ఆరోగ్యమే మహాభాగ్యము.మనిషికి ఏమిటి ఉన్నా , ఎన్ని ఉన్నా ఆరోగ్యముగా లేకపోతే ఎందుకు పనికిరాడు . ఆరోగ్యము గా ఉంటే అడివిలోనైనా బ్రతికేయగలడు . మనిషికే కాదు ప్రపంచములో ప్రతిజీవికి ఇదే సూత్రము జీవన మనుగడలో ముఖ్యమైనది . మన ఆరోగ్యాన్ని కాపాడుకోవాలి . ఏ రోగాలు రాకుండా ముందు జాగ్రత్తలు తీసుకోవాలి . జబ్బు వచ్చిన వెంటనే తగిన చికిత్స తీసుకోవాలి . బ్రతికినన్నాళ్ళు హాయిగా ఆరోగ్యము గా బ్రతకాలన్నదే నిజమైన జీవన విధానము . ఇప్పుడు
-మధుమేహులు బరువు తగ్గితే గుండెపోటు దూరం- గురించి తెలుసుకొని మన ఆరోగ్యాన్ని కాపాడుకుందాం !. క్రింద నుదహరించిన చికిత్సావిధానాలు మనిషి అవగాహన కోసం వివరించిన ప్రధమ చికిత్స మాత్రమే మంచి చికిత్స కోసం తగిన వైద్య నిపుణులను సంప్రదించాలి ...
-మధుమేహంతో బాధపడుతున్న వూబకాయులు ఆరు కిలోల బరువు తగ్గినా మెరుగైన ఫలితాలు కనబడుతున్నట్టు తాజా అధ్యయనంలో వెల్లడైంది. దీంతో రక్తనాళాలు గట్టిపడటం 20% తగ్గుతున్నట్టు.. ఈ మేరకు గుండె పోటు ముప్పూ దూరమవుతున్నట్టు బయటపడింది. మిగతావారికన్నా మధుమేహలకు గుండెజబ్బు ముప్పు ఆరు రెట్లు ఎక్కువ. మధుమేహుల్లో 68% మరణాలకు ఇదే కారణమవుతోంది కూడా. ఇందుకు ప్రధానంగా రక్తనాళాలు గట్టిపడే (అథెరోస్క్లెరోసిస్‌) సమస్య దోహదం చేస్తుండటం గమనార్హం. వాపు, రోగనిరోధక ప్రతిస్పందనతో ఈ సమస్య నేరుగా ముడిపడి ఉన్నట్టు గార్‌వన్‌ ఇన్‌స్టిట్యూట్‌ ఆఫ్‌ మెడికల్‌ రీసెర్చి, సెయింట్‌ విన్సెంట్‌ హాస్పిటల్‌కు చెందిన పరిశోధకులు తాజాగా నిరూపించారు. ఇలాంటి అధ్యయనం ఇదే తొలిసారని చెప్పారు.
Visit my website - >
Dr.Seshagirirao.com/
No comments:
Post a Comment
Your comment is very important to improve the Web blog.