే ఉంటుంది.

మలంలో రక్తం కనిపిస్తుంది. సమస్య తీవ్రమైతే వాపు, దురద కూడా ఉంటుంది.

రకాలు
ఫిషర్‌ను ఎక్యూట్, క్రానిక్ అని రెండు రకాలుగా వర్గీకరిస్తారు. సమస్య ఆరువారాల కాలవ్యవధిలోపైతే దాన్ని సాధారణమైనదిగాను, ఆరువారాలు దాటితే ఉధృతమైనదిగాను పరిగణిస్తారు. సమస్య ఉధృతమైతే మలద్వారంలో పగుళ్లు చాలాలోతు వరకూ ఉంటాయి.

కారకాలు
మలబద్దకమే దీనికి ప్రధాన కారణంగా చెప్పుకోవచ్చు. మలబద్దకం ఉన్న వాళ్లు మలవిసర్జన కోసం ఎక్కువగా కష్టపడడం వల్ల మలద్వారంపై ఒత్తిడి పెరిగి చర్మం చిట్లిపోతుంది.

ఎక్కువ సార్లు గర్భం దాల్చడం, దీర్ఘకాలంగా లాక్సాటివ్ మందులు వాడడం కూడా ఈ సమస్యకు దారి తీయవచ్చు.

పైల్స్‌కు శస్త్రచికిత్స సరిగ్గా చేయకపోవడం వల్ల కూడా వచ్చే అవకాశం ఉంది.

కొన్ని సందర్భాల్లో అంతర్గతంగా ఉండే అల్సరేటివ్ కొలైటిస్, సుఖ వ్యాధులు, క్యాన్సర్ కూడా దీనికి కారణమవుతాయి.

పాటించాల్సినవి-పాటించకూడనివి
నీరు ఎక్కువగా తాగాలి. జంక్ ఫుడ్, ఉప్పు, కారం అధికంగా ఉండే ఆహార పదార్థాలు తగ్గించాలి. ఫైబర్ అధికంగా ఉండే ఆహారం తీసుకోవాలి.

పడుకునే ముందు ఒకగ్లాసు వేడి పాలను తాగడం వల్ల మర్నాడు ఉదయం మలవిసర్జన సాఫీగా అవుతుంది.

మలబద్దకం ఉన్నవారు వేడి పాలలో కొంచెం ఆముదం కలుపుకుని తాగవచ్చు.

రోజులో మూడుసార్లు వేడినీళ్లలో నిమ్మరసం కలుపుకుని తాగితే మలబద్దకం సమస్య తగ్గిపోతుంది.

మలబద్దకం ఉన్నవారు తేలికగా జీర్ణమయ్యే పండ్లు, కాయగూరలు, సలాడ్లు, తాజా ఆహార పదార్థాలు తీసుకోవడం మేలు చేస్తుంది.

• =======================================

Visit my website - > Dr.Seshagirirao.com/

అతిగా కూచున్నా అరిష్టమే ,Longtime siting not good for health.

• 
  

• 
• 
  

అతి సర్వత్ర వర్జయేత్‌ అంటారు. అదేపనిగా కూచోవటానికీ ఇది వర్తిస్తుందని మీకు తెలుసా? విశ్రాంతి సమయాల్లోనైనా ఎటూ కదలకుండా అదేపనిగా గంటల తరబడి కూచోవటం మంచిది కాదని తాజా అధ్యయనంలో వెల్లడైంది మరి. దీంతో త్వరగా మరణం ముంచుకొచ్చే ప్రమాదమూ ఉంది. అమెరికన్‌ క్యాన్సర్‌ సొసైటీ శాస్త్రవేత్తలు దాదాపు 1.20 లక్షల మందిని పరిశీలించి ఈ సంగతిని గుర్తించారు.

విశ్రాంతి సమయాల్లో రోజుకి మూడు గంటల సేపు కూచునేవారితో పోలిస్తే.. ఆరు గంటల పాటు కూచునే వారు ముందే మరణిస్తున్నట్టు అధ్యయనంలో బయటపడింది. ఇది పురుషుల్లో కన్నా మహిళల్లోనే ఎక్కువగా ఉంటోంది కూడా. శారీరక శ్రమ, బాడీమాస్‌ ఇండెక్స్‌, పొగ తాగే అలవాటు వంటి వాటితో ప్రమేయం లేకుండానే ఇది సంభవిస్తుంటం గమనార్హం. ఎక్కువసేపు కూచోవటం వల్ల అధికంగా తినటం వంటి అనారోగ్యకర అలవాట్ల బారినపడే ఆస్కారముంటుందని, వీటివల్లే మరణం ముప్పు ముంచుకు వస్తుండొచ్చని శాస్త్రవేత్తలు భావిస్తున్నారు. అలాగే జీవక్రియల దుష్ప్రభావాలు కూడా ఇందుకు దోహదం చేస్తుండొచ్చని చెబుతున్నారు. అందుకే రోజు మొత్తమ్మీద కూచునే సమయాన్ని తగ్గించటం, శారీరక శ్రమను ప్రోత్సహించటం అవసరమని సూచిస్తున్నారు.

కదలకుండా కూరునినే చేసే ఉద్యోగాలయితే " కడుపులో చల్ల కదలకుండా ఉంటాయని " గతం లో పెద్దలు అనేవారు . చల్ల కదలకపోవడము , కదడాల సంగతి పక్కన పెడితే కొవ్వుపేరుకు పోవడము మాత్రం ఖాయము . చేసే వృత్తి ఉద్యోగాలమీద మహా ప్రేమవున్న వారు సైతము అలాడెస్క్ లకు అతుక్కుపోయి కూర్చోకూడదని పరిశోధకులు పేర్కోంటున్నారు . ఇలా గంటల కొద్దీ కదలకుండా కూర్చుండిపోతే ఆరోగ్యము పాడౌతుంది .

45 -65 సం.రాల నడుమగల 63 వేలమంది పై విస్తృత అధ్యయనాలు నిర్వహించారు . 4 గంటల్కకంటే తక్కువ , 4-6 గంటలు , 6-8 గంటలు , 8 గంటలు కంటే ఎక్కువ కూర్చునే స్థితిగతులపై అధ్యయనము చేసారు. ఎక్కువసేపు కూర్చునే వారిలో దీర్ఘకాలిక వ్యాధులు పెరిగినట్లు గుర్తించారు. 6 గంటలు కూర్చున్నచోటనిండి కదలకుండా ఉన్నవారికి డయాబిటీస్ వచ్చే అవకాశాలు ఎక్కువ . ఇక 8 గంటలు కూర్చునే వారికి రిష్క్ మరీ ఎక్కువ ఉన్నట్లు గుర్తించారు. ఇది ఆఫీషులో కూర్చున్నవారికే కాదు గంటలకొద్దీ డ్రైవింగ్ చేసే వారికీ వర్తిస్తుంది . శారీరంగా తక్కువ చురుకుదనము గలవారికి , చురుకుదనము ఎక్కువగా గలవారికంటే దీర్ఘాకాలిక వ్యాధులు వచ్చే అవకాశము ఎక్కువ కావున వీలైనన్ని సార్లు కూర్చున్నచోటనుండి లేచి అటూ ఇటూ కొన్ని నిముషాలు నడవడము ముఖ్యము .

కూర్చునే సమయము దీర్ఘ్కాలికవ్యాధులు పెరగడానికి కారణమవుతాయా, వ్యాధులు కూర్చునే సమయాన్ని ప్రభావితం చేస్తాయా అన్నది పరిశోధకులు స్పస్టముగా పేర్కొనలేదుగాని , మొత్తము మీద ఈ రెండింటికి లింక్ ఉన్నట్లు నిర్ధారించారు .

నివారణోపాయాలు : 

మధ్య మధ్యలో  లేచి , ప్రతిగంటకు ఒకసారి 2-3 నిముషాలు అటు ఇటూ తిరగాలి ,
ఎలివేటర్ కు బదులుగా మెట్లు ఎక్కాలి ,
ఆఫీషుకు మరీ దూరము కాకపోతే నడిచి వెళ్ళాలి,
కొన్ని సింపుల్ డెస్క్ ఎక్సరసైజ్ లు  అనగా మన ఫీల్స్ మనమే మోసుకోవడము , మనకు కావలసినవి మనమే తెచ్చుకోవడము , మన బెంచీని , కుర్చీని, టేబుల్ ని మనమే క్లీనింగ్ చేసుకోవడము మున్నగు పనులు చేసుకోవాలి .

• ===============================

Visit my website - > Dr.Seshagirirao.com/

ఈత-మంచి వ్యాయామం,Swimming-good exercise

• 
  

• 
• 
  

శరీరాకృతిని తీర్చిదిద్దటంలో ఈతను మించిన వ్యాయామం మరోటి లేదంటే అతిశయోక్తి కాదేమో. ఎందుకంటే కొద్దిదూరం ఈదినా శరీరంలోని అన్ని ముఖ్యమైన కండరాలు పాలు పంచుకుంటాయి. దీంతో శరీరానికి మంచి వ్యాయామం లభిస్తుంది. ఇక వేగం కూడా పెంచితే ఏరోబిక్‌ వ్యాయామం చేసినట్టే. ఈత కొవ్వును కరిగింటచంలోనూ బాగా తోడ్పడుతుంది. మనకు సాధ్యమైనంత వేగంతో ఈదొచ్చు, లేదంటే నెమ్మదిగా కదలొచ్చు. కావాలంటే అలా చాలాసేపు సాగొచ్చు కూడా. కొవ్వును కరిగించే వ్యాయామాల్లో ఇలా శక్తిని క్రమంగా ఖర్చు చేస్తుండటం చాలా కీలకమైన విషయమని గుర్తించుకోవాలి. ఈదుతున్నప్పుడు మనం శరీర బరువుని మోయాల్సిన పనిలేదు. దీంతో కీళ్ల మీద ఒత్తిడీ పడదు. మోకాళ్లు, తుంటి, వెన్నెముకల మీద బరువు వేయకుండానే వ్యాయామం అయిపోతుంది. నడుంలోతు నీటిలో ఈదితే కీళ్ల మీద పడే ఒత్తిడి 50 శాతం, ఛాతీలోతు నీటిలో ఈదితే 75 శాతం వరకు తగ్గుతుందని అధ్యయనాల్లో వెల్లడైంది. గాయాల కారణంగా నడవటం, పరుగెత్తటం వంటివి చేయలేనివారికీ ఈత మంచి వ్యాయామమే. అయితే ఈత ఎంతమంచి వ్యాయామమే అయినా.. బరువును మోయటంతో పనిలేకపోవటం వల్ల ఆస్టియోపోరోసిన్‌తో ఎముకలు గుళ్లబారేవారికి అంతగా ప్రయోజనం ఉండదు. ఇలాంటివారు ఇతర రకాల వ్యాయామాలు ఎంచుకోవటం మంచిది.

================================
Visit my website - > Dr.Seshagirirao.com/

పిల్లలు కంప్యూటర్‌ గేమ్స్‌ ,Children and Computer-Games

• 
  

• 
• 
  

మీ పిల్లలు కంప్యూటర్‌ గేమ్స్‌ ఆడుతున్నారా? అయితే జాగ్రత్తగా ఉండటం అవసరమని నిపుణులు సూచిస్తున్నారు. పిల్లల్లో ఈ అలవాటు త్వరగా వ్యసనంలా మారే ప్రమాదమే కాదు.. దాంతో దుష్ఫ్రభావాలూ కలిగే అవకాశం ఉందని హెచ్చరిస్తున్నారు. కంప్యూటర్‌ గేమ్‌లు పిల్లలకు దెబ్బలు తగలకుండా, వినోదం కలిగించే మాట నిజమే గానీ.. ఇతర ఆటల ద్వారా కలిగే సమష్టితత్వం, శారీరక దారుఢ్యం వంటి ప్రయోజనాలేవీ ఉండవని చెబుతున్నారు. ప్రస్తుతం కంప్యూటర్‌ గేమ్‌లకు అతుక్కుపోవటాన్ని ఒక వ్యసనంలా గుర్తించకపోయినప్పటికీ వీటికి ఆకర్షితులవుతున్న పిల్లల సంఖ్య పెరిగిపోతుండటం పట్ల నిపుణులు, వైద్యులు ఆందోళన వ్యక్తం చేస్తున్నారు. వీటితో పిల్లలు ఏకాకులుగా మారతున్నారని.. కుటుంబ సభ్యులతో గడపటం, వినోద కార్యక్రమాలకు దూరంగా ఉండిపోతున్నారని భయపడుతున్నారు.


ప్రస్తుతం ఎంతోమంది పిల్లలు రోజులో 6 నుంచి 8 గంటలసేపు కంప్యూటర్‌ గేమ్‌ల్లో మునిగిపోవటం సాధరణమైపోతోంది. దీంతో కొందరిలో దుష్ఫ్రభావాలూ తలెత్తే అవకాశమూ ఉంది. వాటిల్లో కొన్ని..
* మణికట్టు వద్ద కండరాల నొప్పి
* మెడనొప్పి
* కుంగుబాటు
* భావోద్రేకాల్లో మార్పులు
* గేమ్‌లను ఆడొద్దంటే కోపంతో రెచ్చిపోవటం
* కుటుంబంలో, బయటా జరితే ఇతర కార్యక్రమాల్లో పాల్గొనకపోవటం
* స్నేహితులతో చనువుగా మెలగకపోవటం
* భోజనం కూడా తమ గదిలోనే కానిచ్చేయటం
* హోంవర్క్‌ పూర్తి చేయకపోవటం
* తరగతుల్లో పాఠాల పట్ల శ్రద్ధ చూపకపోవటం


కంప్యూటర్‌ గేమ్‌ల్లో మునిగిపోయిన పిల్లలు నలుగురిలోకి రావటానికి సిగ్గుపడుతున్నా, ఆందోళనతో కనిపిస్తున్నా ముప్పు పొంచి ఉన్నట్టేనని నిపుణులు చెబుతున్నారు. మున్ముందు ఇవి వారి మానసిక ఎదుగుదలలో ఇబ్బందులు తెచ్చిపెట్టే అవకాశం ఉంది. అందుకే కంప్యూటర్‌ గేమ్‌లకు పిల్లలు ఎక్కువగా అతుక్కుపోతున్నట్టు గమనిస్తే వాటి నుంచి దృష్టి మళ్లించటానికి వెంటనే తల్లిదండ్రులు తగు జాగ్రత్తలు తీసుకోవాలని సూచిస్తున్నారు.
* ఇలాంటి పిల్లలతో తల్లిదండ్రులు ఎక్కువసేపు మాట్లాడుతుండాలి.
* కంప్యూటర్‌ వాడకంలో ముందే పరిమితి విధించాలి.
* అందరూ తిరిగే ప్రాంతంలోనే కంప్యూటర్‌ను ఉంచాలి.
* అప్పుడప్పుడు పిల్లలు ఏం చేస్తున్నారన్నదీ గమనిస్తుండాలి.
* కొన్నిసార్లు పిల్లలు ఆడే ఆటల్లో పాలుపంచుకోవటమూ మంచిదే.
* పిల్లలతో కలిసి తరచూ షికార్లకు వెళ్తుండాలి.

• =====================================

Visit my website - > Dr.Seshagirirao.com/http://dr.seshagirirao.tripod.com/

Melasam, Black spots on Face , మంగు,నల్లశోబి

• 
  

-

• In males

• 
• in Females

మన ప్రమేయం లేకుండానే.. ముఖం మెల్లగా అక్కడక్కడ వివర్ణమైపోతుంటుంది. ముదురు రంగులో రకరకాల ఆకారాలు ముఖాన్ని ఆక్రమించేస్తుంటాయి. ఇతరత్రా ఏ ఇబ్బందీ పెట్టని ఈ మచ్చలు.. మనసులో మాత్రం పెద్ద సునామీనే సృష్టిస్తాయి. ఎందుకిలా? వీటితో నలుగురిలోకి వెళ్లేదెలా..? ఈ మచ్చల బెడద వదలించుకునేదెలా?

నిజానికి ఈ 'మంగు' మచ్చలను నిర్ధారించటానికి పెద్దపెద్ద పరీక్షలేం అవసరం లేదు. వైద్యులు చూస్తూనే సులభంగా పట్టుకుంటారు కానీ.. వీటిని పూర్తిగా నయం చెయ్యటం మాత్రం అంత సులభం కాదు. వీటికి ఎన్నో రకాల చికిత్సా విధానాలున్నాయి. వీటితో కొద్దిమందికి మచ్చలు పూర్తిగా పోయినా.. చాలామంది విషయంలో మచ్చల రంగు, తీవ్రత తగ్గించటం మాత్రమే సాధ్యం కావచ్చు. మొత్తానికి ఈ 'మంగు' మచ్చల విషయంలో 'ఓర్పు' మాత్రం చాలా అవసరం.
మంగు బాధితుల్లో 90% మంది మహిళలే. ఇది పురుషుల్లోనూ కనిపిస్తుంది కానీ.. మహిళలతో పోలిస్తే వీరిలో తక్కువ.
మంగు చిన్న పిల్లల్లో.. అంటే రజస్వలకు ముందు కనిపించదు. 30-40 ఏళ్ల వయసులో, మళ్లీ ముట్లు నిలిచిపోయే దశలో ఉన్న వారిలో ఎక్కువగా కనిపిస్తుంది.
సాధారణంగా గర్భిణుల్లో మరీ ఎక్కువగా కనిపిస్తుంటాయి. అందుకే వీటిని 'మాస్క్‌ ఆఫ్‌ ప్రెగ్నెన్సీ' అనీ అంటారు.
మంగు వల్ల కేవలం మచ్చల బెడద తప్పించి ఇతరత్రా మంట, దురద వంటి బాధలు, లక్షణాలేమీ ఉండవు. కాకపోతే చూడటానికి ముఖం మీద మచ్చలు ఎబ్బెట్టుగా, ఇబ్బందిగా కనబడతాయి కాబట్టి చాలామంది అంద వికారంగా తయారవుతున్నామేమిటా? అని మానసికంగా ఆందోళనకు లోనవుతుంటారు.
ముఖాన మచ్చలను చూస్తూనే... అవేమిటో గుర్టుపట్టెయ్యచ్చు! అదే మంగు ప్రత్యేకత. ఈ మచ్చలనే వైద్య పరిభాషలో 'మెలాస్మా' అంటారు. (గ్రీకులో 'మెల్‌' అంటే నలుపు, 'ఆస్మా' అంటే రంగు అని. దాన్నుంచి వచ్చిందే ఈ పదం!) ఈ రకం మచ్చలు స్త్రీలలో ఎక్కువ. గర్భిణుల్లో కనిపించే ఈ మచ్చలు కాన్పు అయిన తర్వాత తగ్గొచ్చు.. అయితే ఆ తర్వాత కాలంలో మళ్లీ రావచ్చు కూడా. మంగు మచ్చలు తెల్లవారిలో కంటే మనలాంటి నల్ల జాతీయుల్లోనే ఎక్కువగా కనిపిస్తుంటాయి. మన ప్రాంతంలో మంగు చాలా తరచుగా కనిపిస్తుంటుంది.

ఎందుకు వస్తుంది?
మంగు రావటానికి మూడు ప్రధానమైన కారణాలున్నాయి...
1. జన్యు సంబంధ కారణాలు: మంగు రావటానికి ముఖ్యంగా చెప్పుకోవాల్సిన కారణం.. చర్మానికి ఎండ తగలటం. అలాగని ఇది ఎండలో తిరిగిన అందరికీ రాదు. కాబట్టి దీనికి జన్యుసంబంధ కారణాలూ దోహదం చేస్తాయి.

2. ఎండ తగలటం: ఎంతోకొంత ఎండ తగలకపోతే మంగు రాదు. చాలామంది 'మేం బయటకు ఎక్కడికీ వెళ్లటం లేదు కదా. ఎందుకొస్తుంది?' అని పొరపడుతుంటారు. కానీ మనకు తెలియకుండా, అనుకోకుండా కూడా సూర్యరశ్మి ప్రభావానికి గురవుతుంటాం. కేవలం ఒకరోజు ఎండ తగిలినా మెలాస్మా రావొచ్చు. యాత్రలకు వెళ్లినపుడో, దూరప్రాంతాలకు పోయినప్పుడో సూర్యరశ్మి తగలొచ్చు. కొందరు సముద్ర తీర ప్రాంతాలకు విహారానికి వెళ్తుంటారు. అలాంటి సమయంలో నీళ్లు, సూర్యరశ్మిలోని అతినీలలోహిత కిరణాలు.. రెండూ కలిసి వీటి ప్రభావంతో త్వరగా మంగు మచ్చలు వచ్చే అవకాశం ఉంటుంది. ఎండలో తిరగటమంటే కేవలం వేసవిలోనే అని భావించాల్సిన పని లేదు. మబ్బుగా ఉన్న రోజుల్లో కూడా పగటి వెలుతురులోనూ అతినీలలోహిత కిరణాలు (విజిబుల్‌లైట్‌, యూవీ-ఏ, యూవీ-బీ) ఉంటాయి.మంగుకు ఇవన్నీ కారణం కావచ్చు.

3. హార్మోన్ల ప్రభావం: మంగు విషయంలో ముఖ్యంగా చెప్పుకోవాల్సిన కారణం హార్మోన్లు. మన శరీరంలో స్త్రీ హార్మోన్త్లెన ఈస్ట్రోజెన్‌, ప్రొజెస్టిరాన్ల మధ్య సమతౌల్యం తప్పినప్పుడు.. మంగు వచ్చే అవకాశం ఎక్కువ. గర్భనిరోధక మాత్రలు వేసుకునే వారిలో మంగు ఎక్కువగా కనిపించటానికి కూడా కారణం ఇదే. అలాగే ముట్లుడిగిపోయే వయసులోనూ స్త్రీశరీరంలో హార్మోన్ల మధ్య సమతౌల్యం మారిపోతుంది, ఫలితంగా మంగు ఎక్కువగా కనిపిస్తుంది. ఈ హార్మోన్ల వ్యత్యాసం, దీనికి సూర్యరశ్మి, జన్యు కారణాలు కూడా ఒకదానికి ఒకటి తోడైతే మంగు త్వరగా వస్తుంది.

ఇవి కాకుండా..
* కొన్నిరకాల మందులు కూడా 'మంగు' మచ్చలు రావటానికి కారణమవుతాయి. మూర్ఛ, క్యాన్సర్‌, మానసిక సమస్యలకు వాడే కొన్ని మందుల వల్ల కూడా మంగు వస్తుంది. టెట్రాసైక్లిన్‌, నొప్పి తగ్గటానికి వాడే కొన్నిరకాల మందులతోనూ ఇవి రావొచ్చు. అయితే ఈ మందులతో పాటు సూర్యరశ్మి ప్రభావం తోడైనప్పుడే మంగు రావటానికి ఆస్కారం మరింతగా ఉంటుంది. థైరాయిడ్‌, గర్భాశయ కణుతుల వంటి సమస్యలున్న వారికీ రావచ్చు.
* సౌందర్య సాధనాల వల్ల కూడా మంగు రావచ్చన్నది కొందరి అభిప్రాయం. అయితే దీన్ని సాధారణంగా 'ఫొటో కాంటాక్ట్‌ డెర్మటైటిస్‌'గా భావిస్తుంటారు.
* కొందరిలో హార్మోన్లు, ఎండ, జన్యు కారణాల వంటివేవీ లేకుండా కూడా మంగు కనబడుతుంటుంది, దీనికి పైకి కనిపించకుండా ఏర్పడే హార్మోన్ల వ్యత్యాసం వంటివి కారణమవుతాయి.
* కొందరు ముఖానికి వెల్లుల్లి/నిమ్మరసం వంటివి రాసుకుంటూ ఉంటారు, వాటివల్ల 'పిగ్మెంటేషన్‌' పెరిగి.. నల్లమచ్చలు రావచ్చు. వాటిని మంగు మచ్చలుగా పొరబడే అవకాశం ఉంటుంది.
మచ్చల్లో మూడు రకాలు
శరీరం మీద మచ్చలు వచ్చే ప్రాంతాన్ని బట్టి 'మంగు' ప్రధానంగా 'సెంట్రో ఫేషియల్‌', 'మాలార్‌', 'మాండిబ్యులర్‌' అని 3 రకాలు.
* సెంట్రో ఫేషియల్‌: ఇది ముక్కు, ముక్కుకు ఇరువైపులా చెక్కిళ్ల దగ్గర, వీటితో పాటు నుదురు, ఒకోసారి పెదవుల పైభాగంలోనూ కూడా వస్తుంటుంది. ముక్కు-చెక్కిళ్ల ప్రాంతంలో ఈ మచ్చలు సీతాకోక చిలుక ఆకారంలో కనిపించటం వల్ల దీనిని 'బటర్‌ఫ్త్లె రాష్‌' అనీ అంటారు.
* మాలార్‌: కొందరికి ఇది కేవలం చెక్కిళ్ల కిందనే వస్తుంది.
* మాండిబ్యులార్‌: ఈ రకం మంగు దవడల ప్రాంతంలో వస్తుంది.
మంగు మచ్చలు చాలా వరకూ ముఖం మీదే వచ్చినప్పటికీ కొందరికి మెడ మీద, ఛాతీ మధ్య భాగంలో కూడా వస్తాయి. అరుదుగా ముంజేతుల మీదా కనిపిస్తుంది.

రంగుల్లో మూడు రకాలు..
* చాలామందికి గోధుమ రంగులో గానీ, గోధుమ.. నలుపు కలగలిసిన రంగులో గానీ వస్తాయి. * కొందరికి బూడిద రంగులోనూ ఉండొచ్చు. * మరికొందరికి బూడిద, నీలం కలిసిన రంగులో ఉంటాయి. ఇలాంటి వారిలో మంగు చర్మం లోపలి పొరల నుంచీ ఉందని అర్థం.

లోతులోనూ మూడు రకాలు
* ఎపిడెర్మల్‌ మెలాస్మా: వీరిలో మచ్చ కేవలం చర్మం పైపొర మీదే ఉంటుంది. * డెర్మల్‌ మెలాస్మా: ఇది చర్మం కింది పొరలోనూ ఉంటుంది. * డెర్మో, ఎపిడెర్మల్‌ మెలాస్మా: ఇది రెండు పొరల్లోనూ కలగలసి ఉంటుంది.

ఎలా గుర్తిస్తారు?
మంగు మచ్చలను చూస్తూనే వైద్యులు గుర్తుపట్టేస్తారు. ఇక మచ్చలు ఏ స్థాయిలో ఉన్నాయన్నది తెలుసుకోవటానికి 'వుడ్స్‌ ల్యాంప్‌' అనే పరికరం బాగా ఉపయోగపడుతుంది. దీని కింద చూసినపుడు మంగు మచ్చలు పైపైపొరల్లోనే ఉన్నాయా? కింది నుంచీ ఉన్నాయా? అన్నది తెలుస్తుంది.

చికిత్స
1. సూర్యరశ్మికి దూరంగా ఉండటం: మెలాస్మా చికిత్సలో ఇది అతి ముఖ్యమైంది. ఎండకు దూరంగా ఉండకపోతే మంగు మచ్చలను తగ్గించటం కష్టమనే చెప్పాలి.
2. సన్‌స్క్రీన్‌ లోషన్లు: సూర్యరశ్మిలోని వెలుతురు, యూవీ-ఏ, యూవీ-బీ వంటి వాటన్నింటినీ రక్షణ కోసం 'బ్రాడ్‌ స్పెక్ట్రమ్‌ సన్‌స్క్రీన్‌' లోషన్లు బాగా ఉపయోగపడతాయి. ఈ లోషన్లు రాసుకోకుండా ఎలాంటి చికిత్స చేసినా ప్రయోజనం ఉండదు. వీటిలో టైటానియమ్‌ డయాక్సైడ్‌, జింక్‌ ఆక్సైడ్‌లు అనే సన్‌స్క్రీన్స్‌ ముఖ్యమైనవి. ఇవేకాకుండా కెమికల్‌ సన్‌స్క్రీన్స్‌ కూడా అందుబాటులో ఉన్నాయి. ఫిజికల్‌ సన్‌స్క్రీన్స్‌ రాసుకుంటే తెల్లగా పైకి కనిపిస్తాయి. జిడ్డుగా ఉంటాయి. అదే కెమికల్‌ సన్‌స్క్రీన్స్‌ పైకి కనిపించవు గానీ 2-3 గంటల సేపే పనిచేస్తాయి. ఫిజికల్‌ సన్‌స్క్రీన్స్‌ 4-6 గంటల పాటు.. కొన్నిసార్లు 8 గంటల వరకూ పనిచేస్తాయి. ఇప్పుడు రెండింటినీ కలిపి కొత్తరకం సన్‌స్క్రీన్స్‌ని కూడా తయారు చేస్తున్నారు. వీటిని ప్రతి 3-4 గంటలకు ఓసారి రాసుకోవాలి. బయటకు వెళ్లటానికి అరగంట ముందే రాసుకోవాలి. ఎక్కువసేపు బయట గడపాల్సి వస్తే రెండు, మూడుసార్లు రాసుకోవాల్సిన అవసరం ఉంటుంది. ఎండ తీవ్రంగా ఉండే సమయాల్లో బయటకు వెళ్లకుండా జాగ్రత్త పడటం చాలా అవసరం.
3. బ్లీచింగ్‌ ఏజెంట్స్‌: ముదురు రంగు తీవ్రతను తగ్గించే రసాయనాలివి. వీటిల్లో హైడ్రోక్వినోన్‌ అనే క్రీము ఎక్కువగా వాడకంలో ఉంది. అయితే వీటిని ఎక్కువగా రాసుకుంటే ఆ భాగంలో తెల్లటి మచ్చలు వచ్చే ప్రమాదం కూడా ఉంటుంది. అందుకే వైద్యుల పర్యవేక్షణలోనే, చెప్పినట్టుగానే వాడుకోవాలి.
* అజెలాయిక్‌ యాసిడ్‌, కోజిక్‌ యాసిడ్‌లతో చేసిన క్రీములు కూడా బాగా పనిచేస్తాయి. ఇప్పుడు వీటిల్లో విటమిన్‌ సి, విటమిన్‌ ఇ, బెర్రీ పళ్ల సారం కలిపినవీ దొరుకుతున్నాయి. ఇంకా అధునాతన క్రీములు ఉన్నప్పటికీ అవన్నీ వైద్యుల పర్యవేక్షణలోనే వాడాలి.
* స్టిరాయిడ్‌ క్రీమ్స్‌ని వాడటం అంత మంచిది కాదు. వీటితో మొదట్లో మంగు తగ్గినట్టు అనిపించినా ఆ తర్వాత మళ్లీ ఉద్ధృతంగా.. దాడి చేసినట్టుగా వచ్చేస్తుంది.
4. కెమికల్‌ పీల్స్‌: ప్రధానంగా ఇవి కూడా రసాయనాలే. వీటిని రాసి, కొంతసేపు ఉంచి తర్వాత తొలగించాల్సి ఉంటుంది. కెమికల్‌ పీల్స్‌ను కూడా బ్లీచింగ్‌ ఏజెంట్స్‌గా వాడుతున్నారు. వీటిల్లో సింగిల్‌ పీల్‌, కాంబినేషన్‌ పీల్‌, కాక్‌టెయిల్‌ పీల్‌, సీక్వెన్షియల్‌ పీల్‌.. ఇలా రకరకాలున్నాయి. ఏ రకం పీల్‌ దేనికి ఉపయోగపడుతుంది? ఎంతసేపు ఉంచుకోవాలనేది వైద్యులు అనుభవం ద్వారా గుర్తించి, సూచిస్తారు.
* పీల్స్‌ను ఎక్కువగా వాడితే ఆ భాగం మరీ తెల్లగా (బొల్లి మచ్చల్లా) అయ్యే ప్రమాదం కూడా ఉంది. పైగా వీటితో కొన్నిసార్లు దురద, మంట (కాంటాక్ట్‌ డెర్మటైటిస్‌, కాంటాక్ట్‌ అలర్జిటిక్‌ డెర్మటైటిస్‌) వంటి దుష్ప్రభావాలు కూడా ఉంటాయి. కొందరికి రాసినంత మేరా చర్మం చాలా సున్నితంగా కూడా తయారవ్వచ్చు.
* హెర్పిస్‌ సింప్లెక్స్‌, చర్మం మీద దళసరి కీలాయిడ్స్‌ వచ్చే స్వభావం ఉన్నవారు ఈ కెమికల్‌ పీల్స్‌ను వాడరాదు.
5. డెర్మాబ్రేజన్‌: ఇందులో ప్రత్యేక పరికరాలతో చర్మం మీది పైపొరలను గీరేసినట్టుగా తొలగిస్తారు (డెర్మాబ్రేజన్‌). ఇది మెలనోసైట్స్‌ను దెబ్బతీసే అవకాశం ఉంది కాబట్టి చాలా జాగ్రత్తగా వాడాలి. లేకపోతే రంగు మరింతగా ముదిరే ప్రమాదం ఉంది. ఇది మన భారతీయుల చర్మాలకు అంతగా ఉపయోపడదు.
6. లేజర్‌: వీటిల్లోనూ చాలా రకాలున్నాయి. ఎపిడెర్మల్‌ మెలాస్మాలోనే లేజర్లు బాగా ఉపయోగపడతాయి. డెర్మల్‌ మెలాస్మా, మిక్స్‌డ్‌ మెలాస్మాకు కష్టం. పైగా ఇవి భారతీయుల్లో తిరిగి రంగు ముదిరేలా (పిగ్మెంటేషన్‌) చేస్తాయి. తెల్ల చర్మం గల వారిలో మాత్రం జాగ్రత్తగా వాడితే ఫలితం ఉంటుంది. మంగు చికిత్సలో లేజర్లను ముందుగా వాడటం ప్రమాదం. ఇతరేతర చికిత్సలతో ఫలితం కనబడనప్పుడు, చివరి దశలోనే దీనిని ఉపయోగించాలి.
ఓర్పు ప్రధానం
మంగును సంపూర్ణంగా నయం చేసే పూర్తిస్థాయి చికిత్స ఏదీ ఇప్పటి వరకూ అందుబాటులో లేదు. కాకపోతే ఆ మచ్చల రంగు, తీవ్రత బాగా తగ్గిపోయేలా చేసే చికిత్సలు మాత్రం చాలా ఉన్నాయి. కొన్నిసార్లు తగ్గిపోయిన తర్వాత రెండేళ్లకో, మూడేళ్లకో మళ్లీ వచ్చే అవకాశమూ ఉంటుంది. కాబట్టి ఈ చికిత్స తీసుకునే వారికి ఓర్పు చాలా అవసరం.
* మెలాస్మా కేవలం 5 శాతం మందిలోనే పూర్తిగా తగ్గుతుంది. గర్భం వచ్చినపుడు వచ్చే మంగు మచ్చలు కొందరిలో కాన్పు తర్వాత వాటంతట అవే పోతాయి.
* చాలామందిలో మంగు మచ్చలు 50-60 శాతం వరకు తగ్గుతాయి. మచ్చలు పైకి పెద్దగా, ఎబ్బెట్టుగా కనబడకుండా చికిత్స చేయటం సాధ్యమే. దీంతో చాలామంది, చాలావరకూ సంతృప్తి పడతారు.
* ఈ చికిత్సలు వేటితోనూ సంతృప్తికర ఫలితం లేకపోతే కొన్నిసార్లు మచ్చలు చర్మం రంగులో కలిసిపోయినట్టు కన్పించేలా చేసే పైపూతలనూ వాడుకోవచ్చు.

జీవన శైలి
* టమోటా, క్యారెట్‌, దోసకాయ, ద్రాక్ష, రేగు, నేరేడు, దబ్బపండ్ల వంటివి ఎక్కువగా తినటం మంచిది. వీటిల్లోని లైకోపేన్‌, విటమిన్లు, పండ్ల ఆమ్లాలు మేలు చేస్తాయి. అలాగే ఆకుకూరలు, క్యారట్‌ వంటి ముదురు రంగు కూరగాయలు కూడా ఎక్కువగా తీసుకోవాలి. వీటితో చర్మానికి సహజ రంగు వస్తుంది. మంగుపై జరిపిన అధ్యయనాల్లో- విటమిన్‌ సి, విటమిన్‌ ఈ, ఐసోఫ్లేవనాయిడ్లు, పండ్ల నుంచి తీసిన ఆమ్లాలతో కూడిన ఆహారాన్ని తినిపించి చూశారు. ఇది మంచి ఫలితాన్ని కనబర్చింది.

ఎండ సోకితే ఏమవుతుంది?
మన చర్మంలో 'మెలనోసైట్స్‌' అనే ప్రత్యేక కణాలుంటాయి. ఇవి 'మెలనిన్‌' అనే రంగు పదార్ధాన్ని ఉత్పత్తి చేస్తుంటాయి. మన చర్మానికి ఆ రంగు వచ్చేది ఈ మెలనిన్‌ వల్లే! అయితే ఎండ సోకినపుడు, హార్మోన్ల ప్రభావం వల్ల ఈ మెలనోసైట్స్‌.. మెలనిన్‌ రంగు పదార్ధాన్ని ఎక్కువగా ఉత్పత్తి చేస్తాయి. ఇదే సమస్యకు మూలం.

మన చర్మంలో 'మెలనోసైట్స్‌' అనే ప్రత్యేక కణాలుంటాయి. ఇవి 'మెలనిన్‌' అనే రంగు పదార్ధాన్ని ఉత్పత్తి చేస్తుంటాయి. మన చర్మానికి ఆ రంగు వచ్చేది ఈ మెలనిన్‌ వల్లే! అయితే ఎండ సోకినపుడు, హార్మోన్ల ప్రభావం వల్ల ఈ మెలనోసైట్స్‌.. మెలనిన్‌ రంగు పదార్ధాన్ని ఎక్కువగా ఉత్పత్తి చేస్తాయి. ఇదే సమస్యకు మూలం.


పిగ్మెంటేషన్ , Pigmentation--Treatment

ఈమధ్యకాలంలో పిగ్మెంటేషన్ పెద్ద సమస్యగా మారింది. వయసుతో సంబంధం లేకుండా చిన్నా పెద్దా అందరూ ఈ సమస్యతో బాధపడుతున్నారు. ముఖంలో వచ్చే పిగ్మెంటేషన్ భయపెట్టి, బాధపెడుతోంది. ఒకవిధమైన ఆత్మ న్యూనతలో పడేస్తోంది.

పిగ్మెంటేషన్ వల్ల ముఖంలో రంగు మారి గ్లామర్ తగ్గుతుంది. దాంతో చాలామంది కుంచించుకుపోతారు. కాంప్లెక్స్ కు లోనవుతారు. నలుగురిలోకీ వెళ్ళడానికి భయపడుతుంటారు. ఆ సమస్య నుండి బయట పడేందుకు మార్కెట్లో దొరికే క్రీములు, సొల్యూషన్లు ప్రయోగిస్తూ ఉంటారు. ఒకవేళ తగ్గితే సరే, గొప్ప రిలీఫ్ పొందుతారు. తగ్గలేదో.. మళ్ళీ కొత్త టిప్స్, రెమెడీస్, మెడిసిన్స్ కోసం అన్వేషణ మొదలవుతుంది.

ఈ నేపథ్యంలో పిగ్మెంటేషన్ కు బ్రహ్మాండమైన దివ్య ఔషధం గురించి చెప్పుకుందాం. ఇందులో ఎలాంటి కెమికల్సూ లేవు. పూర్తిగా హెర్బల్. దీన్ని తయారుచేయడం చాలా తేలిక. ఖర్చు పెట్టాల్సిందీ లేదు. కష్టపడాల్సిందీ లేదు. ఇంతకీ ఎలా చేయాలంటే - ఒక గుప్పెడు లేత వేపాకులో చిన్న పసుపుకొమ్ము, కుంకుడు గింజల్లోని పప్పులు పది తీసుకుని కొన్ని నీళ్ళు వేసి మెత్తగా గ్రైండ్ చేసుకోవాలి. ఈ పేస్టును రాత్రిపూట ముఖానికి రాసుకుని, ఉదయం కడిగేయాలి. ఇలా ఒక వారంపాటు చేస్తే మంచి ఫలితం ఉంటుంది.

ఈ పేస్టు కళ్ళలోకి వెళ్ళకుండా చూడాలి. అయినప్పటికీ ముఖానికి రాసుకున్నప్పుడు కళ్ళలోంచి నీళ్ళు కారతాయి. అందుకు భయపడనవసరం లేదు.

• ====================================

Visit my website - > Dr.Seshagirirao.com/

అపెండిసైటిస్‌ , Appendicitis

• 
  

• 

24 గంటలు అపెండిక్స్‌ గండం

24 గంటల నొప్పి... అదే అపెండిక్స్‌... ఏ క్షణాన... తిప్పలు తెచ్చిపెడుతుందోనని ప్రతి ఒక్కరికీ భయమే. 'అపెండిసైటిస్‌' మన మనసుల్లో అంతటి భయాన్ని సృష్టించింది.

నిజానికి అపెండిక్స్‌ నొప్పి అంత ఇబ్బందికరమైనదే. ఎందుకంటే దీన్ని అనుమానించటం తేలిక. కానీ కచ్చితంగా నిర్ధారించుకోవటం కష్టం. ఒకవేళ నిర్ధారించినా వెంటనే ఆపరేషన్‌ అవసరమా? కాదా? అన్నది తేల్చి చెప్పటం మరో ఇబ్బంది. అయితే ఒకప్పటి కంటే ఇప్పుడు ఈ అపెండిక్స్‌ పై మన అవగాహన చాలా పెరిగింది.
ఉండుకం... అపెండిక్స్‌.. అన్నది పెద్దపేగులో మొట్టమొదటి భాగం! చిన్నపేగూ, పెద్దపేగూ కలిసే చోట.. మొదట్లో ఉంటుందిది. కావటానికి ఇది పెద్దపేగులో మొదటి భాగమైనా మానవుల్లో దీనికేమంత ప్రాధాన్యం లేకపోవటం వల్ల.. పరిణామక్రమంలోనే పెద్దపేగుకు అతుక్కుని ఉండిపోయే చిన్న తిత్తిలా తయారైంది. సాధారణంగా ఇది 8 సెం.మీ. పొడవుంటుంది. అరుదుగా 12 సెం.మీ. వరకూ ఉంటుంది. అందరికీ ఒకే కోణంలో ఉండాలనేం లేదు. సాధారణంగా లోపలికి ఏవైనా పదార్ధాలు వెళుతుంటేనే పేగుల సైజు పెరుగుతుంది. ఈ ఉండుకం పేగుల్లో భాగమే అయినా ఇదొక ప్రత్యేక కోణంలో వంగి ఉండటం, దీని ప్రవేశ మార్గం చాలా చిన్నగా ఉండటం వల్ల దీనిలోకి ఎలాంటి పదార్థాలూ వెళ్లవు. కాబట్టి ఇది సైజు పెరగకుండా అలా చిన్నగానే ఉండిపోతుంది. ఉండుకంలో జిగురు స్రావాలు (మ్యూకస్‌) ఉత్పత్తి అవుతుంటాయి. చిన్నగా ఉండే దీని ప్రవేశ మార్గంలో నుంచి ఆ స్రావాలు ఎప్పటికప్పుడు పెద్దపేగుల్లోకి వచ్చి చేరుతుంటాయిగానీ పెద్దపేగుల్లోని ద్రవాలు, మలం, స్రావాల వంటివి మాత్రం దీన్లోకి వెళ్లవు.

నొప్పికి మూలం.. రెండు రకాలు!
* అపెండిసైటిస్‌... ఈ ఉండుకం నొప్పి ప్రధానంగా రెండు రకాలుగా రావచ్చు.

1. అబ్‌స్ట్రక్టివ్‌: అంటే పేగుల్లోని మలంగానీ, నులిపురుగుల వంటివిగానీ ఈ ఉండుకం మార్గానికి అడ్డుపడొచ్చు. అప్పుడు ఉండుకంలో తయారయ్యే మ్యూకస్‌ స్రావాలు బయటకు రావటం కష్టమవుతుంది కాబట్టి లోపలే ఉబ్బి.. వాపునకు కారణమవుతుంది.

2. ఇన్‌ఫెక్టివ్‌: మనం తీసుకున్న ఆహారం, నీటి ద్వారా బ్యాక్టీరియా వంటివి పేగుల్లోకి చేరి.. అక్కడ్నుంచి ఉండుకంలోకి ప్రవేశించి, ఇన్‌ఫెక్షన్‌కు దారితియ్యచ్చు.

నొప్పి లక్షణాలు ముఖ్యం
అపెండిసైటిస్‌ సమస్య... ప్రధానంగా కడుపు నొప్పితో ఆరంభమవుతుంది. తర్వాత జ్వరం, వాంతులు, ఆకలి లేకపోవటం.. ఈ నాలుగూ ప్రధాన లక్షణాలు. అపెండిసైటిస్‌ను నిర్ధారించటంలో ఈ లక్షణాలకు ఎంతో ప్రాధాన్యం ఉంది.

* నొప్పి: అపెండిసైటిస్‌ నొప్పి తీరు చాలా ప్రత్యేకంగా ఉంటుంది. ఇది ముందు బొడ్డు దగ్గర, బొడ్డు చుట్టూ వస్తుంది. క్రమంగా సమయం గడుస్తున్న కొద్దీ ఉండుకం ఉండే చోటు అయిన కుడివైపు పొత్తికడుపు భాగానికి (రైట్‌ ఇలియాక్‌ ఫోజా) మళ్లుతుంది. అందుకే దీన్ని 'షిఫ్టింగ్‌ పెయిన్‌' అంటారు. బొడ్డు దగ్గర ఆరంభమైన నొప్పి సుమారు 6-8 గంటల తర్వాత ఇలా కడుపు కింది భాగానికి చేరుకుంటుంది. దీన్ని అపెండిసైటిస్‌ ప్రత్యేక లక్షణంగా చెప్పుకోవాలి. ఈ నొప్పి ఇలా మారటానికి కారణం- పొట్టలో ప్రధాన నాడులన్నీ బొడ్డు దగ్గర కేంద్రీకృతమవుతాయి కాబట్టి.. కడుపులో ఎక్కడ సమస్య తలెత్తినా ముందు బొడ్డు దగ్గరే నొప్పి ఆరంభమవుతుంది. ఇక ఇన్ఫెక్షన్‌ ముదిరి, వాపు పెరిగిన కొద్దీ క్రమేపీ ఉండుకం ఉండే దగ్గరే నొప్పి ఎక్కువగా తెలుస్తుంటుంది.

* జ్వరం: నొప్పి ఆరంభమైన తర్వాత జ్వరం వస్తుంది. ఇది ఎప్పుడూ 100.4 డిగ్రీల సెంటీగ్రేడ్‌ కన్నా ఎక్కువగా ఉంటుంది. మధ్యమధ్యలో తగ్గటమన్నది ఉండదు.. జ్వరం ఎప్పుడూ ఒకేలాగ ఉంటుంది.

* వాంతులు: కొందరిలో ఒకట్రెండు వాంతులు అవుతాయి. కొందరిలో అవీ ఉండకపోవచ్చు కూడా. ఈ వాంతులు పేగుల్లో అవరోధాల మూలంగా వచ్చేవి కావు. నాడుల్లో స్పందనల మూలంగా వస్తాయి. అందుకే వీటిని 'రిఫ్లక్స్‌ వామిటింగ్స్‌' అంటారు.

* ఆకలి లేకపోవటం: అపెండిసైటిస్‌ అనేది పేగులకు సంబంధించిన సమస్య కాబట్టి ఆకలి తగ్గిపోయి ఆహారం సయించదు. - ఈ లక్షణాలు కనబడినప్పుడు అపెండిసైటస్‌ అని అనుమానించాలి.

వైద్యులేం చూస్తారు?
ఇవాళ ఎన్నో రకాల అత్యాధునిక పరీక్షా విధానాలు అందుబాటులోకి వచ్చాయి. అయినా అపెండిసైటిస్‌ను నిర్ధారించే విషయంలో వైద్యులు స్వయంగా చేసే పరీక్షకు ఎంతో ప్రాధాన్యం ఉంది. వైద్యుల పరీక్షతో దీన్ని తేలికగానే గుర్తించగలుగుతారు. దాన్ని నిర్ధారించుకునేందుకుఆల్ట్రాసౌండ్‌ పరీక్ష, రక్తపరీక్షలు చేయిస్తారు. వీటితో కచ్చితంగా నిర్ధారించటం సాధ్యమవుతుంది.

నొప్పి కేంద్రం.. మెక్‌బర్నీస్‌ పాయింట్‌
కడుపు నొప్పి వచ్చినప్పుడు.. అది ఉండుకం వాచి.. అపెండిసైటిస్‌ కారణంగా వచ్చిన నొప్పేనా? అన్నది గుర్తించటానికి ఒక సూత్రం ఉంది. కుడివైపు కటి ఎముక (ఇలియాక్‌ స్పైన్‌) నుంచి బొడ్డు వరకూ ఒక గీతను ఊహించుకోండి. దీన్ని 'స్పైనో అంబ్లికల్‌ లైన్‌' అంటారు. ఈ గీతను మూడు భాగాలు చేసి బొడ్డు నుంచి రెండు భాగాలు దాటిన తర్వాత మూడో భాగం మొదట్లో పాయింట్‌ ముఖ్యమైంది. దీనికిందే ఉండుకం ఉంటుంది. అపెండిక్స్‌ వాపు వచ్చినపుడు ఈ పాయింట్‌ వద్ద వేలితో నొక్కితే రోగి నొప్పితో విలవిల్లాడిపోతారు. దీన్నే 'మెక్‌ బర్నీస్‌ పాయింట్‌' అంటారు. పొత్తికడుపు అంతా ఎక్కడ నొక్కినా పెద్దగా స్పందించరుగానీ.. ఈ 'పాయింట్‌' వద్దకు రాగానే చేత్తో కూడా తాకనివ్వరు. నొప్పి ఉండుకానికి సంబంధించినదేనని చెప్పేందుకు ఇది కీలకమైన సంకేతం.

* రెండోది పెరిటోనైటిస్‌: అపెండిక్స్‌ వాచిన తర్వాత క్రమంగా సమయం గడుస్తున్న కొద్దీ ఇన్‌ఫెక్షన్‌ కడుపులోని ఇతర పొరలకూ వ్యాపించి ఆ ప్రాంతంలో పెరిటోనైటిస్‌కు దారి తీస్తుంది. అప్పుడు పొత్తికడుపు కండరం నొక్కితే గట్టిగా తయారవుతుంది. దీన్ని 'మజిల్‌ గార్డింగ్‌' అంటారు.

మరికొన్ని సంకేతాలు..
* అపెండిక్స్‌ వాపు వచ్చినపుడు దగ్గితే ఆ ప్రాంతంలో విపరీతమైన నొప్పి వస్తుంది. ఈ నొప్పి ఎక్కడో కచ్చితంగా చూపించగలుగుతారు కూడా.

* ఎడమ కాలు కదపమంటే తేలికగా కదుపుతుంటారు. కానీ కుడికాలు కదపమంటే భయంభయంగా, నొప్పితో కదపలేకపోతుంటారు. ఎందుకంటే కుడికాలు కదిపినప్పుడు 'ఇలియోసోయాస్‌' అనే కండరం కదులుతుంది, ఇది లోపల ఉండుకాన్ని తాకుతుంది. దీంతో కుడికాలు కదుపుతుంటే లోపల నొప్పి తీవ్రమవుతుంది. అయితే.. బొద్దుగా ఉండే పిల్లల్లో ఆ ప్రాంతంలో నొక్కినా వారు వెంటనే స్పందించకపోవచ్చు. అందుకే వీరిలో అపెండిసైటస్‌ ముదిరిపోయి.. అది లోపల చీముతో పగిలిపోవటమన్నది ఎక్కువగా జరుగుతుంటుంది. అందువల్ల బొద్దు పిల్లల్లో అపెండిక్స్‌ ప్రాంతంలో నొప్పి వస్తే జాగ్రత్తగా ఉండాలి.

తేల్చిచెప్పే ఆల్ట్రాసౌండ్‌
వైద్యులు స్వయంగా వివిధ రకాలుగా పరిశీలించిన తర్వాత అపెండిక్స్‌ వాపు అని బలంగా అనుమానిస్తే.. కచ్చితమైన నిర్ధారణ కోసం ఇతర పరీక్షలు చేయిస్తారు. వీటిల్లో ఆల్ట్రాసౌండ్‌ ముఖ్యమైంది.

* ఆల్ట్రాసౌండ్‌ పరీక్షలో అపెండిక్స్‌ వాపును కచ్చితంగా గుర్తించొచ్చు. నిజానికి వాపులాంటి సమస్యలేమీ లేకుండా అపెండిక్స్‌ ఆరోగ్యంగా ఉంటే ఆల్ట్రాసౌండ్‌ పరీక్షలో కనిపించటం కష్టం. అపెండిక్స్‌ వాచినపుడు అది స్పష్టంగా కనిపిస్తుంది. ఇక అపెండిక్స్‌ గోడ మందంగా కూడా మారినట్టు తెలుస్తుంది. దీని మందం 6 ఎం.ఎం. కన్నా ఎక్కువుంటే అపెండిక్స్‌ వాచిందని అనుమానం, 9 ఎం.ఎం. కన్నా ఎక్కువుంటే కచ్చితంగా వాపేనని నిర్ధారణ చేస్తారు. అపెండిక్స్‌ చుట్టూ చీము లేదా ద్రవం ఏవన్నా చేరి ఉన్నాయా అన్నదీ (పెరీ ఎపెండిక్యులర్‌ కలెక్షన్‌) తెలుస్తుంది. వీటితో చాలా వరకూ అపెండిసైటిస్‌ అని కచ్చితంగా తెలిసిపోతుంది.

సహాయపడే రక్తపరీక్షలు: అపెండిక్స్‌ వాచినపుడు రక్తంలో తెల్లకణాలు (డబ్ల్యూబీసీ) అధిక సంఖ్యలో ఉంటాయి. నొప్పితో పాటు క్యూబిక్‌ మిల్లీలీటర్‌ రక్తంలో 10 వేల కన్నా ఎక్కువ తెల్లకణాలుంటే అపెండిసైటస్‌ అని భావించొచ్చు. ఈ తెల్లకణాల్లోనూ న్యూట్రోఫిల్స్‌ సంఖ్య 70 శాతం కన్నా ఎక్కువుంటాయి. ఇక సీ-రియాక్టివ్‌ ప్రోటీన్‌ 6 కన్నా ఎక్కువుంటే ఇన్‌ఫెక్షన్‌ ఉన్నట్టు అర్థం.

చికిత్స ఏమిటి?
వైద్యుల పరీక్ష, ఆల్ట్రాసౌండ్‌లలో అపెండిక్స్‌ వాచినట్టు స్పష్టంగా నిర్ధారణ అయితే నేరుగా ఆపరేషన్‌కు వెళ్లిపోవటం మంచిది. ఒకవేళ ఆల్ట్రాసౌండ్‌ ఫలితం స్పష్టంగా లేకపోతే.. రక్తపరీక్ష ఫలితాలను చూస్తారు. అప్పటికీ ఉండుకం నొప్పేనా? కాదా? అన్నది స్పష్టంగా తేలక అనుమానంగా ఉంటే బాధితులను ఆసుపత్రిలో చేర్చి జాగ్రత్తగా గమనించాల్సి ఉంటుంది. నొప్పి తీవ్రంగా లేకపోయినా, ఆల్ట్రాసౌండ్‌ పరీక్షలో స్పష్టంగా కనిపించకపోయినా, రక్తంలో తెల్లకణాలు అంత ఎక్కువగా లేకున్నా.. యాంటీబయాటిక్‌ మందులతో చికిత్స చేయొచ్చు. ఈ సమయంలో ఎటువంటి ఆహారం ఇవ్వకుండా సెలైన్‌ ఇస్తారు. దీంతో పేగులకు పూర్తి విశ్రాంతి లభిస్తుంది. ఇలా 24-48 గంటల్లో అపెండిక్స్‌ వాపు లక్షణాలు తగ్గుముఖం పడతాయి. అప్పుడు తిరిగి పరీక్షించి మందులతో చికిత్స చేయాలా? ఆపరేషన్‌ చేయాలా? అనేది నిర్ణయిస్తారు. ఒకవేళ ఇన్‌ఫెక్షన్‌ తగ్గకుండా నొప్పి పెరుగుతూ అపెండిక్స్‌ వాపు లక్షణాలు స్పష్టమవుతుంటే ఆపరేషన్‌ చేయాల్సి ఉంటుంది.

* అపెండిక్స్‌ వాచినట్టు ఒకసారి గుర్తిస్తే ఆపరేషన్‌ చేసి తొలగించటం తప్ప మరో మార్గం లేదు! వాపును మందులతో తాత్కాలికంగా తగ్గించినా కొద్దిరోజుల తర్వాత అది తిరిగి వాచే అవకాశం ఉంటుంది. కాబట్టి సర్జరీ చేయటం ఉత్తమం.

* అపెండిసైటస్‌ అని నిర్ధారణ అయ్యి, నొప్పి తీవ్రంగా ఉంటే.. సాధ్యమైనంత త్వరగా.. 24 గంటల్లోపే సర్జరీకి వెళ్లటం ఉత్తమం. ఎందుకంటే ఇటువంటి పరిస్థితుల్లో సమయం వృథా చేసినకొద్దీ అది పగిలి.. అందులోని చీము, మలం పొట్ట అంతా అవ్వచ్చు. దీంతో ప్రాణానికీ ప్రమాదం ముంచుకొస్తుంది. ఒకవేళ ఆపరేషన్‌ చేసి అదంతా శుభ్రంగా కడిగినా కూడా.. పేగులు అతుక్కుపోయే అవకాశం చాలా ఎక్కువ. కాబట్టి అది స్పష్టంగా అపెండిసైటిస్‌ అని తేలితే ఆపరేషన్‌కు వెళ్లటం.. అనుమానంగా ఉంటే ఉండుకాన్ని కాపాడటానికి మందులతో ప్రయత్నించటం మంచిది.
నొప్పులన్నీ ఉండుకానివే కావు!
పొట్టలో కుడివైపు వచ్చే నొప్పులన్నీ ఉండుకం నొప్పులే కాకపోవచ్చు. ఎందుకంటే ఇతరత్రా ఎన్నో సమస్యల్లో కూడా నొప్పి ఇలాగే ఉండొచ్చు. ముఖ్యంగా మూత్రనాళ ఇన్ఫెక్షన్లు వచ్చినప్పుడు.. నీళ్ల విరేచనాలు పట్టుకున్నప్పుడు.. మూత్రపిండాల్లో ఇన్ఫెక్షన్‌ వచ్చినప్పుడు.. పొట్టలోని లింఫ్‌ గ్రంథులు వాచినప్పుడు.. ఆడపిల్లల్లో పొత్తికడుపు వాపు (పీఐడీ) సమస్యలో.. కాలేయంలో చీము వంటి సమస్యలు తలెత్తినప్పుడు.. చివరికి కుడివైపు వూపిరితిత్తి కింది భాగంలో న్యూమోనియా వచ్చినపుడు కూడా... నొప్పి ఇలాగే ఉండొచ్చు. అందుకే అది 'అపెండిసైటస్‌' నొప్పేనని నిర్ధారించే ముందు వైద్యులు ఒకటికి రెండుసార్లు తరచి చూస్తారు!
ఆపరేషన్‌ రెండు రకాలు
అపెండిక్స్‌ను తొలగించటానికి రెండు రకాల ఆపరేషన్లు అందుబాటులో ఉన్నాయి. ఒకటి పొట్టమీద కోతపెట్టి చేసేది, రెండోది పొట్ట మీద రంధ్రాలు వేసి వాటిద్వారా కెమేరా గొట్టంతో ఉండుకాన్ని తొలగించే ల్యాప్రోస్కోపిక్‌ పద్ధతి. రెండూ సమర్థమైనవే. కాకపోతే ల్యాప్రోస్కోపిక్‌ పద్ధతిలో చేస్తే త్వరగా కోలుకుంటారు. కండరాలను పెద్దగా కొయ్యాల్సిన పని ఉండదు కాబట్టి కండరాల నొప్పి అంతగా ఉండదు. త్వరగా లేచి తిరుగుతారు. పొట్ట మీద పెద్ద మచ్చలూ ఉండవు.
విశేషాల అవశేషం..!
* పట్టణాల్లో ఎక్కువ: ఉండుకం నొప్పి.. అదే అపెండిసైటిస్‌.. పట్టణ ప్రాంతాల్లో ఎక్కువ. పల్లెల్లో తక్కువ. దీనికి పట్టణ ఆహారంలో పీచు తక్కువ ఉండటం కూడా కారణం కావచ్చు. పీచు తక్కువగా తినేవారిలో మలబద్ధకం అధికం. మలం లోపల నిల్వ ఉన్నప్పుడు పేగుల్లో.. లోపల ఆహారద్రవాల కదలికలు తగ్గొచ్చు. ఫలితంగా ఉండుకంలోని జిగురు స్రావాలు బయటకు రాకుండా లోపలే ఉండిపోయి.. అవే ఇన్ఫెక్షన్‌కు కారణం కావచ్చు.

* యుక్తవయసు బెడద: అపెండిక్స్‌ వాపు ఏ వయసువారిలోనైనా రావొచ్చుగానీ.. కానీ 12-19 ఏళ్ల యుక్తవయస్కుల్లో అధికం! నాలుగేళ్ల లోపు పిల్లల్లో చాలా అరుదు. ఆరేళ్లలోపు వారిలో కొంత అరుదు. 6-12 ఏళ్ల వారిలో కొంచెంగా కనిపించొచ్చు.

* అమ్మాయిల్లో ఆపరేషన్‌: అపెండిక్స్‌ తొలగించే శస్త్రచికిత్స అబ్బాయిల్లో కన్నా అమ్మాయిల్లోనే 2.5 రెట్లు ఎక్కువ. ఎందుకంటే బాలికల్లో పునరుత్పత్తి అవయవాలు ఉండుకం దగ్గర్లోనే ఉంటాయి. ముఖ్యంగా ఫలోపియన్‌ ట్యూబు ఈ ఉండుకానికి దగ్గరగా ఉంటుంది. కాబట్టి అపెండిసైటస్‌ వస్తే ఆ ఇన్‌ఫెక్షన్‌ వల్ల పొత్తికడుపులో వాపు పెరిగి.. ట్యూబులకు ఇన్ఫెక్షన్‌ వస్తే వాటిలో అవరోధాలు తయారై.. భవిష్యత్తులో సంతాన రాహిత్యం సంభవించవచ్చు. అందుకనే అమ్మాయిల్లో అపెండిసైటస్‌ అని ఏమాత్రం అనుమానం వచ్చినా వెంటనే ఆపరేషన్‌ చేస్తుంటారు.

* వేసవి బెడద: పేగు సమస్యలైన నీళ్లవిరేచనాల వంటివన్నీ వేసవిలో ఎక్కువ. పేగుల్లో సమస్యల వల్ల ఈ అపెండిసైటస్‌ కూడా రావచ్చు.

* గండం తగ్గింది: 24 గంటల కడుపు నొప్పి... అపెండిసైటస్‌పై ప్రజల్లో చైతన్యం పెరగటం వల్ల ఇప్పుడు త్వరగా స్పందిస్తున్నారు. దీంతో అపెండైసిటిస్‌ మూలంగా మరణాల సంఖ్య గతంలో కన్నా ఇప్పుడు గణనీయంగా తగ్గింది. ఇప్పటికీ దీనిబారిన పడిన ప్రతి 200 మందిలో ఒకరికి ప్రాణ ప్రమాదం ఉంటోంది!
కాదు వ్యర్థం.. కాదు అవశేషం..!
ఒకప్పుడు ఉండుకం (అపెండిక్స్‌)ను.. పరిణామంలో మిగిలిపోయిన ఒక వ్యర్థ అవయవంగా, అవశేషంగా భావించేవారు. కానీ క్రమేపీ వైద్యపరంగా వైద్యపరిశోధనా రంగం అభివృద్ధి చెందిన కొద్దీ... ఈ ఉండుకం మరీ అంత వ్యర్థమైనదేం కాదన్న అవగాహన పెరుగుతోంది.

* పహారా సైన్యంలో భాగం: మన శరీరంలో వ్యాధికారకాలతో పోరాడే పెద్ద వ్యవస్థ ఉంది. దీన్నే మనం రోగనిరోధక వ్యవస్థ అంటాం. ఈ వ్యవస్థకు సంబంధించిన ప్రత్యేక భాగాలు శరీరమంతా ఉన్నాయి. వీటిలో ముఖ్యంగా చెప్పుకోవాల్సినవి- గొంతులోని టాన్సిల్స్‌; పేగుల్లో.. మరీ ముఖ్యంగా పెద్ద-చిన్న పేగులు కలిసే చోట అధికంగా ఉండే పేయర్స్‌ ప్యాచెస్‌; పేగుల గోడల్లో ఉండే లింఫ్‌ గ్రంథులు; ఈ ఉండుకం! ఇవన్నీ కలిసి రోగ నిరోధక వ్యవస్థలో భాగంగా పనిచేస్తాయి. అందుకే వీటన్నింటినీ కలిపి 'గట్‌ అసోసియేటెడ్‌ లింఫాటిక్‌ టిష్యూ' అంటారు. పేగుల్లో ఏవైనా రోగకారకాలు, వ్యాధికారకాలు చేరితే ఇవన్నీ కలిసి.. వాటిని సమర్థంగా ఎదుర్కొంటాయి. కాబట్టి ఉండుకానికి ఇప్పుడు మనం ఎటువంటి ప్రయోజనమూ లేదని భావించటానికి లేదు!

* ఆపదలో ఆసరా: ఒకప్పుడు ఏ ఆపరేషన్‌ కోసం పొట్ట తెరిచినా... ఈ ఉండుకాన్ని తొలగించటం పరిపాటిగా ఉండేది. కానీ ఇప్పుడిప్పుడే ఈ ధోరణిలోనూ మార్పు వస్తోంది. ఎందుకంటే పొట్టలో ఎక్కడైనా చిన్న నాళం, గొట్టం (కాండ్యూట్‌) అవసరమైతే దీన్ని వినియోగించటం విస్తృతంగా వాడకంలోకి వస్తోంది. ముఖ్యంగా కాలేయం నుంచి వచ్చే నాళాలు, మూత్రనాళాలు, ఫలోపియన్‌ ట్యూబుల వంటివి కొంతభాగం దెబ్బతిన్నప్పుడు ఆ దెబ్బతిన్న నాళం స్థానే ఉండుకాన్ని అమరుస్తున్నారు. అలాగే కొందరు పిల్లలకు మలమూత్రాలపై పట్టు ఉండదు. 'న్యూరోజెనిక్‌ బ్లాడర్‌, బవెల్‌' సమస్యల్లో వారికి ఈ ఉండుకాన్ని లోపల.. మూత్రాశయానికిగానీ, పెద్దపేగు మొదటిభాగానికి గానీ అతికించి.. రెండో కొనను బొడ్డు దగ్గర ఉంచుతారు. దీని ద్వారా మూత్ర విసర్జన చేయటానికి వీలు కలుగుతుంది. అలాగే పెద్ద పేగుల్లోపలికి నేరుగా ఎనిమా ఇవ్వటం ద్వారా ఒకేసారి మలవిసర్జన సాధ్యపడతాయి.

courtesy Eenadu : డా|| ఎ.నరేంద్రకుమార్‌, ప్రొఫెసర్‌, పీడియాట్రిక్‌ సర్జరీ, నీలొఫర్‌ హాస్పిటల్‌, హైదరాబాద్‌