How far x-ray is needed?,ఎక్ష్-రే ఏమేరకు అవసరము ?

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -ఎక్ష్-రే ఏమేరకు అవసరము ?- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

ఎక్ష్-రే ఏమేరకు అవసరము ?

వ్యక్తి ఆరోగ్యము నిర్ధారించడానికి , లేదా వ్యాధిని గుర్తించడానికి  వైద్యులు సంప్రదించే వైద్యుడు రేడియాలజిస్ట్ . ఆధునిక వైద్యము అందించే ప్రతి హాస్పిటల్ నందు రేడియాలజీవైద్యులు కీలక భూమిక నిర్వహిస్తారు . అత్యవసర కేసులలో స్కానింగ్ పరీక్షలు చేయకుండా  వ్యాధి చికిత్సాపద్దతులను అనుసరించడము కత్తిమీద సాములాంటిదే . అవససరమైన స్కానింగ్ పరీక్షలు చేయకుండా , రోగనిర్ధారణ లేకుండా ట్రయల్ -ఎర్రర్ పద్దతిలో వైద్యము చేయడాన్ని న్యాయాస్థానాలు మెడికల్ నెగ్లిజెన్స్ గా పరిగణిస్తాయి. వైద్య శాస్త్రం   అభివృద్ధిచెందిన క్రమాన్ని పరిశీలిస్తే అత్యంత ఆశ్చర్యకరమైన సంఘటనల సముదాయం ద్వారానే మనము పురోగమించాము అని గ్రహించవచ్చు . అలాంటి ఒక సంఘంటం 08 నవంబర్  1895 లో జర్మనీలోని వొర్జ్-బర్గ్ అనే నగరములో జరిగింది .

విళెమ్‌ కొనరాడ్ రాంట్జన్‌ అనే జర్మన్‌ శాస్త్రవేత్త క్రూక్స్ ట్యాబ్ లో జనియించిన కంటికి కనబడని కాంతిని గుర్తించాడు . ఆల్ జీబ్రా సాంప్రదాయం ప్రకారము అర్ధము గాని ఆ శక్తిని x-ray అని నామకరము చేశారు . అంకితభావము కలిగిన ఆ శాస్త్రవేత్త ఆ కిరణాలను క్షుణ్ణము గా పరిశోధించి , డిశంబరు 28 - 1895 నాడు ప్రపంచానికి వెల్లడి చేశారు. ఈ ఆవిష్కరణ పెనుసంచలనము సృష్టించినది . మొదటి నోబెల్ బహుమతి రాంట్ జెన్‌ ను వరించినది. ఆయన ఎక్ష్-రే కు పేటెంట్ తిరస్కరించి వాటిపై అనేక పరిశోధనలు జరిగేందుకు అవకాశము కల్పించాడు . అట్టి నిశ్వార్ధ శాస్త్రవేత్తకి గుర్తుగా అన్ని రేడియాలజీ సంస్థలు నవంబర్ 08 ను అంతర్జాతీయ రేడియోలజీ దినోత్సవముగా జరుపుకుంటారు.  ఎక్ష్-రే ఆవిష్కరణకు పూర్వము వైద్యుని హస్తం మాత్రమే వ్యాధి నిర్ధారణ పరికరము . ఎక్ష్-రే వైద్యులకు దృష్టిని అందించినది అంటే అతిశయోక్తి కాదు . వ్యాధిగ్రస్తుడి పొట్టకోసి వ్యాధి నిర్ధారణ చేయుట ఎక్ష్-రే ముందు సధారణమైన  వైద్యనిర్ధారణ పద్ధతి.ఎక్ష్-రే కనిపెట్టిన వంద ఏళ్ళ తరువాత , ఇప్పుడు ఆ విధమైన సర్జరీలు అరుదైపోయాయి.

రేడియోలజీ విభాగములో ఎక్ష్-రే , ఫ్లోరోస్కోప్ , ఆల్ట్రాసౌండ్ , డాప్లర్ , మమ్మోగ్రఫీ, సిటి , ఎం.ఆర్.ఐ, PETCT , Cathlab , మొదలైన పరికరాలు వాడుతూ ఉన్నారు. స్థూలముగా ఆవలోకిస్తే ఈ పరికరాలు ఉపయోగించి వ్యాధి నిర్ధారణ చేయడాన్ని " డయాగ్నోస్టిక్ " రేడియోలజీ అనీ , ఇవే పరికరాలు వాడి చికిత్సచేసే పద్దతిని " ఇంటర్ వెన్సనల్ " రేడియోలజీ అంటారు. ఎక్ష్-రే చాతి, వ్యాధులకు , ఎముకలు , కీళ్ళవ్యాధులకు వినియోగిస్తారు. అత్యంత చవకైన ఈ పరీక్ష ద్వారా అత్యంత విలువైన సమాచారము లభిస్తుంది. అంతేకాక విరిగిన ఎకుకలు అతికించడానికి వాడే "C-arm "  పరికరము కూడా ఎక్ష్-రే కిరణాల ఆధారము గానే పనిచేస్తుంది. ఫ్లోరోస్కోపి అనే పద్దతి ద్వారా అన్నవాహిక , ప్రేగు, గర్భాశయం , మూత్రశయం వ్యాధులను తెలుసుకోవచ్చు. ఆల్ట్రాసౌండ్ ద్వారా పిండము గర్భాశయములోనే వుంది అన్న ప్రాధమిక అంశము , కడుపునొప్పి ,బహిష్టు సమస్యలు , ఆగని విరేచనాలు గురించి , కొన్ని రకాల క్యాన్సర్లు గుర్తించవచ్చును .గుండె వ్యాధులు అర్ధముచేసుకోవడానికి ఎకోడాప్లర్  పరీక్ష నిర్వహిస్తారు .

ప్రతి చిన్న అవయవాన్నీ , రక్తనాళమును , సిటి స్కానింగ్ ద్వారా , ఎం.ఆర్.ఐ. స్కానింగ్ ద్వారా ఏ విధమైన రేడియేషన్‌ ఎఫెక్ట్ లేకుండా అత్యంత సంక్లిష్టమైం మెదడు పనితీరును అంచనావేయవచ్చును. ఎక్ష్-రే లో సైతము కనపడని ఫ్రాక్చర్ లను , ఎం.ఆర్.ఐ. పరికరము ద్వారా గుర్తించవచ్చును . సున్నితమైన , కీళ్ళ లోపల వుండే లిగమెంట్ల గురించి అంచనా వేయవచ్చును . MRS PECTVOSCOPY  పద్దతి ద్వారా మెదడులో ఉండే కెమికల్స్ నిష్పత్తిని విశదీకరించవచ్చును . మెదడులో క్లిప్పులు ఉన్నవారు , పేస్ మేకర్ ఉన్నవారు ఎం.ఆర్.ఐ స్కానింగ్ కు దూరంగా ఉండడము మేలు.

అవయవాల స్థాయినుంచి కణాల స్థాయికి ఇమేజింగ్ ప్రక్రియను (molecular imaging) సాధించిన అత్యంత న్యూతన పరికరము " PECT స్కానర్ . . . అతి చిన్న కణుతులు గుర్తించడానికి , క్యాన్సర్ స్టేజింగ్ లోనూ ఈ పరికరము ప్రముఖ స్థానము ఆక్రమించి ఉన్నది. మమ్మోగ్రఫీ స్కానింగ్ ద్వారా  చేతికి అందని అత్యంత చిన్న కణుతులను గుర్తించవచ్చు. ప్రాధమిక దశలో రొమ్ము క్యాన్సర్ గుర్తిస్తే పూర్తి చికిత్స సాధ్యమవుతుంది. 40 ఏళ్ళ పైబడిన స్త్రీలందరు ప్రతి సం. ఈ పరీక్ష చేయించుకోవడము ద్వారా రొమ్ము క్యాన్సర్ గుర్తించి మంచి చికిత్స పొందవచ్చు . కోతలేకుండా చిన్న చిన్న సూదులద్వారా కొన్ని ప్రత్యేకమైన వ్యాధులను నయము చేయవచ్చు. రక్తనాళం ద్వారా సూదిని పంపీంచి చేసే పద్దతిని vascular intervention రేడియోలజీ అంటారు. చర్మము ద్వారాచేసే విధానాన్ని Non - vascular intervention రేడియోలజీ అంటారు . జనబాహుళ్యము లో వున్న యాంజియోప్లాస్టి , స్టెంటింగ్  మొదలైనవి ఈ విభాగము నకు చెందినవే.

స్కానింగ్ సహాయము తో చేసే బయాప్సీలు , వెన్నుపూస ఇంజక్షన్లు , పైత్యరసనాళాలు & మూత్రపిండాల అడ్డంకులను తొలగించవచ్చు . చర్మము ద్వారా సూదుని పంపి కణుతుల్ని నాశనముచేసే పద్దతులు అందుబాటులోకి వచ్చనవి . రేదియేషన్‌ ప్రమాదకరమైనదని ... ఆ తీవ్రతను అతిగా అంచనా వేస్తున్నారు. రేడియేషన్‌ మన జీవితం లో అంతర్భాగమైపోయింది. భూమిలో నుండి , అంతరిక్షములో నుండి రేడియేషన్‌ సదా మనపై ప్రసరిస్తూనే ఉంది. తర్ఫీదు పొందిన రేడియోలజిస్ట్ లు అత్యంత నైపుణ్యము తోనే ఈ పరీక్షలన్ని తక్కువ రేడియేషన్‌ ఉండేటట్లు వాడుతున్నారు.

రేడియోలజీ పరీక్షల వలన ఆడశిశువులను గర్భములో విచ్చిన్నము చేస్తూ ఉన్నారు . ప్రతి మంచి పనికీ కొన్ని చెడు ప్రబావాలు , నష్టాలు ఉంటాయి. మానవులు కొత్త ప్రయోగ పరికాల మంచినే వాడుకోవాలి. చెడు కి దూరముగానే ఉండాలి. 100 సం.లు పైబడే రేడియోలజీ వైద్యశాస్త్రములో ఒక చిన్న భాగము .

 Courtesy with : Dr.varaprasad vemuri and Dr.Srinivas Dandamudi@swati weekly magazine 15-11-2013.

• =========================

 Visit my website - > Dr.Seshagirirao.com/ 

Do not postpone exercise,వ్యాయామము విషయమమలలో రేపు అనేది రాదు-ఈ రోజే మనకుంది

• 
  

• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -వ్యాయామము విషయమమలలో రేపు అనేది రాదు- ఈ రోజే మనకుంది- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



శరీర ఆరోగ్యం కోసం కొందరు యోగా నేర్చుకోవడానికి వెళ్తున్నారు. కొందరు పొద్దున్నే వాకింగ్ చేస్తున్నారు. కొందరు వ్యాయామం గురించి తెలుసుకుంటున్నారు. కానీ నేర్చుకున్నవి వారు ఆచరిస్తున్నారా? ఆ విషయం వారిని అడిగితే, ‘ఈ రోజు మరీ అలసటగా ఉంది. రేపటి నుండి తప్పకుండా చేస్తాను’ అంటూ సమాధానం వస్తుంది.

 నిజంగా రేపు మీరు మార్నింగ్ వాక్‌కి వెళ్తారా? శరీర వ్యాయామం చేస్తారా? ఛాన్స్ లేదు.
 మీకు ఇష్టమైనది చేయకుండా, నీరసంగా కూర్చుంటే, ‘అదేమిటి? బద్దకంగా కూర్చున్నావ్? లే!’ అంటూ మీ మనసే మిమ్మల్ని నిలదీస్తుంది.

 ‘బాధ్యతా రహితంగా ఉన్నాను!’ అనడానికి మీ అహంకారం ఒప్పుకోదు.
 ‘నేను సోమరిపోతును కాదు. రేపు మొదలెడతా’నని అహంకారం మనసుకు నచ్చజెప్పి వంచన చేస్తుంది.కర్నాటక రాష్ట్రంలోని కొన్ని గ్రామాల్లో ఒక మూఢవిశ్వాసం ఉంది.చీకటిపడ్డాక అక్కడ దెయ్యాలు, పిశాచాలు ఇళ్లలోకి చొరబడటానికి ప్రయత్నిస్తాయట!

 ఆ భూత పిశాచాలను పారదోలాలని ప్రయత్నిస్తే, వాటికి కోపం వస్తుందట! ఘోరమైన ఫలితాలను చూడాల్సి వస్తుందని అక్కడి ప్రజలకు భయం.అందుకే ఊరి వారంతా ఒక పన్నాగం పన్నారు. దెయ్యాలకు, పిశాచాలకు రక్తపు రంగు ఇష్టం కాబట్టి, ఎర్ర రంగుతో ప్రతి ఇంటి వీధి తలుపు మీద ‘రేపు రా’ అని రాసి పెడతారు.దెయ్యాలు, పిశాచాలు వచ్చి, గుమ్మానికున్న ఆ ప్రకటన చూసి వెళ్లిపోతాయని వారి నమ్మకం.ఈ రోజు అన్నా, ఇప్పుడన్నా, ఫరవాలేదు కాని, ‘రేపు’ అనేది ఎప్పటికీ రాని రోజు కూడా.ఆరోగ్యమూ, జయమూ, ఆనందమే కదా మీకు కావలసినవి. ‘రేపు రా’ అంటే అవి పక్కకు పోతాయి. జాగ్రత్త!

 ‘రేపటి నుంచి’ అనేది మనసుకు మత్తెక్కించే తంత్రం. మీ జీవితంలో, అనేకసార్లు ఈ మాయాతంత్రానికి మీరే స్థానం కల్పించారు. చెయ్యలేనివారికి, రేపు అనేది ఎప్పుడూ మంచిరోజే. రేపు అనే సరికి వారి బాధ్యత ముగిసినట్లే. ప్రారంభించిన పనులను ఏదోలా వాయిదా వేయడం, పార్లమెంట్‌కు కూడా అలవాటు కావడమే, బాధాకరం! గుర్తుంచుకోండి. రేపు అనేది రాదు. ఈ రోజే మనకుంది.

 మరి ఇంతకూ ఈ పరిస్థితినెలా మార్చాలి?
 ఇంటి పనైనా, ఆఫీస్ పనైనా, మన ఆరోగ్యానికి కావలసిన వ్యాయామమైనా, ముందు దానికి అనువైన సందర్భాన్ని సృష్టించుకోవాలి.రాత్రి పది దాటిన తర్వాత, కడుపు నిండా దోసెలు తిని, పొద్దున్న ఆరు ఏడు గంటలలోపు లేచి యోగా చేయాలంటే, వాకింగ్‌కి వెళ్లాలంటే, శరీరం ఎలా సహకరిస్తుంది? తెల్లవారుఝామున నాలుగ్గంటలకే మెలకువ వచ్చేలా, కాస్త తక్కువ తిని చూడండి. మెలకువ వస్తుంది. యోగా చేయగలరు. ‘వాకింగ్ వెళ్దాం రా’ అంటూ శరీరమే పిలుస్తుంది. కొన్ని రోజులిలా చేసి చూస్తే ఫలితం కనబడుతుంది. తర్వాత ఎవరూ చెప్పనక్కరలేదు.మనసులో దృఢమైన సంకల్పం, బయట అనుకూలమైన పరిస్థితి, ఈ రెంటినీ కలిపితే, అనుకున్నవి వాయిదా వేయకుండా చేసుకునే మనోబలం దానికదే వస్తుంది.

 సమస్య - పరిష్కారం
 ఎంత ప్రయత్నించినా సిగరెట్ తాగే అలవాటును వదలలేకపోతున్నాను. దీన్ని వదిలించుకోవడం ఎలా?

 సద్గురు: ఏదైనా విషయాన్ని బలవంతంగా మరచిపోవాలని దృఢంగా నిశ్చయించుకుంటే అదే విషయం మనసంతా ఆక్రమిస్తుంది. ఐదు నిమిషాల పాటు కోతుల గురించి ఆలోచించకూడదని అనుకుంటే, లక్షల కోతులు మీ ఆలోచనలను ఆక్రమిస్తాయి. దురలవాట్లను వదలాలని దృఢంగా అనుకునేవారు కొత్తగా వేరే అలవాట్లకు బానిసలైపోతారు. పొగ తాగడం, మద్యం సేవించడం మరచిపోవాలని ప్రయత్నించడం కాదు. పొగ తాగినా, మద్యం సేవించినా మీ శరీరంలో ఎన్నెన్ని మార్పులొస్తాయో తీవ్రంగా తలచుకోండి. దానితో దురలవాట్లు వాటంతట అవే మిమ్మల్ని వదిలిపోవడం ఖాయం.

Courtesy with : Sakshi news paper November 17, 2013

• ===========================

 Visit my website - > Dr.Seshagirirao.com/ 

colon cancer-పెద్దపేగు క్యాన్సర్‌.

• 
  

• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -colon cancer-పెద్దపేగు క్యాన్సర్‌.- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



ముందుగా గుర్తిస్తే మేలు... అప్పుడు పెద్దపేగు క్యాన్సర్‌కు చిన్నపాటి చికిత్సే చాలు...
హైదరాబాద్ : పేరుకూ, విధులకూ... ఈ రెండిటి విషయంలోనూ పెద్దది... పెద్దపేగు. దీన్నే ఇంగ్లిష్‌లో కోలన్ అంటారు. ఈ అవయవానికి క్యాన్సర్ వస్తే దాన్ని ‘కోలన్ క్యాన్సర్’ అని పిలుస్తారు. మనం తిన్న ఆహారంలో అన్ని పోషకపదార్థాలను ఒంటికి పట్టేలే చేసేవి చిన్న పేగులైతే... శరీరానికి అవసరమైన నీటిని, పొటాషియం లవణాలను, కొవ్వులో కరిగే విటమిన్లను ఒంటికి పట్టేలా చేసే బాధ్యత పెద్దపేగుదే. ఆ తర్వాత వ్యర్థాలను మల ద్వారం గుండా బయటికి పంపివేయడం కూడా దానిపనే. మలద్వారాన్ని రెక్టమ్ అంటారు. పెద్దపేగుకు క్యాన్సర్ వస్తే దాన్ని కోలన్ క్యాన్సర్ అని, మలద్వారానికీ అది సోకితే రెక్టల్ క్యాన్సర్ అనీ అంటారు. ఇప్పుడు ముందుగానే గుర్తిస్తే కోలన్ క్యాన్సర్‌కు సమర్థంగా చికిత్స చేయవచ్చు.

 క్యాన్సర్ సోకినప్పుడు పెద్దపేగుకు కండపెరిగినట్లుగా కొన్ని బొడిపెలు వస్తాయి. వాటినే పాలిప్స్ అని చెప్పవచ్చు. కొందరిలో ఎలాంటి బొడిపెలూ లేకుండా కూడా క్యాన్సర్ రావచ్చు. ఇది వంశపారంపర్యంగా రాదు. కాకపోతే తల్లిదండ్రులకు, కుటుంబ సభ్యులకు ఉంటే ఇది వచ్చే రిస్క్ కాస్త ఎక్కువ. అందుకే ఇలా వచ్చిన వారి పిల్లలకు 15 ఏళ్ల వయసు నుంచే తరచూ స్క్రీనింగ్ చేయడం అవసరం. ఎందుకంటే కోలన్ క్యాన్సర్‌ను ఎంత ముందుగా గుర్తిస్తే అంత బాగా నయమవుతుంది.

 లక్షణాలు / గుర్తించడం ఎలా...
 కోలన్ క్యాన్సర్ లక్షణాలు పెద్ద పేగులో క్యాన్సర్ వచ్చిన ప్రదేశం, దాని పరిమాణం, ఏయే భాగాలకు అది వ్యాపించింది వంటి అనేక అంశాల మీద ఆధారపడి ఉంటుంది.

 సాధారణ లక్షణాలు:
 మలద్వారం నుంచి రక్తస్రావం
 మలం, మలవిసర్జనలో మార్పులు
 అజీర్తి లేదా విరేచనాలు
 పొట్ట కింది భాగంలో నొప్పి, పట్టేసినట్లుగా ఉండటం, గ్యాస్ పోవడం
 జిగురుతో మలం రావడం
 అకారణంగా నీరసం, బరువు తగ్గడం
 ఇరిటబుల్ బవెల్ సిండ్రోమ్ (ఐబీఎస్)... అయితే ఇక్కడ పేర్కొన్న లక్షణాల్లో అజీర్తి, మలబద్ధకం, నీళ్ల విరేచనాల వంటివి మనలోని చాలామందిలో కనిపించేవే. ముఖ్యంగా మల విసర్జనలో రక్తస్రావం అన్నది పైల్స్ (మూలశంక) వ్యాధి ఉన్నవారిలో చాలా సాధారణం. అయితే ఇలాంటి లక్షణాలు కనిపించినప్పుడు, తగిన పరీక్షలు చేయించుకుని అది క్యాన్సర్ కాదని నిర్ధారణ చేసుకుని నిశ్చింతగా ఉండవచ్చు. ఒకవేళ క్యాన్సర్ అని తేలితే, ముందుగానే గుర్తిస్తారు కాబట్టి నయమయ్యే అవకాశాలు ఎక్కువే. అయితే ఆలస్యం చేసిన కొద్దీ క్యాన్సర్ ఒకచోటి నుంచి మరోచోటికి (అంటే కాలేయం వంటి కీలక భాగాలకు లేదా లింఫ్ గ్రంథులకు) పాకుతుంది. దీన్నే మెటస్టాసిస్ అంటారు. ఇలా క్యాన్సర్ గనక కాలేయానికి లేదా లింఫ్ గ్రంథులకు చేరితే అది చాలా ప్రమాదం. కాబట్టి లక్షణాలు కనిపించగానే పరీక్షలు చేయించుకోవడం ఎంతో మేలు.

 రిస్క్ ఫ్యాక్టర్లు :
 పెరిగే వయసు
 స్థూలకాయం
 డయాబెటిస్,
 ఫాస్ట్‌ఫుడ్, రెడ్‌మీట్ ఎక్కువగా తీసుకోవడం
 పీచు పదార్థాలు ఉండే ఆహారాన్ని తక్కువగా తీసుకోవడం
 పొగతాగడం
 మద్యపానం తల్లిదండ్రుల్లో ఎవరికైనా అంతకుమునుపే కోలన్ క్యాన్సర్ వచ్చి ఉండటం...ఇవీ సాధారణ రిస్క్ ఫ్యాక్టర్లు. సాధారణంగా కోలన్ క్యాన్సర్ 50 ఏళ్లు పైబడ్డాకే ఎక్కువగా కనిపిస్తుంది. అయితే పైన పేర్కొన్న రిస్క్‌ఫ్యాక్టర్లు ఉన్నప్పుడు చిన్న వయసులోనైనా రావచ్చు.

 నిర్ధారణ ఇలా...
 పైన పేర్కొన్న లక్షణాలు కనిపించినప్పడు వెంటనే తప్పనిసరిగా డాక్టర్‌ను కలవాలి. అప్పుడు డాక్టర్లు రోగిని భౌతికంగా పరీక్షించడంతోపాటు ఫ్యామిలీ, మెడికల్ హిస్టరీని అడిగి తెలుసుకుంటారు. ఆ తర్వాత అవసరాన్ని బట్టి కొలనోస్కోపీ, బేరియమ్ అనీమా, ఎక్స్-రే వంటి పరీక్షలు చేస్తారు. కొలనోస్కోపీ అంటే సన్నటి గొట్టాన్ని మలద్వారంనుంచి లోపలికి ప్రవేశపెట్టి లోపల ఏవైనా కణుతులు ఉన్నాయేమో చూడటం. ఒకవేళ కణుతులు కనిపిస్తే వాటినుంచి చిన్న ముక్కను సేకరించి బయాప్సీ పరీక్షకు పంపుతారు. అక్కడ అవి క్యాన్సర్ కణాలా కాదా అన్న విషయాన్ని నిర్ధారణ చేస్తారు. బేరియమ్ మింగించి ఎక్స్‌రే తీస్తే క్యాన్సర్ ఉన్న ప్రదేశం నల్లగా కనిపిస్తుంది. ఇక స్టూల్ అక్కల్ట్ బ్లడ్ టెస్టింగ్ అనే చిన్న పరీక్ష ద్వారా కూడా దీన్ని సులువుగా నిర్ధారణ చేయవచ్చు. ఒకవేళ రెక్టమ్ (మలద్వారం)లోనే సమస్య ఉంటే దాన్ని వేలి ద్వారానే డాక్టర్లు చాలా సులువుగా గుర్తించగలరు. ఒకవేళ క్యాన్సర్ సోకినట్లు తెలిస్తే అప్పుడది ఏ మేరకు విస్తరించి ఉందో చూడటానికి పెట్ సీటీ స్కాన్ వంటి పరీక్షలు అవసరమవుతాయి.

 చికిత్స : పెద్దపేగు క్యాన్సర్‌కు చికిత్స అన్నది వ్యాధి దశను బట్టి ఉంటుంది. వ్యాధిని మొదట్లోనే గుర్తిస్తే రాడికల్ సర్జరీ అనే ప్రక్రియతో క్యాన్సర్ సోకిన భాగాన్ని తొలగిస్తారు. ఈ తరహా శస్త్రచికిత్సను ఇప్పుడు కీ-హోల్ (ల్యాపరోస్కోపిక్) ప్రక్రియ ద్వారా కూడా నిర్వహించవచ్చు. ఇలా చేసిన శస్త్రచికిత్సలో పూర్తిగా కోత అవసరం లేకుండా చిన్న గాటు మాత్రమే ఉంటుంది కాబట్టి రోగి వేగంగా కోలుకుంటాడు. ఒకవేళ కోలన్ క్యాన్సర్ అన్నది లింఫ్ గ్రంథులకూ పాకితే వాటినీ తొలగించాల్సి వస్తుంది. క్యాన్సర్ గనక మలద్వారాన్ని గట్టిగా బిగుసుకుపోయేలా ఉంచి, మలాన్ని బయటకు రాకుండా చేసే స్ఫింక్టర్‌కూ వ్యాప్తిస్తే దాన్ని కూడా తొలగించాల్సి వస్తుంది. అప్పుడు మలవిసర్జనకు వీలుగా పేగును బయటకు అమర్చాల్సిన శస్త్రచికిత్స కూడా చేయాల్సి ఉంటుంది. ఇక క్యాన్సర్ రకాన్ని బట్టి కీమోథెరపీ, రేడియోథెరపీ లేదా ఈ రెండూ ఇవ్వాల్సి ఉంటుంది. ఒకవేళ క్యాన్సర్‌ను చివరిదశలో గుర్తిస్తే, కీమోథెరపీ, మోనోక్లోనల్ యాంటీబాడీస్ అనే మందుల ద్వారా రోగి జీవితకాలాన్ని గణనీయంగా పెంచవచ్చు.

 నివారణ: దీని నివారణకు చేయాల్సిన పనులు చాలా సులభం. ఆరోగ్యకరమైన విసర్జక అలవాట్లు అంటే... రోజూ క్రమబద్ధంగా మల విసర్జనకు వెళ్లడం, అజీర్తి, గ్యాస్ ట్రబుల్ వంటివి లేకుండా చూసుకోవడం మంచిది. వేళకు సాఫీగా మలవిసర్జన జరగాలంటే శరీరానికి తగినంత వ్యాయామం, కదలికలు ఉండాలి. అందుకే తగినంత శారీరక శ్రమ చేసేలా జాగ్రత్తలు తీసుకోవాలి. ధూమపానం, మద్యపానం వంటి అలవాట్లు ఉంటే పూర్తిగా మానేయాలి. ఇది కేవలం కోలన్ క్యాన్సర్‌కు మాత్రమే కాదు... అన్ని రకాల క్యాన్సర్లకూ నివారణ.

 ఇప్పుడు కోలన్ క్యాన్సర్ విషయంలో ఆందోళన పడాల్సిన అవసరం లేదు. ముందుగా కనుగొంటే  చికిత్స ద్వారా చాలా వరకు నయమవుతుంది. ఒకవేళ ఆలస్యంగా కనుగొన్నా జీవితకాలాన్ని చాలావరకు పొడిగించడం సాధ్యమవుతుంది.

 ఆహారం - ప్రాధాన్యం
 ఆరోగ్యకరమైన ఆహారపు అలవాట్లతో కోలన్ క్యాన్సర్‌ను నివారించడం సులువే.
 ఆరోగ్యకరమైన జీవనశైలిని అనుసరించడం అంటే...  కొవ్వులు తక్కువగా ఉండే ఆహారాన్ని తీసుకోవడం, తాజా ఆకుకూరలను, పండ్లను ఎక్కువగా తీసుకోవడం, మాంసాహారాన్ని పరిమితంగా తినడం అందులోనూ కొవ్వు తక్కువగా ఉండే చికెన్, చేపలను మాత్రమే తీసుకోవడం వంటి జాగ్రత్తలు తీసుకోవాలి. ఆహారంలోనూ పీచు ఎక్కువగా ఉండే కాయధాన్యాల వంటివాటికి ఆహారంలో ఎక్కువ ప్రాధాన్యం ఇవ్వాలి.

•  డాక్టర్ సిహెచ్.మోహనవంశీ- చీఫ్ సర్జికల్ ఆంకాలజిస్ట్,- ఒమేగా హాస్పిటల్స్, హైదరాబాద్@Sakshi | news paper-October 27, 2013 

• ========================

 Visit my website - > Dr.Seshagirirao.com/ 

Care after abortion,గర్భస్రావం తరవాత జాగ్రత్తలు

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -- Care after abortion,గర్భస్రావం తరవాత జాగ్రత్తలు-- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



    గర్భం దాల్చి అంతా సజావుగా సాగుతోందనుకుంటోన్న సమయంలో.. అబార్షన్‌ జరిగితే కొందరు శారీరకంగానే కాదు.. మానసికంగా నూ డీలా పడిపోతారు. మళ్లీ గర్భం ఎప్పుడు దాల్చొచ్చు? గర్భస్రావం కాకుండా ఎలాంటి జాగ్రత్తలు తీసుకోవచ్చు..? అంటూ మహిళలకు రకరకాల సందేహాలు కలగడం సహజం. అలాంటి వాటికీ సమాధానాలున్నాయి.

జీవన విధానం కావచ్చు, ఆరోగ్య సమస్యలు కావచ్చు... ఇంకేదయినా కారణం కావచ్చు... ఈ రోజుల్లో గర్భస్రావం అనేది సాధారణం అయింది. దానంతట అదే జరిగినా, తప్పనిసరి పరిస్థితుల్లో చేయించుకోవాల్సి వచ్చినా.. అధ్యయనాల ప్రకారం చెప్పాలంటే ప్రతి ఆరుగురిలో ఒకరికి గర్భస్రావం అవుతోంది. కొందరు దీన్ని తేలిగ్గా తీసుకుంటే, మరికొందరు ఓ సమస్యగా భావిస్తారు. దాన్నుంచి బయటపడేందుకు ఎక్కువ సమయమే తీసుకుంటారు. ఏదేమైనా... ఇలాంటప్పుడే అవసరమైన జాగ్రత్తలు తీసుకోవాలి. .

నొప్పీ.. రక్తస్రావం..
గర్భస్రావం అనేది సహజంగా జరిగినా, మందులూ లేదా శస్త్ర చికిత్స రూపంలో అయినా... కొద్దిగా నొప్పి సహజం. నెలసరిలో వచ్చినట్లుగా రక్తస్రావం కూడా అయ్యే అస్కారం ఉంది. అయితే ఈ రెండు మార్పులూ రెండు వారాల్లోపల ఆగిపోవాలి. సాధారణంగా వైద్యులు గర్భస్రావం తరవాత వచ్చే నొప్పిని తగ్గించడానికి నొప్పి నివారణ మందుల్ని ఇస్తారు. ఒకవేళ నొప్పి ఎక్కువగా ఉండి, రక్తస్రావం కూడా తీవ్రంగా అవుతున్నా, అదే సమయంలో దుర్వాసనతో కూడిన డిశ్చార్జి కనిపించినా, జ్వరంగా ఉన్నా తేలిగ్గా తీసుకోకుండా సాధ్యమైనంత త్వరగా వైద్యుల్ని సంప్రదించాలి. ఈ లక్షణాలు ఇన్‌ఫెక్షన్‌కి సంకేతం కావచ్చు. ఈ సమయంలో... రక్తస్రావం పూర్తిగా ఆగిపోయి, సౌకర్యంగా అనిపించేంత వరకూ కలయికలో పాల్గొనకూడదు. రక్తస్రావం కనిపిస్తున్నా కూడా మామూలుగా స్నానం చేయొచ్చు. కొందరు మహిళలు గర్భస్రావమే కదా అన్న ఉద్దేశంతో రెండుమూడు రోజుల్లోనే ఏవో ఒక పనులు చేయడం మొదలు పెడతారు. అయితే సౌకర్యంగా అనిపించేంత వరకూ విశ్రాంతి తీసుకోవడమే మంచిది. వ్యాయామం చేసే అలవాటు ఉండి... చేయాలీ అనుకుంటే ముందుగా డాక్టర్‌ సలహా తీసుకోవాలి.

మానసికంగా కుంగిపోకుండా..
గర్భం దాల్చాక, నవ మాసాలూ కొనసాగుతుందనే ఆనందంలో ఉండే మహిళలకు అనుకోకుండా అబార్షన్‌ జరిగితే మానసికంగా కుంగిపోవడం సహజం. దాంతో ఆలోచనలూ, ఉద్వేగాల పరంగా కొంత మార్పు కనిపిస్తుంది. ఇవి కొందరిని తాత్కాలికంగా ఇబ్బందిపెడితే.. మరికొందరిని చాలాకాలం పాటు, తీవ్రంగా వేధిస్తాయి. ఒకవేళ అబార్షన్‌ తాలూకు ఆలోచనల నుంచి ఎంతకీ బయటపడకపోయినా, కుటుంబం లేదా స్నేహితుల నుంచి ఎలాంటి సహకారం అందకపోయినా, అంతా గందరగోళంగా అనిపిస్తున్నా, దేనిమీదా ఏకాగ్రత కుదరక, నిద్రపట్టక, ఆకలి వేయక ఇబ్బందిపడుతున్నప్పుడు తేలిగ్గా తీసుకోకూడదు. అలాగే కొందరు ఈ సమయంలో చాలా ఒత్తిడికి లోనవుతారు. మళ్లీ గర్భం దాల్చినా అదే పరిస్థితి ఎదురవుతుందేమో అని భయపడతారు. దాంతో ఏ పనులూ చేసుకోక, ఉద్యోగానికీ వెళ్లక, ఎవరికీ చెప్పుకోకుండా లోలోన మథనపడుతూ ఉంటారు. ఇలాంటివన్నీ మానసిక ఆరోగ్యంపై ప్రభావం చూపుతాయి కాబట్టి అవసరాన్ని బట్టి మానసిక నిపుణుల సలహా తీసుకోవాలి.

మళ్లీ గర్భం ఎప్పుడంటే..
చాలామంది వెంటనే గర్భం దాల్చేందుకు ప్రయత్నిస్తుంటారు. కానీ అన్నిసార్లూ అది మేలు చేయకపోవచ్చు. జరిగిన గర్భస్రావం నుంచి ముందు శరీరం పూర్తిగా కోలుకోవాలి. కొన్నిసార్లు అది కొన్ని గంటల్లో జరిగితే, మరికొన్నిసార్లు రోజులూ, వారాలూ పట్టొచ్చు. ఏదేమయినా గర్భస్రావం జరిగి, రక్తస్రావం ఆగిపోయి, మళ్లీ నెలసరి వచ్చిన తరవాత గర్భం దాల్చడం మంచిది. నెలసరి అనేది గర్భస్రావం జరిగిన నాలుగు నుంచి ఆరు వారాల తరవాత మొదలవుతుంది. అంతకన్నా ముందు వైద్యుల సలహా తీసుకోవడం చాలా అవసరం. ఎందుకంటే...

ఒకసారి గర్భస్రావం జరిగాక ఆర్నెల్లలోపు మళ్లీ గర్భం దాల్చితే... అది కూడా మొదటి గర్భధారణ అయితే ఆలోచించవచ్చు. ఒకవేళ మీరు ఆరోగ్యంగా ఉన్నారనుకుంటే.. ఏ మాత్రం ఆలోచించకుండా అంతకన్నా త్వరగా కూడా గర్భం దాల్చవచ్చు. ఆలస్యంగా గర్భం దాల్చేవారితో పోలిస్తే.. త్వరగా తల్లయ్యే వారిలో ఎదురయ్యే సమస్యలు తక్కువే అని అధ్యయనాలు చెబుతున్నాయి.

ర్రెండు అంతకన్నా ఎక్కువగా గర్భస్రావాలు అయినప్పుడు గర్భం దాల్చేముందు, డాక్టర్‌ సలహా తీసుకోవడం తప్పనిసరి. దానికి గల కారణాలు డాక్టర్లు తెలుసుకుని ముందు జాగ్రత్తగా అవసరమైన చికిత్సలు చేసి, మళ్లీ అలాంటి పరిస్థితి ఎదురుకాకుండా చూస్తారు. కొన్నిసార్లు గర్భాశయంలో క్యాన్సర్‌కు దారితీయని కణితి పెరుగుతుంది. దాన్ని గర్భం అనుకుంటాం కానీ కాదు. ఇలాంటప్పుడు ఆ కణితిని తొలగించాక వైద్యులు ఆర్నెల్ల నుంచి ఏడాది వరకూ ఆగమని చెబుతారు వైద్యులు. దీన్ని కచ్చితంగా పాటించాలి.

ఈ జాగ్రత్తలూ అవసరమే..
గర్భస్రావం అవుతుందని వైద్యులు చెప్పాక.. ముందు మీ బ్లడ్‌గ్రూప్‌ని తెలుసుకునేందుకు రక్తపరీక్ష చేయించుకోండి. ఒకవేళ పాజిటివ్‌ కాకుండా నెగిటివ్‌ బ్లడ్‌ టైప్‌ అని తేలితే ఆ మహిళలు యాంటీ డి ఇంజెక్షన్‌ని గర్భస్రావం తరవాత తీసుకోవాల్సి ఉంటుంది. దీనివల్ల భవిష్యత్తులో సమస్యల్ని కొంతవరకూ నివారించవచ్చు. కొందరికి గర్భస్రావం ఒకసారే అయితే, ఐదు శాతం కన్నా తక్కువమందికి రెండుసార్లు కావచ్చు. ఒకశాతం మాత్రమే అంతకన్నా ఎక్కువసార్లు అబార్షన్లు అవుతాయి. అయితే ఒకేసారి అయినా.. అంతకన్నా ఎక్కువసార్లు జరిగినా.. మళ్లీ గర్భం దాల్చి, అది ఏ ఆటంకం లేకుండా నవమాసాలూ కొనసాగాలనుకుంటే కొన్ని అంశాలపై శ్రద్ధ పెట్టాలి.

ముందునుంచీ ఆరోగ్యకరమైన జీవనవిధానాన్ని పాటించాలి. సాధ్యమైనంత వరకూ అన్నిరకాల పోషకాలు లభించే ఆహారాన్ని ఎంచుకోవాలి. దానివల్ల ఒత్తిడి తగ్గుతుంది. శరీరానికి అవసరమైన శక్తి అందుతుంది. శరీర బరువు అదుపులో ఉండేలా చూసుకోవాలి. వైద్యులు చెప్పాక రోజులో కనీసం అరగంట ఏదో ఒక వ్యాయామం చేయడం అలవాటు చేసుకోవాలి. వ్యాయామం కూడా మానసికంగా సాంత్వనను అందిస్తుంది. అప్పుడే కాబోయే తల్లీబిడ్డల ఆరోగ్యం బాగుంటుంది.

గర్భధారణకు కనీసం కొన్ని నెలల ముందునుంచీ ఫోలిక్‌యాసిడ్‌ని తీసుకోవడం మంచిది. అది ఎప్పుడనేది డాక్టర్‌ సలహా తీసుకోవడం మంచిది. సాధ్యమైనంత వరకూ ఒత్తిడికి లోనుకాకుండా చూసుకోవాలి.
కారణాలు తెలిపే పరీక్షలున్నాయి..
ఒకటికన్నా ఎక్కువగా గర్భస్రావాలు జరిగితే మళ్లీ అలాంటి సమస్య ఎదురుకాకుండా దానికి కారణాలు తెలుసుకున్న తరవాత గర్భం దాలిస్తే, పెద్దగా ఇబ్బందులు ఎదురుకావు. పరిస్థితిని బట్టి వైద్యుల సలహాతో కొన్ని పరీక్షలు చేయించుకుంటే మంచిది. ముఖ్యంగా హార్మోన్లూ, రోగనిరోధశక్తికి సంబంధించిన సమస్యల్ని తెలుసుకునేందుకు వైద్యులు రక్త పరీక్షలు సూచించవచ్చు. దాంతోపాటూ కొన్నిసార్లు భార్యాభర్తల నుంచి రక్తాన్ని సేకరించి కూడా కొన్నిరకాల పరీక్షలు చేస్తారు. ఫలితంగా క్రోమోజోమ్‌ల గురించి తెలుసుకునే అవకాశం ఉంటుంది. అలాగే అవసరాన్ని బట్టి గర్భస్రావం జరిగాక ఆ కణజాలాన్ని కూడా పరీక్ష చేయొచ్చు. ఇవి కాకుండా గర్భాశయం పనితీరు తెలుసుకునేందుకు అల్ట్రాసౌండ్‌ కూడా చేస్తారు. కొన్నిసార్లు గర్భాశయ గోడల్నీ, ఫెల్లోపియన్‌ ట్యూబుల పనితీరునూ అంచనా వేసేందుకు టెలిస్కోప్‌ ఆకారంలో ఉండే చిన్న పరికరాన్ని గర్భాశయ ముఖద్వారం నుంచి గర్భాశయంలోకి ప్రవేశపెడతారు. ఈ పద్ధతిని హిస్టెరోస్కోపీ అంటారు. పరిస్థితిని బట్టి సోనోహిస్టెరోగ్రామ్‌ పద్ధతినీ ఎంచుకోవచ్చు. దానివల్ల గర్భాశయ పొరల్లో ఉన్న సమస్యల్నీ తెలుసుకునే అవకాశం ఉంది.

courtesy with : Dr.Pranathi reddy (Uro gynaecologist)@vasundara of eenadu news paper.

• ======================

Visit my website - > Dr.Seshagirirao.com/

Tension in women-awareness,స్త్రీలు ఒత్తిడి వలలో పడకుండా అవగాహన

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు - Tension in women-awareness,స్త్రీలు ఒత్తిడి వలలో పడకుండా అవగాహన - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


    తలనొప్పిగా ఉంటే ఓ మాత్ర వేసుకుంటాం. జలుబు చేసినా, జీర్ణ సంబంధ సమస్యలు ఎదురైనా వాటిని నివారించే పరిష్కారాలు ఆలోచిస్తాం. అయితే అవి ఒత్తిడి వల్ల ఎదురవుతున్నాయని ఎప్పుడూ అనుకోం. తగిన జాగ్రత్తల్ని తీసుకోం. ఉద్యోగినుల్నే కాదు... గృహిణుల్ని సైతం ఇబ్బందిపెట్టే ఒత్తిడిని తగ్గించుకోకపోతే... శారీరక, మానసిక సమస్యలు తప్పవు. అందుకే వెంటనే దాన్ని తగ్గించుకునే మార్గాలను తెలుసుకుని, ఆచరణలో పెట్టాలి.

'ఒత్తిడి..'
ఉద్యోగినుల్ని మాత్రమే వేధిస్తుందని అనుకుంటారు చాలామంది. కానీ ఇంటిదగ్గర ఉండే మహిళల్నీ ఇబ్బందిపెడుతుందీ సమస్య. చేసే పనులొక్కటే కాదు పెరిగిన వాతావరణం, శారీరకంగా జరిగే మార్పులూ, సామాజిక పరిస్థితులూ లాంటివెన్నో కూడా ఒత్తిడికి దారి తీస్తాయి. స్త్రీలు మానసికంగా దృఢంగా ఉంటారు కానీ.. ఉద్వేగాల పరంగా కుంగదీసే ప్రయత్నం చేస్తే త్వరగా ఒత్తిడికి లోనవుతారు.

ఎన్ని సమస్యలున్నా...
ఒత్తిడి మానసికంగా ఎదురవుతుందనేది కొంతవరకే. కౌమారంలో మొదలయ్యే రుతుక్రమం నుంచి మెనోపాజ్‌ వరకూ వివిధ దశల్లో చోటు చేసుకునే శారీరక మార్పులూ, చుట్టూ ఉండే పరిస్థితులూ, హార్మోన్ల పనితీరూ ఉద్వేగాలపై ప్రభావం చూపుతాయి. అవే ఒత్తిడికి దారితీస్తాయి. ఇంట్లో ఇద్దరు పిల్లల్నీ సమానంగా చూస్తున్నాం అనుకుంటారు చాలామంది తల్లిదండ్రులు. కానీ తమకు తెలియకుండానే మగపిల్లలతో పోల్చి కొన్ని సందర్భాల్లో అమ్మాయిల్ని చిన్నచూపు చూస్తారు. 'ఆడపిల్లవి అలా చేయకూడదు..' అంటూ నిబంధనలు పెడతారు. పదేపదే 'నువ్వే సర్దుకుపోవాలి మరి...' అని మాటలూ, చేతలతో నిర్దేశిస్తారు. చదువై ఉద్యోగంలో స్థిరపడ్డాక డెడ్‌లైన్లు చేరుకోవడం, పోటీని తట్టుకోవడం, పదోన్నతులు పొందే ప్రయత్నం వంటి సమస్యలెన్నో. వీటికి తోడు పెళ్లయ్యాక పెరిగే బాధ్యతల గురించి చెప్పక్కర్లేదు. భార్యగా, ఉద్యోగినిగా, తల్లిగా... ఎన్నో బాధ్యతలు నిర్వర్తించాలి. గృహిణులకూ ఉద్యోగ విధులు తప్ప ఇంచుమించు ఇలాంటి సమస్యలన్నీ ఉంటాయి. పైగా చాలామందికి భాగస్వామి నుంచి సహకారం అందదు. వీటన్నిటితో చాలాసార్లు మహిళలు బాగా అలసిపోతారు. ఆందోళనకు గురవుతారు. రకరకాల పనులూ... శక్తికి మించి చేయాల్సి వచ్చినా 'తప్పదు మరి' అనుకుంటూ చేసుకుపోవడం వంటివి తెలియకుండానే ఒత్తిడికి లోనుచేస్తాయి.

చిరాకు నుంచి రక్తపోటు దాకా...
మనసు బాగా లేకపోతే ఆ ప్రభావం ముందుగా శరీరంపైనే పడుతుంది. ఒత్తిడి లక్షణాలు అనగానే కోపం, చిరాకూ, అసహనం.. లాంటివే చెబుతారు. అవి చాలా చిన్నవి. తరచూ తలనొప్పి రావడం, వికారంగా అనిపించడం, నిస్సత్తువకు లోనవడం, రోగనిరోధక శక్తి తగ్గి జలుబూ జ్వరం... గుండె దడా... అజీర్ణం... అధిక రక్తపోటూ, థైరాయిడ్‌, ఎసిడిటీ వంటివి మరికొన్ని సమస్యలు. పీసీఓడీకి కొన్నిసార్లు ఒత్తిడీ కారణం అవుతుందని అధ్యయనాలు తెలిపాయి. దీనివల్ల నెలసరి సమస్యలు బాధపెడతాయి. ఒత్తిడితో కొందరు అతిగా తింటే.. మరికొందరు అసలు తీసుకోరు. దీనివల్ల వూబకాయం, రక్తహీనతకు గురవుతారు. 'ఈ మధ్య సరిగ్గా నిద్ర పట్టడం లేదు' అని చాలామంది అంటుంటారు. అందుకు గల కారణాలను పరిశీలించుకుంటే కచ్చితంగా ఒత్తిడి ముందుంటుంది. సైనస్‌, ఉబ్బసం లాంటివి శాశ్వతంగా తగ్గకపోవచ్చు కానీ.. ఒత్తిడిని తగ్గించుకోవడం వల్ల వాటి తీవ్రత చాలామటుకు అదుపులోకి వచ్చేస్తుంది. అలాగే ఒత్తిడిలో ఉండే గర్భిణులకు తక్కువ బరువున్న పిల్లలు పుడతారు. ఒత్తిడి వినడానికి చిన్న పదమే. కానీ చిక్కు సమస్యలకు కారణమవుతుంది. అధ్యయనాల ప్రకారం విపరీతంగా ఒత్తిడి ఉన్నవారిలో మధుమేహం, రొమ్ము, గర్భాశయ ముఖద్వార క్యాన్సర్‌ వచ్చే అవకాశాలు ఎక్కువ. అందుకే సాధ్యమైనంత త్వరగా దాన్ని అదుపు చేసుకోవాలి. ఒత్తిడిని చిత్తు చేసేందుకు అందుబాటులో ఉన్న అన్ని అవకాశాలనూ పరిశీలించి, ఆచరణలో పెట్టాలి.
ఇలా చిత్తు చేద్దాం...
మీకోసం రోజుకో అరగంట: ఇల్లూ, ఆఫీసూ, పిల్లల బాధ్యతలూ... అన్నిటినీ పరిగణనలోకి తీసుకుంటే పనుల జాబితా చాలానే ఉంటుంది. ఎంత చేసినా, కొత్తవి వచ్చి చేరుతూనే ఉంటాయి. అయినా ఆ పనుల ప్రవాహంలో పడిపోకూడదు. ముఖ్యమైన పనులు చేస్తూనే, వ్యక్తిగత అభిరుచులకూ కొంత సమయం కేటాయించుకోవాలి. టొరంటోకి చెందిన ఓ అధ్యయనం, 'మనసుకు నచ్చిన పనుల్లో ఏదో ఒకదానికి రోజూ కనీసం అరగంట కేటాయించండి. శరీరంలో ఉత్సాహాన్ని నింపే హార్మోన్లు విడులవుతాయి. ఒత్తిడి దూరమై, భావోద్వేగాలను నియంత్రించుకునే శక్తి సొంతమవుతుంది' అని తెలిపింది.
మథనపడితే నష్టమే: చాలామంది ఒత్తిడికి గురవుతారు. బాధ పడతారు. ఆరోగ్య సమస్యలకు లోనవుతారు. కానీ ఎవరితో పంచుకోరు. ఎందుకలా? ఒత్తిడి మన మీద స్వారీ చేయకుండా చూసుకోవడం మన చేతుల్లో పనే. శక్తికి మించిన పనులు ఉన్నాయి అనిపించినప్పుడు తగ్గించుకునే మార్గం ఆలోచించాలి. ఇంట్లో అయితే కుటుంబ సభ్యుల సాయం తీసుకోవాలి. ఆఫీసులో సహోద్యోగుల సహకారం కోరాలి. ఎలాంటి సమస్య ఉన్నా జీవిత భాగస్వామితో చర్చించాలి. అవసరాన్ని బట్టి సన్నిహితులూ, నిపుణుల సాయం పొందాలి. మనసులో భారంగా మాత్రం మిగుల్చుకోకూడదు.
అధ్యయనాలను గమనించండి: ఉదయం పూట టిఫిన్‌ చేయరు. వేళకు భోంచేయరు. తగినంత నిద్ర ఉండదు. మహిళలకు సంబంధించిన చాలా అధ్యయనాలు వెల్లడించిన వాస్తవాలివి. కారణం... పనుల ఒత్తిడి. ఈ తీరు పోషకాహార లేమికి గురి చేస్తుంది. ఒత్తిడికీ కారణమవుతుంది. అందుకే మీ పనుల జాబితాలో వేళకు భోంచేయడం, తగిన సమయం నిద్రపోవడం చేర్చుకోవాలి. యోగా, ధ్యానం జీవనశైలిలో భాగం చేసుకోవాలి. కుటుంబ సభ్యుల నుంచి పనుల్లో సాయం, మద్దతూ లభించనప్పుడు 'వాళ్లంతే' అని వదిలేయకుండా... మార్పు తీసుకొచ్చేందుకు ప్రయత్నించాలి. కొన్నిసార్లు ఇది కష్టమైన పనే... కానీ మన ఆరోగ్యం కోసం ప్రయత్నించక తప్పదు.
నేను బాగుండాలి అనుకోవాలి: జీవితమే కాదు... చుట్టూ ఉండే పరిస్థితులు అనుకూలంగా లేకపోయినా 'నేను సానుకూలంగా ఉండేందుకు ప్రయత్నిస్తాను' అనే అనుకోవాలి. అది సెల్ఫ్‌ హిప్నాటిజంలా పని చేస్తుంది. ఆ దిశగా ఆలోచనలు చేస్తే ఒత్తిడికి లోనయ్యే అవకాశం తగ్గుతుంది.

ఇవన్నీ పాటించడం వల్ల ఒత్తిడి తగ్గాలి. ఆ సానుకూల పరిస్థితి కనిపించకపోతే మానసిక నిపుణుల్ని సంప్రదించాలి. మొదట కౌన్సెలింగ్‌ ఇస్తారు. ఒత్తిడి తగ్గడానికి మందుల్ని సూచిస్తారు. స్ట్రెస్‌ మేనేజిమెంట్‌ చికిత్సనీ అందిస్తారు. అంటే... మాటలతో ఆత్మవిశ్వాసాన్ని పెంచుతూ, ఒత్తిడి తగ్గించే ప్రయత్నం చేస్తారు. అవసరాన్ని బట్టి కాగ్నిటివ్‌ బిహేవియరల్‌, రిలాక్సేషన్‌ థెరపీ ఇస్తారు.

• courtesy with:Dr.Poornima Nagaraj-clinical psychologist@vasundara of Eenadu news paper 11-11-13.

• =====================

Visit my website - > Dr.Seshagirirao.com/

Hints to prevent eye strain during reading,చదువుకొనేటప్పుడు కళ్లు అలసిపోకుండా జాగ్రత్తలు

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Hints to prevent eye strain during reading,చదువుకొనేటప్పుడు కళ్లు అలసిపోకుండా జాగ్రత్తలు- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



చదువులూ, పోటీ పరీక్షలు అంటూ విద్యార్ధులు పుస్తకాలు ముందేసుకొని కూర్చుంటారు. మరి దీని వల్ల కళ్లు అలసిపోవడం, తలనొప్పి, కంటి సమస్యలు తలెత్తుతాయి. అలా జరగకుండా కొన్ని జాగ్రత్తలు తీసుకుంటే సరిపోతుంది.

గదిలో లైటు కాంతి కాగితం మీద పడకుండా చూసుకోవాలి. దానికి కాస్త దూరంగానే కూర్చోవాలి.

పగటి పూట చదువుకొనేటప్పుడు కిటికీలకూ దూరంగా కూర్చోవాలి. కిటికీ అద్దాల వెలుతురు కళ్ల మీద పడకుండా చూసుకోవాలి. అది కళ్లకు హాని చేస్తుంది.
చదువుకొనేటప్పుడు తగినంత వెలుతురు ఉండేలా చూసుకోవాలి.

ఆరుబయట నడుస్తూ చదువుకొనే అలవాటు కొందరికి ఉంటుంది. కానీ సూర్యకిరణాల ప్రభావం వల్ల కళ్లు త్వరగా అలసిపోతాయి. దానికి బదులు నీడలో చదవడం మంచిది.

పడుకొని చదువుతుంటారు. దీని వల్ల కళ్లు లాగేస్తుంటాయి. అందుకే కుర్చీలో కూర్చుని, లేదా గోడకు ఆనుకొని చదువుకోవడం అలవాటు చేసుకోవాలి. ఇలా చేయడం వల్ల మెడ కూడా నొప్పి కూడా రాదు. ఏకాగ్రత కుదురుతుంది.

చల్లటి నీళ్లూ, ఒక మెత్తటి వస్త్రం పక్కన పెట్టుకోవాలి. కళ్లు మంటగా అనిపించిన ప్రతిసారీ ఆ వస్త్రాన్ని నీళ్లలో ముంచి కళ్ల మీద పెట్టుకోవాలి. ఫలితంగా కళ్లు వాయకుండా ఉంటాయి. చల్లదనం వల్ల నరాలకు సాంత్వన కలుగుతుంది. అలసట దూరమవుతుంది.

రోజుకు పదహారు గంటలు చదివే వాళ్లు వైద్యుల సలహా మేరకు అద్దాలు వాడాలి.

• ================

 Visit my website - > Dr.Seshagirirao.com/

pregnancy general problems-awareness,గర్భిణుల్లో సాధారణంగా కనిపించే సమస్యలు-అవగాహన

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు - pregnancy general problems-awareness,గర్భిణుల్లో సాధారణంగా కనిపించే సమస్యలు-అవగాహన - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...



గర్భం దాల్చగానే సరిపోదు. నవమాసాలూ ఏ ఆటంకం లేకుండా సజావుగా సాగాలి. అప్పుడే పండంటి పాపాయిని ఎత్తుకుంటాం. కానీ అందరి విషయంలో అలా జరగదు. రకరకాల కారణాల వల్ల ఆ తొమ్మిది నెలల కాలంలోనే కొన్ని సమస్యలు ఇబ్బందిపెడతాయి. కాబోయే తల్లీబిడ్డలిద్దరిపైనా ప్రభావం చూపుతాయి. కొన్నిరకాల ముందుజాగ్రత్తలూ, మరికొన్ని పరిష్కారాలతో ఆ సమస్యల్ని అదుపులో ఉంచొచ్చు..

ఉద్యోగాలు చేయడం, వృత్తిపరంగా లక్ష్యాలు పెట్టుకోవడం, ఆర్థికంగా స్థిరపడాలనుకోవడం.. ఇలా కారణం ఏదయినా చాలామంది మహిళలు ఆలస్యంగా పెళ్లిళ్లు చేసుకుంటున్నారు. ఇంకా ఆలస్యంగా గర్భం దాల్చేందుకు ఇష్టపడుతున్నారు. దాంతో కొన్నిసార్లు గర్భం రాక ప్రత్యేక చికిత్స తీసుకోక తప్పడంలేదు. ఈ మార్పులన్నీ కాబోయే తల్లిలో అధికరక్తపోటు, మధుమేహం.. లాంటి సమస్యల్ని పెంచుతున్నాయి. వీటిల్లో ముందుగా చెప్పుకోవాల్సింది అధికరక్తపోటు గురించి.

అధిక రక్తపోటు...
గర్భిణుల్లో సాధారణంగా కనిపిస్తుందీ సమస్య. కొందరిలో ముందునుంచీ ఉంటే, మరికొన్నిసార్లు గర్భధారణ సమయంలో ఎదురవుతుంది. ఒకవేళ ముందే మొదలై ఉంటే సమస్య నవమాసాలూ, ఆ తరవాత కూడా కొన్ని వారాలు కొనసాగుతుంది. కేవలం గర్భధారణ సమయంలో వస్తే.. ప్రసవానంతరం దానంతట అదే తగ్గిపోతుంది. ఎప్పుడు మొదలైనా దానివల్ల కొన్ని సమస్యలు తప్పవు.

అధికరక్తపోటు ఉన్నప్పుడు మాయకు రక్తప్రసరణ సక్రమంగా అందదు. దాంతో గర్భస్థశిశువుకు ప్రాణవాయువూ, పోషకాల్లాంటివి అందడంలో ఆటంకం ఏర్పడుతుంది. ఫలితంగా బిడ్డ ఎదుగుదల సరిగ్గా ఉండదు. తక్కువ బరువుతో పుడతారు. నెలలు నిండకుండానే కాన్పు కావచ్చు.

కొన్నిసార్లు గర్భాశయం నుంచి మాయ విడిపోతుంది. శిశువుకు ప్రాణవాయువు సరిగ్గా అందదు. తల్లిలోఅధికరక్తస్రావం మొదలవుతుంది. ఈ సమస్య కొందరిలో విపరీతంగా ఉంటుంది. దాంతో మూత్రం నుంచి ప్రొటీన్లు వెళ్లిపోతుంటాయి. ముఖం, కాళ్లలో వాపు ఉంటుంది. దీనికి సరైన చికిత్స తీసుకోకపోతే తరచూ తలనొప్పి రావడం.. చూపు మసగ్గా ఉండటం... పై పొట్ట నొప్పీ... హఠాత్తుగా బరువు పెరగడం... ముఖం, చేతుల వాపులాంటి సమస్యలు కనిపిస్తాయి.

మాత్రలు వాడాలి: గర్భధారణ సమయంలో వేసుకునే మాత్రలు బిడ్డపైనా ప్రభావం చూపుతాయనే ఉద్దేశంతో డాక్టర్లు సాధారణంగా ఇతర మందుల్ని సూచించరు. కానీ అధికరక్తపోటు అదుపులో ఉండాలంటే మాత్రలు తప్పనిసరి కాబట్టి వైద్యులు తగు జాగ్రత్తలు తీసుకుని కొన్నిరకాల మాత్రల్ని సూచిస్తారు.

ఉప్పు తగ్గించాలి: గర్భధారణకు ముందే ఈ సమస్య ఉంటే వైద్యులకు తెలియజేయాలి. దాన్ని బట్టి వాడుతున్న మందుల్ని కొనసాగించాలా లేదా అన్నది నిర్ణయిస్తారు. మందుల్ని క్రమం తప్పకుండా వేసుకోవాలి. గర్భం దాల్చిన తొమ్మిదినెలలూ వైద్యుల పర్యవేక్షణలో ఉంటూ ఎప్పకటిప్పుడు బీపీని గమనించుకోవాలి. తరచూ మూత్ర, రక్తపరీక్షలు చేయించుకోవడమూ అవసరమే. ఎప్పటికప్పుడు అల్ట్రాసౌండ్‌ స్కాన్‌లు చేస్తూ పాపాయి ఆరోగ్యాన్నీ వైద్యులు గమనిస్తారు. బిడ్డ గుండె కొట్టుకునే వేగాన్ని తెలుసుకుంటారు.

నిపుణుల సలహాతో వ్యాయామం చేయాలి. గర్భధారణ సమయంలో కాబోయే తల్లి బరువు పదకొండు నుంచి పదహారు కిలోలు పెరిగితే సరిపోతుంది. ఇన్ని జాగ్రత్తలు తీసుకున్నా ప్రసవ సమయంలో అధికరక్తపోటు పెరగకుండా డాక్టర్లు ఎప్పటికప్పుడు గమనిస్తారు. లేబర్‌ ఇండక్షన్‌ ప్రక్రియను ఎంచుకుంటారు. అంటే ఇంజెక్షన్లు ఇచ్చి ప్రసవం అయ్యేలా చేస్తారు. ఒకవేళ సమస్య మరీ ఎక్కువగా ఉంటే ఫిట్స్‌ రాకుండా మాత్రలు ఇచ్చి సిజేరియన్‌ చేస్తారు.

మధుమేహం
గర్భిణుల్లో కనిపించే మరో సమస్య మధుమేహం. ముందునుంచీ ఉన్నా లేక ఆ సమయంలోనే కనిపించినా గైనకాలజిస్టుతోపాటూ ఎండోక్రైనాలజిస్టు, డైటీషియన్‌ సలహాలు తీసుకుంటూ ఉంటే సమస్యలు తగ్గుతాయి. రక్తంలో చక్కెరస్థాయులూ అదుపులో ఉంటాయి. ఫలితంగా..గర్భస్రావం అవకుండా చూసుకోవచ్చు. తల్లిలో అధికరక్తపోటు అదుపులో ఉంటుంది. కాబోయే తల్లిలో ఇతర సమస్యలూ తగ్గుతాయి. తొమ్మిదినెలలు గడిచాక కూడా పాపాయి దక్కకపోవడం లాంటి సమస్యల్నీ అధిగమించవచ్చు.

నెలలు నిండకుండా కాన్పు అయ్యే పరిస్థితి నుంచి బయటపడొచ్చు. పుట్టబోయే పాపాయికి దృష్టిలోపాలు ఎదురవకుండా, మెదడూ, వెన్నెముక, గుండె పనితీరూ ఆరోగ్యంగా ఉండేలా చూసుకోవచ్చు.

ఒకవేళ రక్తంలో చక్కెరస్థాయులు సమతూకంలో లేకపోతే ఆ ప్రభావం మాయపై పడుతుంది. శరీరంలో అదనంగా ఇన్సులిన్‌ తయారీ అవసరం అవుతుంది. దాంతో బిడ్డ బరువు పెరుగుతుంది. ఫలితంగా కొన్నిసార్లు సహజ కాన్పు కాకపోవచ్చు.

కొన్నిసార్లు కాబోయే తల్లులకు గర్భధారణ సమయంలో మధుమేహం ఎదురైనా.... ప్రసవానంతరం అది తగ్గుతుంది.

ముందు జాగ్రత్తలున్నాయి: ఈ సమస్య ఉన్నవాళ్లు ఎప్పటికప్పుడు రక్తంలో చక్కెరస్థాయుల్ని పరీక్షించుకోవాలి. తదనుగుణంగా జాగ్రత్తలు పాటించాలి. తీసుకునే ఆహారం.. వికారంతో అయ్యే వాంతుల్ని బట్టి గర్భిణికి ఇన్సులిన్‌ని ఎంత మోతాదులో ఇవ్వాలనేది డాక్టర్లు నిర్ణయిస్తారు. ఆహారంలో పండ్లూ, కూరగాయలూ, తృణధాన్యాలూ ఎక్కువగా ఉండాలి. ఓ పద్ధతి ప్రకారం ఆహారాన్ని తీసుకోవాలి. ఫోలిక్‌యాసిడ్‌ లాంటి పోషకాలనూ వాడాల్సి ఉంటుంది. అలాగే నడక, యోగాసనాలు లాంటి వ్యాయామాలు వారంలో కనీసం ఐదురోజులు అరగంట చొప్పున చేయాలి. బిడ్డ ఆరోగ్యాన్ని గమనించేందుకు ఎప్పటికప్పుడు స్కాన్‌ చేయించుకోవడం కూడా అవసరమే.

ప్రసవంపై ప్రభావం: పరిస్థితిని బట్టి కొన్నిసార్లు కాన్పు సహజంగా అయ్యేవరకూ ఆగుతారు. లేదంటే తల్లీబిడ్డల ఆరోగ్య దృష్ట్యా ముందే చేయాల్సీ రావచ్చు. ఒకవేళ బిడ్డ మరీ బరువుంటే సిజేరియన్‌కి ప్రాధాన్యం ఇస్తారు.

ఒత్తిడి అదుపులో: గర్భధారణకు ముందే వైద్యులకు పరిస్థితిని వివరించి వారు సూచించిన మందుల్ని వాడాలి. శారీరక శ్రమ ఉండాలి. ఒత్తిడి లేకుండా చూసుకోవాలి. విశ్రాంతి తీసుకోవాలి. కెఫీన్‌ ఉండే పదార్థాలను తీసుకోవడం తగ్గించాలి. గర్భం దాల్చకముందే వైద్యుల్ని సంప్రదిస్తే ఫోలిక్‌యాసిడ్‌ని ఎక్కువ మోతాదులో సూచిస్తారు. దానివల్ల నాడీ సంబంధ సమస్యల్లాంటి వాటిని తగ్గించుకోవచ్చు. అలాగే నవమాసాల సమయంలోనూ వైద్యుల పర్యవేక్షణలో ఉండాలి.

గర్భధారణ సమయంలో ఉబ్బసం--
వాస్తవానికి ఇది వూపిరితిత్తుల సమస్య. పుట్టబోయే పిల్లలపైనా దీని ప్రభావం ఉంటుంది. దీని వల్ల ఎదురయ్యే సమస్యలు,
* పుట్టబోయే పాపాయికి ప్రాణవాయువు సరిగ్గా అందదు. మార్నింగ్‌ సిక్‌నెస్‌ ఎక్కువగా కనిపిస్తుంది. రక్తపోటు పెరుగుతుంది.
* బిడ్డ ఎదుగుదల సరిగ్గా ఉండదు. నెలలు నిండకుండానే కాన్పు అవడమే కాదు... ప్రసవం కూడా కష్టం అవుతుంది.

వేటికి దూరంగా ఉండాలి: దీని లక్షణాలు తక్కువగా లేదా ఎక్కువగా ఉండొచ్చు. గర్భం దాల్చిన వెంటనే వేసుకునే మందుల్ని మానేయడం, లేదా మార్చడం లాంటివి ఈ సమస్యని పెంచుతాయి. ఈ సమస్య ఉన్నప్పుడు నవమాసాలూ చికిత్స తీసుకోవచ్చు. అది ఏ పద్ధతిలో ఎలాగా అనేది డాక్టర్లే నిర్ణయిస్తారు. పొగ, దుమ్మూ, మంచూ, పుప్పొడీ, జంతువుల నుంచి వచ్చే జుట్టు లాంటి వాటికి దూరంగా ఉండాలి. వైద్యుల సలహాతో వ్యాయామాన్ని చేయాలి. తరచూ దగ్గు వస్తున్నా, ఛాతీలో పట్టేసినట్లు ఉన్నా, శ్వాస తీసుకోవడం కష్టంగా అనిపించినా తేలిగ్గా తీసుకోకూడదు.

 మూర్ఛ -
కొన్నేళ్ల క్రితం మూర్ఛ ఉన్న స్త్రీని పిల్లలు కనేందుకు ప్రోత్సహించేవారు కాదు. కానీ ఇప్పుడా సమస్య ఉన్నవారిలో తొంభైశాతం మంది పండంటి పాపాయిలకు జన్మనిస్తున్నారు. అయితే మూర్ఛ ఉన్నప్పుడు ఎలాంటి సమస్యలు ఎదురవుతాయంటే..
* మాయ ముందే విడిపోవచ్చు. అధికరక్తపోటూ తప్పదు. మూత్రం ద్వారా ప్రొటీన్‌ బయటకు పోతుంది.
* తక్కువ బరువుతో బిడ్డ పుట్టడం, ప్రసవ సమయంలో ఇబ్బంది..
* బిడ్డలో ఇతర సమస్యలూ ఎదురవుతాయి.

వాస్తవానికి ఇలాంటి వారు గర్భధారణ సమయంలో ఏ తరహా మందులు వాడినా అవి పుట్టబోయే పిల్లలపై ప్రభావం చూపుతాయి. నాడీ సంబంధ సమస్యలూ, గుండెకు అసౌకర్యం.. లాంటివి వాటిల్లో కొన్ని. అలాగని మందులు మానేస్తే గర్భస్రావం, నెలలు నిండినా బిడ్డ దక్కకపోవడం లాంటివి తప్పవు. వైద్యులు ఇవన్నీ పరిగణనలోకి తీసుకునే మందులు సూచిస్తారు.

Courtesy with : Dr.Pranati Reddy , Uro-Gynaecologist , Hyd. @Vasundara of Eenadu paper

• ==========================

Visit my website - > Dr.Seshagirirao.com/

Post delivery rest and care, బాలింతరాల విశ్రాంతి-జాగ్రత్తలు ,ప్రసవం తరువాత జాగ్రత్తలు

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు --బాలింతరాలు పాటించవలసిన జాగ్రత్తలు -- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...

 కానుపు లేదా కాన్పు లేదా పురుడు (Childbirth) అనగా మనుషులలో పెరిగిన శిశువును తల్లి గర్భాశయం నుండి బాహ్యప్రపంచంలోనికి తీసుకొని రావడం. ఇది సామాన్యంగా గర్భావధి కాలం (Gestation period) పూర్తయిన తర్వాత మొదలవుతుంది.

ప్రసవం తర్వాత...
దీనిని బాలెంత కాలము లేదా సూతికా కాలము (పోస్టు పార్టం పీరియడ్ ) అంటారు . .
  నార్మల్ డెలివరి తర్వాత రెండు, మూడు గంటల తర్వాత ఆహారాన్ని ఇవ్వాలి. సిజేరియన్ అయితే తల్లి కండిషన్ ను బట్టి లేచి కూర్చోవాలని డాక్టర్లు సూచిస్తారు. వారికి ఒక రోజు తర్వాత ఆహారాన్ని అందిస్తారు. ప్రసవం అయిన తర్వాత మూడు నెలల్లో సుమారు ఒక లీటరు పాలు పడతాయి. ఈ క్రమంలో బిడ్డకు పాలందించాలంటే ఐరన్, కాల్షియం, బి- కాంప్లెక్స్ మాత్రలు అదనంగా తీసుకోవాలి. పౌష్టికాహారం తీసుకోవాలి.దానివల్ల బిడ్డకు పోషకాలు అందుతాయి.
సిజేరియన్ అయిన తర్వాత ఇన్ ఫెక్షన్ రాకుండా జాగ్రత్తలు తీసుకోవాలి. బిపి, బ్లీడింగ్ సమస్యలు ఉంటే.. రక్తం గడ్డకట్టకుండా ఉండకుండా సిజేరియన్ (ఆర్టీ అంబ్యులేషన్) అయిన తర్వాత నడిపిస్తారు.

ఆపోహలు....
 ప్రసవం తర్వాత.... మంచినీరు ఇవ్వొద్దు.. ఒక్కపూటే భోజనం.. అన్ని రకాల భోజనం ఇవ్వొద్దు, సరియైన భోజనం ఇవ్వకుండా పత్యం పాటించడం... వీటన్నింటినీ వదిలేసి వైద్యుల పర్యవేక్షణలో సలహాలను తీసుకుంటే ఆరోగ్యం మన చెంతనే ఉంటుంది.

స్త్రీ శిశువుకు జన్మనిచ్చిన తరువాత 21రోజుల నుంచి 42 రోజుల పాటు కొంత బలహీనంగా ఉంటుంది. ఈ సమయంలో ఆమెను బాలింత లేదా బాలెంతగా వ్యవహరిస్తారు. ప్రసవం (Childbirth) అయిన 14 రోజుల లోపు 100.4 0 F కంటే ఎక్కువ జ్వరం (Fever) ఏ కారణం చేత వచ్చినా దానిని బాలెంత జ్వరం (Puerperal fever) అంటారు. ఇది సామాన్యంగా ఇన్ఫెక్షన్ (Infection) మూలంగా వస్తుంది.


ప్రసవం తర్వాత తల్లి పోషకాహారం తీసుకోవ డం మంచిది. ప్రసవానంతరం తల్లి ప్రతి రోజూ తీసుకొనే ఆహారంలో తగినన్ని న్యూట్రీషియన్స్‌ ఉం డేటట్లుగా చూసుకోవాలి. ఇవ్వాలి. ఉదా హరణకు నీరు అధికంగా తీసుకోవడం వల్ల ఆరోగ్యానికి బాగా సహాయపడుతాయి. అటువంటి అలవాటు జీర్ణక్రియను సులభ తరం చేస్తుంది. శరీరాన్ని చల్లగా ఉంచు తుంది. శరీరంలోని మలినాలను బయటకు నెట్టివేస్తుంది. దాంతో మలబద్ధక సమస్య కొంత మేరకు పరిష్కార మతుంది. ఏదిఏమై నా వైద్యనిపుణుల సహాయం పొందడం చాలా సమయాల్లో మేలు చేస్తుంది.

ఆహారం-ప్రాధాన్యత :సాదారణంగా బిడ్డకు జన్మనిచ్చాక బాలింతలకు తేలికగా జీర్ణమయ్యే ఆహారం మాత్రమే పెడతారు. ఆ సమయంలో జీర్ణమైన ఆహారం మాత్రమే శిశువు పాలుగా రూపాంతరం చెందుతుంది. కాబట్టి ఈ సమయంలో బాలింతలు తగు జాగ్రత్తలు పాటిస్తూ మంచి పోషక విలు వలున్న ఆహారం తీసుకోవాలి.తీసుకునే ఆహారంలో ఐరన్‌ ఎక్కువగా ఉండేలా చూసు కోవాలి. ఎందుకంటే పుట్టే సమయంలో ఎక్కు వ రక్తాన్ని కోల్పోతారు. కాబట్టి ఐరన్‌ పుడ్స్‌ను తీసుకోవడం వల్ల ఆరోగ్యానికి కావ ల్సిన కాల్షియాన్ని మన శరీరం పొంద గలుతుంది.

విటమిన్స్‌:
1. విటమిన్‌ బి9: పోస్ట్‌ నేటల్‌ విటమిన్‌ను ఫోలిక్‌ ఆసిడ్‌ అనికూడా పిలుస్తారు. ఈ పోల్లెట్‌ (టాబ్లెట్‌) ను గర్భం ధరించినప్పటి నుండి ప్రసవం అయ్యే వరకూ కూడా తీసుకుంటారు. ఎందుకంటే శిశువు నాడీవ్యవస్థ క్రమంగా ఉండటానికి ఇది చాలా అవసరం. కాబట్టి ఈ విటమిన్‌ సప్లిమెంట్‌ను ప్రసవం అయిత తర్వాత కూడా కొద్ది రోజులు కొనసాగించడం తల్లీ బిడ్డకు ప్రయేజనం.
2.విటమిన్‌ ఎ: ప్రసవం తర్వాత జుట్టు రాలడం అధికంగా ఉంటుంది. అలాగే పోస్ట్‌ నేటల్‌ సమయంలో ఎక్కువ ఒత్తిడికి గురిఅవుతుండం వల్ల కూడా జుట్టు అధికం గా రాలిపోతుంటుంది. కాబట్టి ఆరోగ్యకర మైన జుట్టు మరియు చర్మ సంరక్షణకు విటమిన్‌ ఎ ఎంతగానో ఉపయోగపడు తుంది.
3. విటమిన్‌ సి: ప్రసవించిన మహి ళలకు తాజా పండ్లు చాలా ఉపయోగకరం. ఈ పండ్లలో ఉండే విటమిన్‌ సి మరియు ఎసెన్సియల్స్‌ పాలిచ్చే తల్లులకు చాలా అవసరం. విటమిన్‌ సి రోగనిరోధక శక్తిని పెంచుతుంది.
4. విటమిన్‌ డి: ప్రసవానంతరం మహిళలు తిరిగి శక్తిని పొందడానికి, నరాలు, ఎము కలు బలపడటానికి క్యాల్షియం చాలా అవ సరం. ప్రసవం తర్వత మహిళల్లో చాలా వరకూ క్యాల్షియం తగ్గిపోతుంది. కాబట్టి శరీరానికి కావల్సిన క్యాల్షియం పొందడానికి మంచి ఆహారాన్ని తీసుకోవాలి. 5. విటమిన్‌ ఇ: విటమిన్‌ ఇ లో ఉండే యాంటి ఆక్సిడెంట్స్‌ బాలింతలకు చాలా బాగా సహాయపడుతాయి. సెల్‌ డ్యామేజ్‌ను తిరిగి పునరుత్పత్తి చేస్తుంది. యాంటీ ఆక్సిడెంట్స్‌ను ఎవరెవరు ఎంతవరకు వాడాలన్నది వైద్యులు నిర్ధారించవలసి ఉంటుంది.

వ్యాయమం తప్పనిసరి:

ప్రసవానంతరం శారీరక ఆరోగ్యం కాపాడుకునేందుకు బాలిం తలు వ్యాయమం చెయాలంటూ వైద్యులు సూచిస్తుంటారు. ఆ జాగ్రత్తలు ఎందుకంటే-

బరువు తగ్గుట:

కాన్పు ముందరి శరీర రూపం పొందాలంటే, పొట్ట తగ్గాలంటే, శరీర కొవ్వు కరగాలంటే వ్యాయమం తప్పని సరి. పాలు ఉత్పత్తి:

ఆమెలో పాలగ్రంధులు అధిక ఉత్పత్తి చేయాలంటే తగిన జాగ్రత్తలు అవసరం. వైద్య నిపుణుల సలమా పాటించి, తగిన మందులు, వ్యాయమం పొందడం వల్ల పాలగ్రంధులకు రక్తప్రసరణ బాగా జరిగి ఉత్పత్తి అధికమవుతుంది.

కండరాలు బిగువు:

కాన్పు సమయంలో అమె కండరాలు వదులవుతాయి. కాన్పు తర్వాత చేసే వ్యాయమాలు కండరాలు మరోమారు ఫిట్‌నెస్‌ సంతరించుకుంటాయి.


శస్త్రచికిత్స తరువాత నొప్పి ఉంటుందా?----Carserian opetation pain

కొంతవరకు ఉంటుందనే చెప్పాలి. శస్త్రచికిత్స సమయంలో పొట్టపై గాటు పెట్టాల్సి వస్తుంది కాబట్టి ఎప్పటిలాగా చురుగ్గా ఉండలేరు. పుట్టిన శిశువు పట్ల సరైన శ్రద్ధ వహించడం కష్టమవుతుంది. అందుకే ఆపరేషన్ తరువాత వచ్చే నొప్పిని అదుపులో ఉంచాలి.

నొప్పిని అదుపులో ఉంచడానికి ఎటువంటి జాగ్రత్తలు తీసుకుంటారు?
నొప్పిని తగ్గించడానికి నోటి ద్వారా లేదా సిరల ద్వారా మందును ఇస్తారు. కడుపునొప్పిని ఎక్కువసేపు భరించే శక్తి లేకుంటే నోటి ద్వారా మందును అందివ్వడానికి అనుకూలంగా ఉండదు. కాబట్టి రీజనల్ మత్తుమందుతో పాటుగా ఆపరేషన్ కి ముందే నొప్పి తగ్గించే మందును కూడా ఇవ్వవచ్చు.
సర్జరీ తరువాత కూడా అనస్తీషియాలజిస్టు మిమ్మల్ని ఎప్పటికప్పుడు కనిపెట్టుకుని ఉంటాడు. సిజేరియన్ డెలివరీ కోసం మీరు తీసుకున్న మత్తుమందు రకాన్ని బట్టి కూడా నొప్పి తగ్గించే మందు ఇచ్చే పద్ధతి ఆధారపడి ఉంటుంది. రీజనల్ గా ఇచ్చే మత్తుమందు తీసుకుంటే నొప్పిమందును వెన్నుముక బాహ్యపొర నుంచి ఎపిడ్యురల్ పద్ధతి ద్వారా అందిస్తారు. ఇది సర్జరీ తరువాత కూడా 18 గంటల వరకూ పనిచేస్తుంది. తల తిరగడం, మగతగా ఉండడం వంటి లక్షణాలు కూడా కనిపించవు. ఒకవేళ జనరల్ అనస్తెటిక్ తీసుకుంటే సాధారణంగా నొప్పి మందును సిరల ద్వారా ఇస్తారు. ఆపరేషన్ తరువాత మొదటిరోజు మాత్రం నోటి మత్రల ద్వారా నొప్పిని తగ్గించే ప్రయత్నం చేస్తారు.

నొప్పి తగ్గించే మందు వల్ల దుష్ప్రభావాలుంటాయా?
సాధారణంగా నొప్పి తగ్గించే మందులు చైతన్యాన్ని హరించే నార్కోటిక్ లక్షణాన్ని కలిగి ఉంటాయి. వీటివల్ల దురద, వికారంగా ఉండడం, శ్వాస పడిపోవడం, మలబద్దకం లాంటి దుష్ఫలితాలు కనిపిస్తాయి. కాకపోతే వీటి తీవ్రత చాలా తక్కువ. చాలావరకు వాటికవే తగ్గిపోతాయి. ఒకవేళ తగ్గకపోయినా వాటికి తగిన మామూలు మందులు వాడితే సరిపోతుంది. తల్లిపాలలోకి ఈ మందులు చేరుతాయని భయపడాల్సిన అవసరం లేదు. వీటికి బానిసలవుతామన్న భయం అక్కరలేదు. సర్జరీ తరువాత లేచి ఇతర పనులు చేసుకోగలమో లేదోనన్న బెంగ కూడా వద్దు.

• ================================

Visit my website - > Dr.Seshagirirao.com/

Hints to reduce body fat,శరీరంలో కొవ్వు తగ్గాలంటే...పాటించవలసిన సూచలు

•  

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Hints to reduce body fat,శరీరంలో కొవ్వు తగ్గాలంటే...పాటించవలసిన సూచలు - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...




చాలా మంది పురుషులు , మహిళల్లో కొవ్వు శాతం పెరగడంతో చర్మం ముడతలు పడడం కనిపిస్తుంది. వయసు మీద పడే సరికి మహిళల్లో ఏర్పడే ప్రధాన సమస్య ఇదే. అందుచేత శరీరంలో అవసరానికి మించిన కొవ్వు ఎందుకు పేరుకుంటుందో తెలుసుకొంటే దానిని నివారించుకొని చక్కని ఆరోగ్యాన్ని, తీరైన ఆకౄఎతిని సొంతం చేసుకోవచ్చు.

కొవ్వు సమస్య ఎక్కువుగా ఉన్నప్పుడు కొన్నిసార్లు చర్మం మధ్య పొరలో కొవ్వు కణాలు ఒక్కచోట చేరుతాయి. దాంతో చర్మంలో సొట్టలు పడినట్లు కనిపిస్తుంది. ఇలాంటి సమస్య సాధారణంగా పొట్ట, నడుం కింది భాగం, పిరుదులు వంటి భాగాల్లో ఎక్కువుగా బాధిస్తుంది. పురుషులలో పొట్టభాగములో బెల్లీ గా కొవ్వు పేరుకుపోతుంది. శారీకంగా చోటు చేసుకునే మార్పులే కాదు. ఇతర కారణాలు దీనికి దారితీస్తాయి.

ప్రాధమికంగా తినుబండారాలు మూడు రకాల (కార్బోహైడ్రేట్లు, మాంసకృత్తులు, కొవ్వు) పదార్ధాలతో ముడిపడివుంటాయి.  జంక్‌ఫుడ్ తినడం వల్ల రక్తంలో కొవ్వు శాతం పెరిగి, హృద్రోగ సమస్యలకు దారితీయవచ్చు. జంక్‌ఫుడ్‌లోని షుగర్, కొవ్వు కారణంగా అధిక కేలరీలు శరీరంలోకి చేరతాయి. ప్రొటీన్లు, విటమిన్లు, ఖనిజాలు తక్కువ స్థాయిలో లభిస్తాయి. ఊబకాయంతో పాటు మధుమేహ సమస్యలకు జంక్‌ఫుడ్ కారణమవుతోంది. ముఖ్యంగా జంక్‌ఫుడ్ తినే చిన్నారులకు- రోగ నిరోధక శక్తి తగ్గడం, ఊబకాయం, నీరసం, వత్తిడులు వంటివి తప్పవు. ముఖ్యంగా పీచుశాతం తక్కువగా, కొవ్వు, పిండి పదార్థాలు ఎక్కువుగా ఉన్న ఆహారం అదే పనిగా తీసుకోవడం వల్ల శరీరంలో కొవ్వు నిల్వలు విపరీతంగా పేరుకుంటాయి. ముఖ్యంగా వేపుళ్ళు శుద్ధి చేసిన ఆహారం, హానికర కార్బోహైడ్రేట్లు అధికంగా ఉండే ఆహారంవల్ల ఈ సమస్య తలెత్తుతుంది.

దీనికోసం ముందుగా జీవనవిధానంలో మార్పులు చేసుకోవాలి. పోషకాహారానికి ప్రాధాన్యం ఇవ్వాలి. పీచు అధికంగా ఉండే పదార్థాలు అంటే తృణధాన్యాలు, తాజా పండ్లు ఎక్కువుగా తీసుకోవాలి. ఏదో ఒక వ్యాయామం రోజూ అరగంటైనా చేయడం మీ జీవనవిధానంలో భాగం కావాలి. వారంలో ఐదు రోజులు రోజూ అరగంటకి తగ్గకుండా నడవడం ఆరోగ్యానికి మంచిదని అధ్యయనాలు చెబుతున్నాయి.

వీటిని పాటించండి
హెల్తీ డైట్: కొవ్వు ఎక్కువగా ఉండే ఆహారపదార్థాలను తక్కువగా తీసుకోవాలి. విటమిన్లు, పోషకాలు ఎక్కువగా లభించే పండ్లు, కూరగాయలు, నట్స్ కొవ్వు తగ్గిస్తాయి.
నడకతో ఫిట్: వ్యాయామం లేకుండా ఒకే చోట కూర్చుని గంటల కొద్దీ పని చే సేవారిలో కొవ్వుపెరిగే అవకాశం ఎక్కువ. అందుకే రోజు అరగంటపాటు తప్పకుండా వ్యాయామం చేయాలి. ముఖ్యంగా వాకింగ్, స్విమ్మింగ్, సైక్లింగ్, జాగింగ్ వంటి ఏరోబిక్ వ్యాయామాలు చేయాలి.
స్మోకింగ్‌కు స్వస్తి: పొగతాగని వారితో పోల్చితే పొగతాగే వారిలో కొవ్వు పెరిగి గుండె జబ్బులు వచ్చే అవకాశం రెట్టింపు ఉంటుంది. పాసివ్ స్మోకింగ్ కూడా మంచిది కాదు. స్మోకింగ్ అలవాటు ఉంటే వెంటనే మానేయండి. అలవాటు లేకపోతే అట్రాక్ట్ కాకండి.
కొలెస్ట్రాల్: టోటల్ కొలెస్ట్రాల్ స్థాయి పెరిగితే హార్ట్ డిసీజ్ రిస్క్ పెరుగుతుంది. కాబట్టి కొలెస్ట్రాల్ లెవెల్స్ పరిమితిని దాటకుండా చూసుకోండి. ఒకవేళ కొలెస్ట్రాల్ ఎక్కువగా ఉంటే డాక్టర్ సూచన మేరకు మందులు వాడండి.
హెల్తీ వెయిట్: అధిక బరువు మూలంగా కొ్వ్వు పెరిగి గుండెపై ఒత్తిడి పడుతుంది. కొలెస్ట్రాల్ లెవెల్స్ పెరగడం, ట్రైగ్లిజరైడ్స్, డయాబెటిస్, అధిక రక్తపోటు వంటి సమస్యలన్నీ అధిక బరువు మూలంగానే వస్తాయి. కాబట్టి లైఫ్‌స్టయిల్‌లో మార్పులు చేసుకోవడం, వ్యాయామం చేయడం ద్వారా బరువును తగ్గించుకోవాలి. ఎత్తుకు తగిన బరువు ఉండేలా చూసుకోవాలి.
కోపాన్ని తగ్గించుకోండి: ఒత్తిడి, కోపం హార్ట్ఎటాక్, స్ట్రోక్‌కు కారణమవుతాయి. తగిన జాగ్రత్తలు తీసుకుంటూ ప్రశాంతమైన జీవనం గడిపితే గుండె జబ్బులు వచ్చే అవకాశాలు తగ్గిపోతాయి. రిలాక్సేషన్ టెక్నిక్స్ ఇందుకు ఉపయోగపడతాయి. జీవన విధానంలో చిన్న చిన్న మార్పులు చేసుకోవడం, మందులు వాడటం ద్వారా గుండె జబ్బులు వచ్చే అవకాశాలను గణనీయంగా తగ్గించుకోవచ్చు.

• =========================

Visit my website - > Dr.Seshagirirao.com/

Perfumes-Awareness,పెర్‌ ఫ్యూమ్స్‌-అవగాహన,సెంట్స్-అవగాహన‌,సుగంధ ద్రవ్యాలు-అవగాహన

•  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -సుగంధ ద్రవ్యాలు-అవగాహన - గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...


Introduction :
మంచి వాసనను సువాసన, పరిమళము, సుగంధం అంటారు. పువ్వులు రకరకాలైన సువాసనలను వెదజల్లుతాయి. ఎనిమిది రకాల సువాసనలను అష్టగంధాలు అని పేర్కొంటారు.
అష్టగంధాలు:

1.     కర్పూరం
2.     కస్తూరి
3.     పునుగు
4.     జవ్వాజి
5.     అగరు
6.     పన్నీరు
7.     అత్తరు
8.     శ్రీగంధం

సుగంధ ద్రవ్యాల ఉపయోగం క్రమంగా పెరుగుతుంది. ధనిక, పేద అని తేడా లేకుండా పెర్‌ఫ్యూమ్స్‌ వాడుతున్నారు. ఏ పార్టీకి వెళ్ళినా, శుభకార్యాలకు వెళ్ళినా అక్కడి ఆవరణం అంతా పెర్‌ ఫ్యూమ్‌ వాసనతో నిండిపోతుంది. ఇకపోతే Lifts లో గాలికి బదులు సెంట్‌ వాసనలను ఆస్వాదిస్తుంది ముక్కు. ఒక పెర్‌ఫ్యూమ్‌  వలన అనేక వ్యాధులు వస్తున్నాయని ఆరోగ్య నిపుణులు అంటున్నారు.

Side  effects :
సెంట్స్‌ కారణంగా కొన్ని రకాల అలర్జీలు, కాంటాక్ట్‌ డర్మటైటిస్‌, ఎగ్జిమా అనే చర్మ వ్యాధులు, మైగ్రేన్‌ తలనొప్పులు విపరీతంగా పెరుగుతున్నాయని వారు చెబుతున్నారు. ఇంగ్లాండ్‌లోని క్యాంటర్‌ బరీ కెంట్‌ ఛాసర్‌ హాస్పటల్‌కు చెందిన చర్మవైద్య నిపుణులు డాక్టర్‌ సుసానా బ్యారన్‌ సెంట్స్‌ ఉపయోగించే సమయంలో అవి చర్మానికి తగలడం, వాటి వాసనతో అలర్జీలు, మైగ్రేన్‌ తరహా తలనొప్పుల తో పాటు అనేక రకాల చర్మవ్యాధులు వస్తువులున్నాయని పేర్కొన్నారు.
కొందరు వ్యక్తులు తమ ప్రైవేట్‌ పార్ట్‌ వద్ద సుగంద ద్రవ్యాలను ఉపయోగిస్తుంటారు. వాళ్ళు తమ అండర్‌ గార్మెంట్స్‌ వద్ద టాల్కం పౌడర్‌ వంటివి జల్లుకుంటారు. అయితే ఆ ప్రదేశంలో సుగంధ ద్రవ్యాలను ఉపయోగించడం కంటే ప్రతిరోజూ శుభ్రంగా స్నానం చేయడం, ఎప్పటి కప్పుడు ఫ్రేష్‌ అండర్‌ గార్మెంట్స్‌ తొడుక్కోవడమే ఆరోగ్యకరం అంటున్నారు నిపుణులు.

Uses :
నిత్య జీవితంలో సువాసనలకు ఎంతో ప్రాధాన్యత ఉంది. ముఖ్యంగా ఇవి మన నాడీ వ్యవస్థను ఉత్తేజితం చేస్తాయి. చిటికెలో మన మనస్సులోని ఆలోచనలు మార్చేస్థాయి. అప్పుడప్పుడు మనం ఒత్తిడికి గురౌతుంటాం. డిప్రెషన్ అవుతుంటాం అలాంటప్పుడు మంచి వాసనలు చూడడం వల్ల మన శరీరంలోని సువాసనలతో మనం చేసే పనుల్లో మనసును కేంద్రీకరించగలుగుతాం. మంచి సువాసనలు రెండు రకాలుగా ఉపయోగిస్తాం. మొదటి రకం శరీరంపై ఉపయోగిస్తే, రెండవది పరిసర ప్రాంతాలను వాతావరణాన్ని పరిమళ భరితం చేసేవి. శరీరం విషయంలో చాలా మంది ఒకే రకమైన సంట్ ను తరచూ వాడుతుంటారు. దీన్ని బట్టి వాళ్ల వ్యక్తిత్వాన్ని గుర్తించవచ్చు. వాళ్లు ఎలాంటి ఆశయాలు కలిగినవాళ్ళ?మొదలైన విషయాలను వాళ్లు ఉపయోగించి సుగంధాలతో తెలుసుకోవచ్చు. ఫ్లోరల్: ఇందులో మీకు రకరకాల సంప్రదాయ పుష్పాల సుగంధాలు వస్తాయి. ఇది మనషి మెదడులో స్త్రీ సంబంధ ఆలోచనలను కలిగిస్తాయి. వీటిలో గులాబీ, మల్లెపూల సువాసనలు ఎక్కువ జనాదరణ పొందాయి. గ్రీన్: రోజ్ మెరీ, చామోమిలీ, యూకలిప్టస్ ఎక్కువ ప్రజాదరణ పొందినవి, వీటిని ఉపయోగించి రిలాక్సింగ్, బాతింగ్ ఆనందాన్ని పొందవచ్చు. కాబట్టి గ్రీన్ సువాసనలు అందరికీ ఉపయోగకరంగా ఉంటాయి....

ఉపయోగించడంలో అవగాహన(Hints in use  of Scents of perfumes) :
సాధారణంగా  పెర్‌ఫ్యూమ్స్‌ సువాసనను మెచ్చని వారుండరు. శుభ కార్యాలు, ప్రత్యేక సందర్భాల్లో మాత్రమే కొందరు మహిళలు పెర్‌ఫ్యూమ్స్‌ ఉపయోగిస్తారు. అయితే పెర్‌ఫ్యూమ్స్‌ను ఉపయోగించడంలో కూడా సరైన అవగాహన ఉండాలి. ముఖ్యంగా వేసవిలో పెర్ ఫ్యూమ్ స్పెల్ ఎక్కువ సేపు ఉండాలా జాగ్రత్తపడాలి. వేసవిలో మన శరీరం గురించి వ్యక్తిగతంగా జాగ్రత్త తీసుకోకపోతే చాలా ఇబ్బంది కరంగా ఉంటుంది. వేసవిలో రోజుకు కనీసం రెండు సార్లైనా స్నానం చేయాలి. స్నానం చేసిన తర్వాత పెర్ ఫ్యూమ్ లేదా డియోడరెంట్ వంటివి రాసుకోవాలి. చాలా మంది నేచురల్ డియోడరెంట్స్ ఎక్కువగా ప్రాధాన్యతను ఇస్తారు. నేచురల్ గా దొరికే ఎసెన్సియల్ ఆయిల్స్ లేదా ఎక్సాస్ట్ మంచి సువాసనలు కలిగి ఎక్కువ సేపు నిలిచి ఉంటాయి. ఇవి చెడువాసనలు రానీయకుండా కాపాడుతాయి.

సువాసనలు ఎక్కువ సేపు నిలిచి ఉండాంటే పాటించాల్చిన పద్దతులు(Hints for long sustainance of smell) :  
1. పెర్ ఫ్యూమ్ కానీ, డియోడరెంట్స్ కానీ ఉపయోగించే ముందు బాటిల్ ను బాగా షేక్ చేయాల్సి ఉంటుంది.
2. పెర్ ఫ్యూమ్ ను డైరెక్ట్ గా చంకల క్రింద వాడకూడదు. మీరు డ్రెస్ ధరించిన తర్వాత స్పే చేసుకోవడం వల్ల ఎక్కువ సమయం తాజాగా సువాసనతో నిలిచి ఉంటుంది.
3. మీరు డియోడరెంట్ రోలర్ ను ఉపయోగించినట్లైతే, శరీరం మీద తేమ లేకుండా చేసుకోవాలి. తర్వాత దుస్తులను ధరించాలి.
4. డియోడరెంట్స్ ఇరవై నాలుగు గంటలు శరీరానికి రక్షణ కల్పిస్తుంది. .

పెర్‌ ఫ్యూమ్స్‌ ,సెంట్స్‌,సుగంధ ద్రవ్యాలు వాడేవారికి కొన్ని జాగ్రత్తలు(Precautios for users of Scents of Perfumes) :
 1. శరీరంలో బ్యాక్టీరియాను తొలగించడానికి రోజుకు కనీసం రెండు సార్లైనా స్నానం చేయాల్సి ఉంటుంది. శరీరంపై పడే దుమ్ము ధూలి నుండి ఏర్పడ బ్యాక్టీరియా, క్రిములు దుర్వాసన ఏర్పడటానికి కారణం. ఆ దుర్వాసనను తొలగించడానికి వేడినీళ్ళతో స్నానం చేయడం కంటే గోరు వెచ్చని లేదా చల్లని నీటితో స్నానం చేయాలి. వేడి నీళ్ళతో స్నానం చేయడంతో ఆ వేడికి శరీరంలో మళ్ళీ చెమట పడుతుంది.
2. చెమటలు పట్టించేలా ఉండే దుస్తులను ధరించకపోవడమే మంచిది. పాలిస్టర్, థిక్ ఫ్యాబ్రిక్ దుస్తులు వేసుకోకూడదు. వీటి ద్వారా చెమట తొందరగా పడుతుంది.
3. వేసవిలో కాటన్ దుస్తులు ధరించడం ఉత్తమం. చెమట పట్టినా కూడా కాటన్ దుస్తులు చెమటను పీల్చుకొంటాయి.
4. డియోడరెంట్ రోలర్ ను ఉపయోగించేట్లైతే టాల్కమ్ పౌడర్ ను కూడా అప్లై చేస్తే సుగంధపరిమళాల వాసనలు ఎక్కువ సేపు నిలిచి ఉంటాయి.
5. చంక క్రింది ఎప్పటికప్పడు హెయిర్ ను తొలగిస్తుండాలి. లేదంటే చెమటకు బ్యాక్టీరియా చేరి దుర్వాసను పెంచుతుంది.
6. డియోడరెంట్ వాసనలు ఎక్కువ సేపు నిలిచి ఉండాలంటే స్నానానికి ముందే చంకల కింద టూత్ పేస్ట్ అప్లై చేసి, పది నిమిషాల తర్వాత స్నానం చేస్తే సరిపోతుంది.
7. ఫుల్ స్లీవ్స్ లేదా ఫుల్ షర్ట్స్ ధరిస్తున్నట్లైతే పెర్ ఫ్యూన్ దుస్తులపై పూర్తిగా అప్లై చేసుకోవాలి.
8. పన్నీటిలో సువాసన కలిగిన పెర్‌ఫ్యూమ్‌ను ఒకటి రెండు చుక్కలు కలిపి, శరీరం మీద చల్లుకోవచ్చు.
9. పెర్‌ఫ్యూమ్‌ కొనబోయేముందు ఆ పెర్‌ఫ్యూమ్‌ను చేతిమీద రాసుకుని, ఆ వాసన నచ్చిందా, అది తమ చర్మానికి పడిందా అని చెక్‌ చేసుకోవాలి. పెర్‌ఫ్యూమ్‌ వాసన మారకుండా అలాగే ఉంటే, ఆ పెర్‌ఫ్యూమ్‌ను ఉపయోగించవచ్చు.
10. పెర్‌ఫ్యూమ్‌ సువాసనలో తేడాలుంటాయి. రకరకాల మూలికలతోనూ, పరిమళాల పుష్పాలతోనూ, సుగంధాలు కలిగిన ఆకులతోనూ కూడా పెర్‌ఫ్యూమ్స్‌ను తయారుచేస్తారు. స్త్రీలకు, పురుషులకు ప్రత్యేకంగా తయారు చేయబడిన పెర్‌ఫ్యూమ్స్‌ను వాడటంవల్ల సువాసన కాకుండా దుర్వాసన కలుగుతుంది. అంతే కాకుండా చర్మానికి ఎలర్జీ కలుగుతుంది. ఎవరి శరీరతత్వాన్ని బట్టి వారు, చర్మానికి సరిపడే పెర్‌ఫ్యూమ్‌ను ఎన్నుకోవాలి. అంతే కానీ, తోటివారు ఉపయోగిస్తున్నారు కదాని, దాన్నే వాడకూడదు.

Source : wikipedia.org/

• ==========================

Visit my website - > Dr.Seshagirirao.com/

Crack lips,పెదవుల పగుళ్లు

• 
  

-

• 
  

ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు -Crack lips,పెదవుల పగుళ్లు- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...




బ్రతికినంతకాలము మనిషి బాధలులేకుండా బ్రతకాలనే అనుకుంటారు . . . అనుకోవడమేమిటి అలానే బ్రతకాలి. పగిలి పెదవులు  బాధతో పాటు ముఖ అందాన్ని కూడా ప్రబావితం చేస్తాయి.  పొడి వాతావరణం పెదవుల పగుళ్ళకు ముఖ్యమైన కారణం. వాతావరణంలోని గాలి పొడిగా ఉన్నప్పుడు చర్మంలోని పై పొరలు ఆరిపోతాయి. పెదవులమీద ఉండే చర్మం సున్నితంగా ప్రత్యేకంగా ఉంటుంది కాబట్టి ముందుగా వాతావరణ ప్రతికూలతలు పెదవుల మీద పడతాయి.
పెదవులు పగులుతాయి. పెదవులు చిట్లిపోయి నొప్పిగా తయారవుతాయి. కొంతమంది పెదవులు తడారిపోతున్నప్పుడు వాటిని నాలికతో తడుపుతూంటారు. తడి ఆరిపోతూ పెదవుల్ని మరింత చిట్లిపోయేలా చేస్తుంది కాబట్టి ఇలాగా తడారిన పెదవుల్ని నాలికతో తడపకండి. దీనికి బదులు ఆముదాన్ని గానీ, వెన్నపూసను గానీ పెదవులకు రాసుకోండి. వీటితో పెదవుల మీద ఉండే తేమ ఆరిపోకుండా ఉంటుంది. ఎండలోకి వెళ్ళినపుడు అతినీలలోహిత కిరణాల ప్రభావం పడకుండా ఉండేందుకుగాను సన్‌రిఫ్లెక్షన్‌ ఫ్యాక్టర్‌ కలిగిన క్రీముల్ని పైపూతగా రాసుకోండి.

శీతాకాలం వస్తే  చర్మాన్ని సంరక్షించుకోవడానికి అనేక పాట్లు పడుతుంతాం . అలాగే చలికాలంలో పెదవుల పగుళ్ల కోసం ఏవేవో చేస్తుంటాం. పెదవుల పైన చర్మం పొరలుగా వచ్చేయడం, పగుళ్లు బారడం ఎండాకాలంలో కూడా కనిపిస్తుంది. చర్మం పైన  పొరలు ఉంటాయి. కానీ పెదవులపై ఉండే  పొరలు సున్నితం గా ఉంటాయి. అందువల్ల పెదవుల పగుళ్లు సర్వసాధారణం. దీన్ని పట్టించుకోకపోతే పెదవులు నల్లగా మారే అవకాశం కూడా ఉంది. అందుకే పెదవుల ఆరోగ్యం కోసం జాగ్రత్తలు తీసుకోవాలి.

అల్లోపతి చికిత్స:

• అల్లోపతిలో వేజలైన్‌ జెల్లీ పైపూతగా రాసుకోవడమే గాని స్పెషిఫిక్  గా ట్రీట్మెంట్ ఏమీలేదు. బి.కాంప్లెక్ష్ లోపము రాకుండా తగిన జాగ్రత్తలు తీసుకుంటే సరిపోతుంది.

ఆయుర్వేదం చికిత్స :

•  చండ్రబెరడు చూర్ణం చిటికెడు తేనె అరటీస్పూన్‌. రెంటినీ కలపండి. పేస్టులాగా తయారు చేయండి. దీనిని రాత్రి పడుకునే ముందు పెదవుల మీద పూసుకోండి.ఉదయం కడిగేసుకోండి. దీంతో పెదవుల పగుళ్లు తగ్గుతాయి.
• చలికాలంలో వీసే గాలుల వల్ల మీ పెదవులు తడిఆరి పగుళ్ళు ఏర్పడుతాయి. 8,9గంటలపాటు లిప్ స్టిక్ ఉంచుకుంటే పెదవులు పొడిబారతాయి. కాబట్టి లిప్ గార్డ్ గానీ, వాజలిన్ గానీ రాస్తే మంచిది.లిప్ స్టిక్ పెదవులపై ఎక్కువ సేపు ఉండాలంటే అదిపెట్టుకునే ముందు పెదాలపై పౌడర్ గానీ, లైట్ గా ఫౌండేషన్ గానీ వేసుకోవాలి. అప్పుడు లిప్ స్టిక్పెట్టుకుంటే చాలా సేపటివరకూ పోకుండా ఉంటుంది.మాయిశ్చరైజర్ లిప్ స్టిక్ పెదవులను మెరిసేలా చేస్తుంది.
• పెదవులు నల్లగా అందవిహీనంగా ఉంటే బీట్ రూట్ ముక్కతో పెదవులను బాగా రుద్దితే మెరుపు సంతరించుకుంటాయి.
• నెయ్యిని రోజూ నిద్రకు ఉపక్రమించేందుకు ముందు రాసుకోవాలి.
•  కొబ్బరి నూనెను కూడా తెల్లవారుజామున స్నానానికి ముందు వాడితే మంచి ఫలితం ఉంటుంది.
• 2 భాగాల తేనెకు 1 భాగం మీగడను, నాలుగైదు చుక్కలు రోజ్ వాటర్‌ని కలిపి పెదవుల మీద ప్రయోగిస్తే పెదవుల పగుళ్లు తగ్గి నున్నగా తయారవుతాయి
• చలికాలంలో మీ పెదవులకు అలొవెరా ఆయిల్‌, ఆలివ్‌ ఆయిల్స్‌ను వాడినా మంచి ఫలితం ఉంటుంది.
• ఇంకా మిల్క్‌ క్రీమ్స్‌ వాడితే పెదవుల పగుళ్లను నివారించవచ్చునని బ్యూటీషన్లు చెబుతున్నారు.
• నిమ్మరసం, ధనియాల పొడి కలిపి పేస్ట్‌ చేయండి. పెదవులపై ఈ పేస్ట్‌తో ప్రతిరోజూ పదినిమిషాలు మర్దన చేస్తే మంచి ఫలితం ఉంటుంది.
• నిమ్మరసం, గ్లిజరిన్‌, తేనె కలపి ఈ మిశ్రమంతో పెదవులపై పదినిమిషాలు మర్దన చేయాలి.
• నిద్రించేముందు కొబ్బరి నూనెలో వైట్‌ పెట్రోలియం జెల్లీ కలపి, పెదవులకు రాయాలి.
• కొత్తిమీర రసంతో పెదవులను మర్దనా చేసినా మంచి ఫలితం ఉంటుంది.
• నోటిలో పుండ్లు, పెదవుల పగుళ్లు, నాలుకు మంట వంటివి ఇబ్బంది పెడుతుంటాయి. ఇలాంటివారు అత్తిపండ్లను తీసుకుంటే  మంచి ఫలితం ఉంటుంది.

చిట్కాలు-జాగ్రత్తలు :    
చలికాలంలో తరచుగా పెదాలు పగలుతుండటం సహజమే. దీంతో మంట, నొప్పి, చిరాకు వంటివి వేధిస్తాయి. అయితే తగు జాగ్రత్తలు తీసుకుంటే పెదాలను ఆరోగ్యంగా ఉంచుకోవచ్చు.

* చలి, పొడి వాతావరణంలో బయటకు వెళ్లేటప్పుడు పెదాలకు సన్‌స్క్రీన్‌తో కూడిన క్రీమ్‌ రాసుకోవాలి. తర్వాత పెదాలను చేతి రుమాలుతో గానీ స్కార్ఫ్‌తోగానీ కప్పి ఉంచాలి. అలాగే ఆరుబయట ఎక్కువసేపు గడిపే సమయాల్లో తరచుగా పెదాలకు క్రీమ్‌ రాస్తుండాలి.

* పెదాలను తడిగా ఉంచుకోవటానికి కొందరు నాలుకతో అద్దుతుంటారు. ఇది సరికాదు. లాలాజలం త్వరగా ఆవిరవుతుంది. దీంతో పెదాలు అంతకుముందుకన్నా మరింత పొడిగా తయారవుతాయి.

* తగినంత నీరు తాగటం ఆరోగ్యానికి ఎంతో మంచిది. దీంతో శరీరంలో నీటి శాతం తగ్గకుండా ఉంటుంది. చర్మంతో పాటు పెదాలూ నిగనిగలాడతాయి. వీలైనవారు ఇంట్లో తేమ తగ్గకుండా చూసే పరికరాలు (హ్యూమిడిఫయర్‌) కూడా వాడుకోవచ్చు.

* కొన్నిసార్లు అలర్జీ కారకాలు కూడా పెదాలు పగలటానికి దారితీయొచ్చు. కాబట్టి సౌందర్య సాధనాలు, రంగుల్లో శరీరానికి సరిపడని అలర్జీ కారకాలు ఉంటే.. వాటికి దూరంగా ఉండాలి.

* కొందరు తరచుగా నోటితో గాలిని పీల్చుకుంటూ ఉంటారు. దీంతో పెదాలు పొడి బారతాయని గుర్తుంచుకోవాలి. అందువల్ల ముక్కు ద్వారానే శ్వాస తీసుకోవాలి.

* చిన్న చిన్న చిట్కాలతో పెదాలు పగలటం తగ్గకపోతే వెంటనే డాక్టరుని సంప్రదించాలి. ఎందుకంటే కొన్నిసార్లు తీవ్రంగా పెదాలు పగలటమనేది ఇన్‌ఫెక్షన్‌ వల్ల కూడా రావొచ్చు. కాబట్టి ముందే జాగ్రత్త పడితే మంచిది.

• =======================

Visit my website - > Dr.Seshagirirao.com/